ខេត្តស្វាយរៀង៖ បើយោងប្រភពពីសំណាកមហាជនបានធ្វើការរិះគន់ចំៗ ក្នុងករណីលោកប្រធានមន្ទីរ អប់រំយុវជន និង កីឡា ខេត្តស្វាយរៀង កាប់ដើមឈើទាល ប្រមាណជិត២០ដើម ដែលមហាជននិយាយថា ដើមឈើទាលទាំងអស់នេះគឺ ដាំក្នុងអំឡុងឆ្នាំ១៩១២ ឬ នៅឆ្នាំ១៩២២ ពេលបង្កើតក្រុងស្វាយរៀង ខេត្តស្វាយរៀង ដែលមានទំហំមុខកាត់១ម៉ែត្រ ទៅ០,៧ម៉ែត្រ កម្ពស់ ជិត២០ម៉ែត្រ មិនគួរកាប់ដើមឈើនោះទេ គួតតែអភិរក្ស។ ប្រភពព័ត៌មានពីមហាជនដ៏ដែរបានបន្តថា៖ ការកាប់ដើមឈើទាលនេះ រយៈពេល៣ថ្ងៃមកហើយ គឺចាប់តាំងពីថ្ងៃទី០៧-ទី៨ ខែសីហា ឆ្នាំ២០២១ រហូតមកដល់ថ្ងៃទី០៩ ខែសីហានេះ អស់ចំនួនជោត ២០ ដើម រាប់ទាំងដើមតូចនិងធំ។ ទន្ទឹមនឹងនោះ បើយោងព័ត៌មានក្នុងស្រុកបានចុះផ្សាយថា៖ ទាក់ទិនករណីកាប់ដើមឈើទាសនេះដែរ លោក ខៀវ សំអុល ប្រធានមន្ទីរអប់រំយុវជន និង កីឡា ខេត្តស្វាយរៀង បានសារព័ត៌មានក្នុងស្រុកដឹងដែរថា៖ ដើមឈើទាល នៅក្នុងបរវេណនៃមន្ទីរអប់រំនេះ ជាទ្រព្យសម្បត្តិរបស់មន្ទីរ លោកមិនបានសុំ ទៅខាងក្រៅទេ។ ក្នុងន័យនោះ លោក ខៀវ សំអុល ប្រធានមន្ទីរអប់រំយុវជន និង កីឡា ខេត្តស្វាយរៀង បានបញ្ជាក់អោយសារព័ត៌មានក្នុងស្រុកដឹងថា៖ ទី១-ដើមឈើទាល២ទៅ៣ដើម គឺនៅជិតផ្ទះរបស់ប្រជាពលរដ្ឋនៅជិតរបងមន្ទីរមានការភ័យខ្លាច ដើមឈើបាក់រលំសង្កត់លើផ្ទះគាត់ ទើបកាប់ចេញ២ទៅ៣ដើម។ ទី២-ដើមឈើទាល០៣ដើមទៀត គឺនៅគៀកនិងអាគារ នៃមន្ទីរ ពេលមានខ្យល់មកខ្លាំងបាក់មែកធ្លាក់លើដំបូលបែកក្បឿងបង្កអោយទឹកហូរស្រក់ខូចពីដានអគារ ទើបកាប់ចេញ។ និងទី៣-ចំពោះដើមឈើទាលជាង១០ដើមទៀត គឺកាប់ចេញយកទីធ្លា សាងសង់សំណង់ ដោយមន្ទីរ មានគម្រោងរៀបចំ សាងសង់អាគារសម្រាប់កីឡាករស្នាក់នៅ ដាក់សម្ភារៈកីឡា និងគម្រោងសាងសង់ ទីលានកីឡា បាល់ស្កេតម(បាល់បោះ) កន្លែងបោះប៉ូល និងរោងចំណតរថយន្ត។ លោក ខៀវ សំអុល ប្រធានមន្ទីរអប់រំយុវជននិងកីឡាខេត្ត បានបន្តទៀតថា ដើមឈើទាល បើលក់ក្នុង១ដើមបាន៣០ម៉ឺនរៀល ទៅ៦០ម៉ឺនរៀលប៉ុណ្ណឹង ហើយលោកយកប្រាក់គ្រាន់ធ្វើការអភិវឌ្ឍន៍ នៅក្នុងមន្ទីរដូចបានរៀបរាប់ខាងលើ។ ទាក់ទិនរឿងរ៉ាវនេះដែរ ឯកឧត្តម តូច ប៉ូលីវ៉ាអភិបាលរងខេត្តស្វាយរៀង បានមានប្តសាសន៍ អោយសារព័ត៌មានក្នុងស្រុកដឹងថា៖ ករណីលោកប្រធានមន្ទីរ អប់រំយុវជន និង កីឡា