ខេត្តបន្ទាយមានជ័យ៖ លោកវរសេនីយ៍ទោ កាន់ សៀង អធិការរងក្រុង សិរីសោភ័ណទទួលផ្នែកប្រឆាំងគ្រឿងញៀន នៃអធិការដ្ឋាននគរបាលក្រុងសិរីសោភ័ណ បានដឹកនាំកម្លាំងចុះបង្រ្កាបទីតាំងជាង ជួសជុលម៉ូតូមួយកន្លែងឃាត់ខ្លួនជនសង្ស័យបាន១នាក់ដកហូតកាំភ្លើងខ្លីបាន១ដើមនិងថ្នាំញៀន១ចំនួន នៅថ្ងៃទី១០ ខែកញ្ញា ឆ្នាំ២០២១ បញ្ជូនទៅស្នងការដ្ឋាននគរបាលខេត្តបន្ទាយមានជ័យដើម្បីចាត់ការបន្តតាមនីតិវិធី។ លោកវរសេនីយ៍ទោ កាន់ សៀង បានប្រាប់អ្នកយកព័ត៌មានដឹងថា ក្រោយពីទទួលបានព័ត៌មានពីប្រជាពលរដ្ឋ និង អនុវត្តតាមបទបញ្ជារបស់លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យកម្លាំងនគរបាលជំនាញប្រឆាំងគ្រឿងញៀនក្រុងសិរីសោភ័ណ បានដឹកនាំផ្ទាល់ដោយលោកវរសេនីយ៍ឯក ស៊ី ឌី អធិការនគរបាលក្រុងសិរីសោភ័ណ បានចុះទៅដល់កន្លែងជួសជុលម៉ូតូមួយកន្លែង ឋិតនៅភូមិដីឡូត៍ សង្កាត់ទឹកថ្លា ក្រុងសិរិសោភ័ណ ខេត្តបន្ទាយមានជ័យ ក្នុងនោះឃាត់ខ្លួនជនសង្ស័យចំនួន២នាក់ មាន១ឈ្មោះ ឃុំ រតនៈគឹមហុង ភេទប្រុសអាយុ២៣ឆ្នាំជាម្ចាស់កន្លែងជួសជុលម៉ូតូនិងជាកន្លែងផ្តល់ឲ្យក្រុមក្មេងជក់ថ្នាំញៀន២ឈ្មោះតែង ទិត្យចាន់រិទ្ឋឹ ភេទប្រុស អាយុ ២៣ ឆ្នាំ ជាអ្នកជក់គ្រឿងញៀន អ្នកទាំង២នាក់ នៅភូមិដីឡូត៍ សង្កាត់ទឹកថ្លា ក្រុងសិរីសោភ័ណ ។ ក្នុងនោះសមត្ថកិច្ចបានធ្វើការឆែកឆេរកន្លែងជួសជុលម៉ូតូឃើញវត្ថុតាងរួមមាន៖ ១-ម្ស៉ៅក្រាមសថ្លាចំនួន០៤កូនថង់តូច។២-គម្របដបកែច្នៃសម្រាប់ជក់គ្រឿងញៀនចំនួន ០៤។ ៣-ដបកែច្នៃសម្រាប់ជក់គ្រឿងញៀនចំនួន ០២។ ៤-បំពង់ប៊ឺតមួយចំនួន។ ៥-ដែកកេះចំនួន០៥។ ៦-បំពង់កែវទាម៉ូម៉ែត្រចំនួន០១។ ៧-សំបកថង់ថ្មីសម្រាប់ច្រកថ្នាំញៀនមួយចំនួន។ ៨-ទូរស័ព្វចំនួន០១គ្រឿង។ ៩-កាំភ្លើងខ្លីម៉ាករ៉ូឡូចំនួន០១ដើម គ្រាប់ចំនួន១៨គ្រាប់(សំបកគ្រាប់ចំនួន០១)។ ១០-បង់កាំភ្លើងខ្លីK៥៩ចំនួន០១។ ១១-គ្រាប់កាំភ្លើងខ្លី K៥៩ ចំនួន០២ គ្រាប់ (សំបកគ្រាប់ចំនួន០១) ។ លោកវរសេនីយ៍ទោ កាន់ សៀង បានបញ្ជាក់បន្ថែមថា៖ ឈ្មោះ តែង ទិត្យចាន់រិទ្ឋឹ ត្រូវបានព្រះរាជអាជ្ញា អនុញាតិអោយអាណាព្យាបាលយកទៅអប់រំកែប្រែនៅមណ្ឌលសុខភាពសហគមន៍ តាមការស្នើសុំ និងការធានារបស់អាណាព្យាបាល។ ចំណែកឈ្មោះ ឃុំ រតនៈគឹមហុង រួមនិងវត្ថុតាងត្រូវបានបញ្ជូនទៅស្នងការដ្ឋាននគរបាលខេត្តបន្ទាយមានជ័យ ដើម្បីចាត់ការបន្តតាមនិតិវិធី៕
ព័ត៌មានគួរចាប់អារម្មណ៍
កាស៊ីណូថ្មពេជ្រ"ច្រកក្អមសំណ"ជួលឲ្យថៅកែវៀតណាមបើកដៃឲ្យពលរខ្មែរចូលលេងល្បែងយ៉ាងកក្រឹកគគ្រេង.!!! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា អញ្ជើញទទួល និងសួរសុខទុក្ខបងប្អូនពលករខ្មែរវិលពីប្រទេសថៃ.!!! (គេហទំព័រ ប៉ោយប៉ែត ប៉ុស្តិ៍)
ករណីបង្ក្រាបក្លឹបថាំងហ៊ួយ KTV បញ្ជូនអ្នកលក់គ្រឿងញៀនតែ១៥នាក់ទេទៅតុលាការ! (គេហទំព័រ ប៉ោយប៉ែត ប៉ុស្តិ៍)
ឯកឧត្តមបណ្ឌិត ទូច វណ្ណៈ ដឹកនាំប្រតិភូសមាគមសម្ព័ន្ធសារព័ត៌មានឯករាជ្យ ចូលជួបសម្តែងការគួរសមឯកឧត្តម ប៉េង ពោធិ៍សា អភិបាលខេត្តស្វាយរៀង (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា សង្ឃឹមយ៉ាងមុតមាំថា បទវិន័យនគរបាលជាតិកម្ពុជាថ្មីនេះ នឹងធ្វើឱ្យកងកម្លាំងនគរបាលជាតិ ប្រកាន់ខ្ជាប់នូវវិន័យ មានឥរិយាបថថ្លៃថ្នូរ មានក្រមសីលធម៌វិជ្ជាជីវៈ ស័ក្តិសមជាអ្នកបម្រើនិងការពារប្រជាពលរដ្ខ (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា