លោកវរសេនីយ៍ឯក ឡុង សំណាង មេបញ្ជាការវរៈសេនាតូចលេខ៨០៧ ដឹកនាំកម្លាំងចុះពិនិត្យកងកម្លាំងនគរបាលឈរជើងតាមប៉ុស្តិ៍នឹងតាមគោលដៅនីមួយៗតាមខ្សែបន្ទាត់ព្រំដែនកម្ពុជា-ថៃ.!!!
ខេត្តបន្ទាយមានជ័យ៖ ប៉ុស្តិ៍នគរបាលព្រំដែនជាច្រើនកន្លែងត្រូវទឹកលិចនៅស្រុកថ្មពួក ខេត្តបន្ទាយមានជ័យ តែលំនៅដ្ឋាននិងដំណាំពលរដ្ឋត្រៀមនិងលិចបន្តទៀតបើភ្លៀងនៅតែធ្លាក់បន្ត។
ក្នុងនោះកម្លាំងវរសេនាតូចនគរបាលការពារព្រំដែនគោកលេខ៨០៧ បានចុះពិនិត្យមើលស្ថានភាពទឹកលិច នៅតាមបណ្តាគោលដៅនីមួយៗក្នុងភូមិសាស្ត្រ របស់ប៉ុស្តិ៍នគរបាលវរះសេនាតូចលេខ៨០៧ និមួយៗកាលពីព្រឹកថ្ងៃទី ១០ ខែ កញ្ញា ឆ្នាំ២០២១ ។
លោកវរសេនីយ៍ឯក ឡុង សំណាង មេបញ្ជាការវរៈសេនាតូចនគរបាលការពារព្រំដែនគោកលេខ៨០៧ បានប្រាប់អ្នកយកព័ត៌មានអោយដឹងថា៖ ពេលដែលទឹកលិចប៉ុស្តិ៍នោះលោកបានដឹកនាំកម្លាំងចុះពិនិត្យមើលស្ថានភាពដែលទឹកលិចនៅតាមបណ្តាគោលដៅនីមួយៗក្នុងភូមិសាស្ត្រ របស់ប៉ុស្តិ៍នគរបាលការពារព្រំដែនអូរកំបុត និង ប៉ុស្តិ៍នគរបាលការពារព្រំដែនគោកខ្វាវដែលចំណុចនោះត្រូវលិចដោយជំនន់ទឹកភ្លៀងនិងទឹកហូរពីតំបន់ខ្ពស់ខាងជើងនៃច្រមុះភ្នំដងរែក។
លោកនៃពៅ មេឃុំគោករមៀតបានប្រាប់អ្នកសារព័ត៍មានថា ជំនន់ទឹកភ្លៀងនិងទឹកធ្លាក់ពីខាងទឹកដីថៃបានចុះមកទឹកដីកម្ពុជាមែននៅក្នុងភូមិសាស្ត្រចុងខាងជើងនៃឃុំគឺភូមិបឹងតាស្រី (មហោស្រព) ដែលជាប់នឹងអូរកំបុតមានប្រភពនៅច្រមុះជួររភ្នំដងរ៉ែក មកទល់ពេលនេះ ទឹកទើបឡើងបាន០,៥ម៉ែត្រទេ ដូច្នេះ ស្ថានភពទឹកមិនទាន់គម្រាមកំហែងឬលិចលំនៅឋានទីធ្លាភូមិនិងស្រែចម្ការរបស់ពលរដ្ឋនៅឡើយទេ៕
