សម្ដេចតេជោ ហ៊ុន សែន ឧបត្ថម្ភផ្លែមៀនចំនួន ១៥០០ kg ដល់ស្នងការដ្ឋាននគរបាលខេត្តបន្ទាយមានជ័យ ដើម្បីចែកជូនដល់កងកម្លាំងបរិភោគ...
ខេត្តបន្ទាយមានជ័យ៖ អំណោយផ្លែមៀនចំនួន ១៥០០ kg របស់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ត្រូវបានក្រុមការងារបញ្ជាការដ្ឋានអង្គរក្សដឹកនាំរបស់នាយឧត្តមសេនីយ៍ ហ៊ីង ប៊ុនហៀង នាំយកមកចែកជូនដល់កម្លាំងនគរបាលនៃស្នងការដ្ឋាននគរបាល ខេត្តបន្ទាយមានជ័យហើយ នៅថ្ងៃទី២០ ខែសីហាឆ្នាំ២០២១ នេះ។
លោកឧត្តមសេនីយ៍ត្រី អេង លីហួរ ស្នងការរងទទួលផែនគ្រប់គ្រងជនបរទេស តំណាងលោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាល ខេត្តបន្ទាយមានជ័យ បានដឹកនាំក្រុមការងារទៅទទួលផ្លែមានចំនួន ១៥០០ គីឡូក្រាម ពីក្រុមការងារបញ្ជាការដ្ឋានអង្គរក្សឯកឧត្តម នាយឧត្តមសេនីយ៍ ហ៊ីង ប៊ុនហៀង ដើម្បីយកផ្លែមានទាំងនោះទៅចែកជូនដល់កងកម្លាំងដែលកំពុងបំពេញបេសកកម្មប្រយុទ្ធប្រឆាំងជំងឺកូវីដ-១៩ តាមគោលដៅនីមួយៗបរិភោគផងដែរ។
អំណោយផ្លែមៀនទាំងនោះត្រូវបានបែងចែកទៅតាមបណ្ដាអធិការរដ្ឋាននគរបាលស្រុក/ក្រុងទាំង៩ នៃខេត្តបន្ទាយមានជ័យ ក្នុងមួយអធិការដ្ឋានទទួលបាន ១០០ គីឡូក្រាម និងទីបញ្ជាការវរៈចំនួន៤ ក្នុងមួយវរ:ទទួលបាន ១០០ គីឡូក្រាម គោលដៅយាមផ្លូវជាតិ៥៨ និងគោលដៅអូរនាង ក្នុង១គោលដៅ៥០ គីឡូក្រាម ស្នងការដ្ឋានទទួលបានចំនួន ២០០ គីឡូក្រាម៕
ដោយ: លោក រឿន សុខា ជំនួយការ
