លោក គាត ហ៊ុល អភិបាលនៃគណៈអភិបាលក្រុងប៉ោយប៉ែត ដឹកនាំក្រុមការងារ ចុះពិនិត្យរៀបចំទីតាំង ចាក់វ៉ាក់សាំង ដើម្បី បង្ការជំងឺកូវីដ-១៩ ដល់កុមារចាប់ពីអាយុ១២ ឆ្នាំដល់១៧ឆ្នាំ...
ក្រុងប៉ោយប៉ែត៖ ថ្ងៃសៅរ៍ ១៣កើត ខែស្រាពណ៍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២១ ខែសីហា ឆ្នាំ២០២១ លោក គាត ហ៊ុល អភិបាលនៃគណៈអភិបាលក្រុង ប៉ោយប៉ែត បានដឹកនាំក្រុមការងារ អាជ្ញាធរសង្កាត់ ចុះពិនិត្យ រៀបចំទីតាំង ចាក់វ៉ាក់សាំង ដើម្បីបង្ការជំងឺកូវីដ-១៩ ដល់កុមារចាប់ពីអាយុ១២ឆ្នាំដល់១៧ឆ្នាំ នៅក្នុងបរិវេណវត្តស្រះត្រាច។
ជាមួយគ្នានោះ អាជ្ញាធរក្រុងប៉ោយប៉ែត សូម អំពាវនាវ សារមួយនេះ ដល់អាណាព្យាបាល ដែលមានកូនៗ អាយុចាប់ពី១២ឆ្នាំដល់ក្រោម១៨ឆ្នាំ ត្រៀមឯកសារពាក់ព័ន្ធ និងនាំកូនៗមកទទួលការចាក់វ៉ាក់សាំងបង្ការជម្ងឺកូវីដ-១៩ អោយបានគ្រប់ៗគ្នាតាមទីតាំងដែលក្រុមការងារនៃរដ្ឋបាលក្រុងប៉ោយប៉ែត បានរៀបចំ ដែរមាន៤ទីតាំង ក្នុងសង្កាត់ទាំង៣៖
ទី១-សង្កាត់ប៉ោយប៉ែត (បរិវេណវត្តស្រះត្រាច)។
ទី២-សង្កាត់ផ្សារកណ្តាល(សាលាបឋមសិក្សាប្រជាធម្ម និងមណ្ឌលសុខភាពអូរឬស្សី)។
ទី៣-សង្កាត់និមិត្ត(បរិវេណវត្តសុធីរាមកូនដំរី)។
លោក គាត ហ៊ុល បានបញ្ជាក់ថា៖ ការចាក់វ៉ាក់សាំង បង្ការកូវីដ-១៩ ដល់កុមារ និង ចាប់ផ្តើមនៅថ្ងៃទី២៣ ខែសីហា ដល់ថ្ងៃទី៥ ខែកញ្ញា ឆ្នាំ២០២១ នៅវេលាម៉ោង០៧និង៣០នាទីព្រឹកដល់ម៉ោង១៦និង០០នាទី រសៀលតទៅ៕
ដោយ: លោក ជួង វិសិដ្ឋ និពន្ធនាយក
