ថ្នាក់ដឹកនាំខេត្ត និង អាជ្ញាធរក្រុងប៉ោយប៉ែត អញ្ជើញចុះត្រួតពិនិត្យទីតាំងចាក់វ៉ាក់សាំងជូន ប្រជាពលរដ្ឋ ដែលនៅសេសសល់ ដើម្បីបង្ការទប់ស្កាត់ការរីករាលនៃជម្ងឺកូវីដ-១៩ ក្នុងសហគមន៍.!!!
ខេត្តបន្ទាយមានជ័យ៖ នៅព្រឹកថ្ងៃអង្គារ ៩ កើត ខែស្រាពណ៍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១៧ ខែសីហា ឆ្នាំ២០២១ លោកឧត្ដមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ.លោកឧត្តមសេនីយ៍ទោ សេង ធារិន មេបញ្ជាការរងនាយសេនាធិការ និងជាប្រធានគ្រប់គ្រងសន្តិសុខសណ្ដាប់ធ្នាប់គោលដៅធ្វើចត្តាឡីស័កប្រយុទ្ធប្រឆាំងជម្ងឺកូវីដ-១៩ យោធភូមិភាគទី៥ និង លោក គាត ហ៊ុល អភិបាលនៃគណៈអភិបាលក្រុងប៉ោយប៉ែត បានអញ្ជើញ ចុះត្រួតពិនិត្យលើទីតាំងចំនួន០២ ក្នុងភូមិសាស្រ្តក្រុងប៉ោយប៉ែត ខេត្តបន្ទាយមានជ័យ ដែលកំពុងដំណើរការចាក់វ៉ាក់សាំងលើកទី១ ដូសទី១ ជូនប្រជាពលរដ្ឋដែលនៅសេសសល់ដើម្បីបង្ការទប់ស្កាត់ការរីករាលនៃជម្ងឺកូវីដ-១៩ ក្នុងសហគមន៍ ដែលមានទីតាំងទី១នៅក្នុងបរិវេណកាស៊ីណូហ្រែ្គនស៊ីធី និងទីតាំងទី២ នៅក្នុងបរិវេណកាស៊ីណូក្រោន៕
ដោយ: លោក តាំង លី
