ជនសង្ស័យម្នាក់! ត្រូវកម្លាំងនគរបាលវរសេនាតូចការពារព្រំដែនគោកលេខ៩១១ ឃាត់ខ្លួនបាន រួមនិងគ្រឿងញៀនជាច្រើនកូនថង់ នៅអូរព្រំដែន ក្រុងប៉ោយប៉ែត.!!!
ខេត្តបន្ទាយមានជ័យ៖ លោកវរសេនីយ៍ឯក សូ ចាន់ណារី មេបញ្ជាការវរសេនាតូចការពារព្រំដែនគោកលេខ៩១១ ដឹកនាំកម្លាំង សហការនិងកម្លាំងយោធា ឃាត់ខ្លួនបានជនសង្ស័យម្នាក់ ដែលកំពុងលួចលក់និងជក់គ្រឿងញៀនជាច្រើនកូនថង់ នៅអូរព្រំដែន នៅយប់ថ្ងៃទី០៧ ខែកក្កដា ឆ្នាំ២០២១ ឋិតចំណុចភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
លោកវរសេនីយ៍ឯក សូ ចាន់ណារី មេបញ្ជាការវរសេនាតូចការពារព្រំដែនគោកលេខ៩១១ បានអោយដឹងថា៖ ជនសង្ស័យ មានឈ្មោះ អែល ឡៅ ភេទប្រុស អាយុ៥២ឆ្នាំ រស់នៅភូមិទួលពង្រ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ។
លោកវរសេនីយ៍ឯក សូ ចាន់ណារីបានបញ្ជាក់អោយដឹងបន្តទៀតថា៖ ពេលកម្លាំងនគរបាលការពារព្រំដែនប៉ុស្តិ៍បឹងសាគូនិងកម្លាំងយោធាបានដើរល្បាត នៅពេលយប់តាមបន្ទាត់ព្រំដែន ក្នុងការទប់ស្កាត់ពលករលួចឆ្លងដែនដោយខុសច្បាប់ ស្រាប់ប្រទះឃើញជនសង្ស័យម្នាក់កំពុងជិៈម៉ូតូហើយបានឃាត់សួរនាំ និងមធ្វើការឆែកឆេររកឃើញថ្នាំញៀន ប្រភេទម្សៅក្រាមពណ៌ថ្លា ចំនួន ៦ កូនថង់តូច និងថ្នាំញៀនប្រភេទមេតំហ្វាតាមីនគ្រាប់ពណ៌ក្រហម ដែលមានអក្សរ WY លើគ្រាប់ថ្នាំម្ខាង ចំនួន ៤៨ គ្រាប់ ដែលជនសង្ស័យបានលាក់ទុកនៅក្រោមកែបម៉ូតូ ។
លោកបន្តថា៖ ដោយអនុវត្តតាមបទបញ្ជារបស់លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ ជនសង្ស័យ ឈ្មោះ អែល ឡៅ រួមទាំងវត្ថុតាង
ម៉ូតូ០១គ្រឿង បូករួមនិងថ្នាំងញៀនទាំងនោះ ត្រូវបានប្រគល់អោយទៅនគរបាលជំនាញផ្នែកប្រឆាំងគ្រឿងញៀននៃអធិការដ្ឋាននគរបាលក្រុងប៉ោយប៉ែត ដើម្បីរៀបចំសំណុំរឿង ចាត់ការតាមនិតិវិធីបន្តទៀត៕
ដោយៈ លោក ជួង វិសិដ្ឋ និពន្ធនាយក
គេហទំព័រ ប៉ោយប៉ែត ប៉ុស្តិ៍
www.poipetpostnews.com
