ក្រុងប៉ោយប៉ែត៖ ដោយមានការជឿជាក់ កងកម្លាំងកងរាជអាវុធហត្ថមូលដ្ឋានក្រុងប៉ោយប៉ែត និង កងកម្លាំង អធិការដ្ឋាននគរបាលក្រុងប៉ោយប៉ែត បងប្រុស (ហៅប្រុស) ដែលមានគណនីយហ្វេសបុក {ធម្មជាតិ មិនទៀង} បានគៀគរ សប្បុរសជន ជាបន្តបន្ទាប់ ដឹកនាំក្រុមការងារមនុស្សធម៌ តំណាងអោយ ម្ចាស់ សណ្ឋាគារ និង ក្រុមហ៊ុន កាស៊ីណូ សេនផាលេស នាំយកសម្ភារៈ គ្រឿង ឧបភោគ បរិភោគ មួយចំនួន នៅថ្ងៃទី០៣ ខែសីហា ឆ្នាំ២០២១ យកជូនដល់ កងកម្លាំងកងរាជអាវុធហត្ថក្រុងប៉ោយប៉ែត និង កងកម្លាំង អធិការរដ្ឋាននគរបាលក្រុងប៉ោយប៉ែត ទុកសម្រាប់ប្រើប្រាស់ក្នុងអង្គភាពចាំបាច់ នៃការចុះបំពេញការងារជូនដល់ប្រជាពលរដ្ឋក្នុងមូលដ្ឋាន ដែលកំពុងរងផលប៉ះពាល់វិបត្តិសេដ្ឋកិច្ចក្នុងគ្រួសារ ដោយសារការរីករាលដាលវីរុសជំងឺកូវីដ-១៩ ក្នុងសហគមន៍ ជាពិសេសមេរោគបម្លែងថ្មីឈ្មោះ ដែលតា (Dalta) ដែលមេរោគនេះ កំពុងវាយលុកចូលមកកម្ពុជា តាមរយៈពលករខ្មែរចំណាកស្រុកថៃ ដែលវិលមកស្រុកកំណើតដែលរាជរដ្ឋាភិបាលកម្ពុជា កំពុងយកចិត្តទុកដាក់ខ្ពស់ មានក្តីបារម្ភៈជាខ្លាំង ពីសវត្ថិភាព និង អាយុជីវិតរបស់ប្រជាជន សម្រេច ចេញសេចក្តីប្រកាសព័ត៌មាន បិទខ្ទប់ នូវបណ្តាខេត្តមួយចំនួន ដែលជាប់ព្រំដែន រយៈពេល១៤ រហូតដល់មានការជូនដំណឹងសារជាថ្មី ដើម្បីធានាបាននូវកិច្ចការពារអាយុជីវិតប្រជាជន។ នាថ្ងៃនេះផងដែរ បងប្រុស (ហៅប្រុស) រួមនិងបងៗមនុស្សធម៌ បានយកសម្ភារៈ ឧបត្ថម ដល់កងកម្លាំងអាវុធហត្ថក្រុងប៉ោយប៉ែត និង នគរបាលក្រុងប៉ោយប៉ែត រួមមាន៖ -ទឹកអាល់កុល៤កាន.ម៉ាស២កេសធំ.មីមីម៉ាម៉ា២កេសធំ. ត្រីខ កំប៉ុង២កេសធំ.ទឹកបរិសុទ្ធ វីតាល់ ចំនួន២០កេស។ សូមបញ្ជាក់ផងដែរថា គេសង្កេតឃើញបងប្រុសម្ចាស់គណនីយ ហ្វេសបុក {ធម្មជាតិមិនទៀង} តែងតែគៀគរ សប្បុរសជន មនុស្សធម៌ សហការជាក្រុម នាំយកអំណោយ និង សម្ភារៈ ជាបន្តបន្ទាប់ យកទៅឧបត្ថម្ភដល់អាជ្ញាធរមានសមត្ថកិច្ច នៅក្រុងប៉ោយប៉ែត ជាញឹកញាប់ ដើម្បីចូលរួមចំណែក មនុស្សធម៌ ក្នុងសង្គមជាតិ នៃសម័យកូវីដ។ បើទោះបីជាការជួយឧបត្ថម្ភ នេះ តិចទួចក្តី ក៏មានប្រិយមិត្តអបអរសាទរ និង កោតសរសើរចំពោះទឹកចិត្តបងប្រុដ និង សប្បុរសជន ដែលមានឆន្ទះ នាំគ្នាចូលរួមជួយសម្រាលទុក្ខ ជាមួយអាជ្ញាធរមានសមត្ថកិច្ច បានមួយគ្រាតូចផងដែរ៕ ពីខ្ញុំ ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែត ប៉ុស្តិ៍ www.poipetpostnews.com