ខេត្ត កាប់ដើមឈើទាល ជិត២០ដើមនេះ ឯកឧត្តមមិនបានដឹងទេ ហើយមន្ត្រីជំនាញក៏មិនបានដឹងដែរ។ ឯកឧត្តមបានបន្តថា កន្លងមកលោកប្រធានមន្ទីរ អប់រំយុវជន និងកីឡា បានដាក់សំណើរមករដ្ឋបាលខេត្តស្វាយរៀង សុំកាប់ដើមឈើ ចំនួន១ដើម ដែលនៅខាងមុខមន្ទីរ ជិតរបងក្បែរផ្លូវជាតិលេខ១ ដោយបញ្ជាក់មូលហេតុថា ប៉ះបង្គោលខ្សែភ្លើង និងខ្សែភ្លើងអគ្គីសនី ទើបឯកឧត្តមអភិបាលខេត្ត អនុញ្ញាតិអោយកាប់ចេញតាមសំណើរ ចំពោះកាតកាប់ដើមឈើទាលផ្សេងទៀត គឺរដ្ឋបាលខេត្តមិនបានដឹងនោះទេ.!។ បើយោងប្រភពពីមន្ត្រីផ្នែករដ្ឋបាលព្រៃឈើ ខេត្តស្វាយរៀង ម្នាក់ សុំមិនបញ្ចេញឈ្មោះបានបង្ហើបអោយដឹងថា៖ សង្ស័យលោកប្រធាមន្ទីរ អប់រំ លោក យល់ច្រឡំ ស្តីពីច្បាប់ភូមិបាល ហើយមើលទៅ ដោយលោកមានប្រសាសន៍ថា ដីឯកជនរបស់មន្ទីរ ទើបលោកសម្រេចចាត់ចែង បែបនេះ។ មន្ត្រីផ្នែករដ្ឋបាលព្រៃឈើបន្តថា ដីឯកជនរបស់រដ្ឋ (ដីកម្មសិទ្ធិរបស់មន្ទីរ សាមីគ្រប់គ្រង) ចំពោះដើមឈើទាល ធំៗ ឈើប្រណិត គឺជាទ្រព្យសម្បត្តិសារធារណៈរបស់រដ្ឋ ដែលមានផ្នែករដ្ឋបាលព្រៃឈើ ជាអ្នកគ្រប់គ្រង បើមន្ទីរ អប់រំយុវជន និងកីឡា មានគម្រោងរៀបចំដី សាងសង់អាគារ ឬអភិវឌ្ឍន៍នៅលើដីក្នុងបរវេណនៃមន្ទីរ សាមីរបស់ខ្លួនត្រូវតែ ដាក់សំណើរទៅឯកឧត្តមអភិបាលខេត្ត រួចដើមឈើទាំងអស់ត្រូវដាក់ដេញថ្លៃ យកថវិកាចូលរដ្ឋ មិនគួរកាប់ដើមឈើទាល តូច-ធំ រហូតជិត២០ដើមលក់យកប្រាក់ដោយគ្មានការស្នើរសុំ និងដាក់ដេញថ្លៃបែបនេះទេ។ ជុំវិញករណីខាងលើ មហាជនកំពុងមានការងឿងឆ្ងល់ ចោតជាសំនួរថា ក្នុងករណីកាប់ដើមឈើទាល តូច-ធំ ជិត២០ដើម ដែលជាដើមឈើប្រវត្តិសាស្រ្ត នៃការបង្កើតខេត្តស្វាយរៀង តើឯកឧត្តម ទេសរដ្ឋមន្ត្រី វេង សុខុន ក្រសួងកសិកម្ម រុក្ខាប្រមាញ់ និងនេសាទ បានជ្រាបពីរឿងនេះហើយឬនៅ ឬបានជ្រាបហើយ ឬយ៉ាងណា? សូមឯកឧត្តមទេសរដ្ឋមន្ត្រី ចាត់កម្លាំងដាក់ការស៊ើបអង្កេតក្នុងរឿងនេះផងទាន។ ទាក់ទងនឹងរឿងលោកប្រធានមន្ទីរ និង កីឡា កាប់ដើមឈើទាលជិត២០ដើម សារព័ត៌មានយើងខ្ញុំមិនអាចសុំការបំភ្លឺពីលោកបានទេ ដោយមិនស្គាល់លេខទូរស័ព្ទរបស់លោក ហើយសារព័ត៌មានយើងខ្ញុំ រងចាំធ្វើការបកស្រាយពីប្រធានមន្ទីរ ឡើងវិញរៀងរាល់ម៉ោង តាមរយ:លេខទូរស័ព្ទចំនួនពីរខ្សែ៖ Tell.092190098/0886606773៕