អ្នកឆ្លងជំងឺកូវីដ-១៩ COVID-19 លើលោកកើនដល់ជាង ២១៦ លាន ២០ ម៉ឺននាក់ ស្លាប់ជាង ៤ លាន ៤៩ ម៉ឺននាក់ និងជាសះស្បើយជាង ១៩៣ លាន ១៨ ម៉ឺននាក់.!!!
បើគិតត្រឹមថ្ងៃសៅរ៍ ទី២៨ ខែសីហា ឆ្នាំ២០២១នេះ ចំនួនអ្នកឆ្លងជំងឺ កូវីដ-១៩ COVID-19 នៅទូទាំងពិភពលោក បានកើនឡើងដល់ ២១៦, ២០៤,១៨៣ នាក់ហើយ។ ក្នុងនោះអ្នកស្លាប់មានចំនួន ៤,៤៩៨,៨៦៤ នាក់ និង ជាសះស្បើយឡើងវិញ ១៩៣,១៨៨,៦៣៦ នាក់។
យោងតាមទិន្នន័យពីគេហទំព័រអន្តរជាតិ Worldometer បានបង្ហាញថា ការរីករាលដាលនៃជំងឺកូវីដ-១៩ COVID-19 នៅតែមានសភាពស្រួចស្រាវ ដោយចំនួនអ្នកឆ្លង និងស្លាប់ថ្មី នៅតែមានចំនួនច្រើន។
សហរដ្ឋអាមេរិក នៅតែជាប្រទេសមានចំនួនអ្នកឆ្លង និង ស្លាប់ដោយសារជំងឺកូវីដ-១៩ COVID-19 ច្រើនជាងគេ។
សហរដ្ឋអាមេរិក មានអ្នកឆ្លងជំងឺកូវីដ-១៩
COVID-19 ចំនួន ៣៩,៥៤០,៤០១ នាក់ ស្លាប់ចំនួន ៦៥៣,៤០៥ នាក់ និងជាសះស្បើយចំនួន ៣០,៧៨៦,៣៦៨ នាក់។
ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺកូវីដ-១៩ គឺប្រទេសឥណ្ឌា។ ហើយឥណ្ឌាមានអ្នកឆ្លង ៣២,៦៤៩,១៣០ នាក់ ស្លាប់ចំនួន ៤៣៧,៤០៣ នាក់ និង ជាសះស្បើយ ៣១,៨៤៥, ៣១៣ នាក់។
ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល។ ក្នុងប្រទេស ប្រេស៊ីល មានអ្នកឆ្លង ២០, ៧០៣,៩០៦ នាក់ ស្លាប់ ៥៧៨,៣៩៦នាក់ និង ជាសះស្បើយ ១៩,៦២៩,៦៧៥ នាក់៕
ប្រែសម្រួលដោយ: លោក ព្រីង សំឡុត
