សហគ្រាស ទៀណាំហាក់ ប្រគល់គ្រែពេទ្យចំនួន១៨០ ជូនដល់រដ្ឋបាលខេត្តបន្ទាយមានជ័យ...
ខេត្តបន្ទាយមានជ័យ៖ សហគ្រាស ទៀណាំហាក់ បានយកគ្រែពេទ្យចំនួន១៨០គ្រែ ជាបន្តបន្ទាប់ក្នុងគ្រែ១មានតំលៃ៣០០ដុល្លារ គិតជាទឹកប្រាក់សរុបចំនួន ៥៤.០០០ដុល្លារ ជូនដល់រដ្ឋបាលខេត្តបន្ទាយមានជ័យ ដើម្បីសម្រាប់យកទៅប្រើប្រាស់នៅតាមមណ្ឌលព្យាបាលអ្នកជំងឺកូវីដ-១៩ ក្នុងខេត្តបន្ទាយមានជ័យ ពិធីប្រគល់ធ្វើនៅព្រឹកថ្ងៃទី១១ ខែកញ្ញា ឆ្នាំ២០២១នេះ។
ម្ចាស់អំណោយបានអោយដឹងថា៖ រយៈពេលកន្លងមក សហគ្រាស ទៀណាំហាក់ បានទិញគ្រែពេទ្យចំនួន ១៨០ គ្រែ យកទៅជូនរដ្ឋបាលខេត្តបន្ទាយមានជ័យ ជាច្រើនលើកមកហើយដើម្បីយកទៅចែកជូនតាមមន្ទីរពេទ្យបង្អែកស្រុកនៅតាមជនបទ ដែលកំពុងខ្វះខាត ចំណែក ១០ គ្រែ យកទៅជូនមន្ទីរពេទ្យបង្អែក ក្រុងសិរីសោភ័ណ និង ៥ គ្រែ ជូនមន្ទីរពេទ្យបង្អែកពួក ក្នុងខេត្តសៀមរាប។
ក្នុងនោះម្ចាស់សហគ្រាស ទៀណាំហាក់ សូមកោតសរសើរ និងវាយតម្លៃខ្ពស់ចំពោះការខិតខំប្រឹងប្រែងរបស់រដ្ឋបាលខេត្ត និងអាជ្ញាធរពាក់ព័ន្ធទាំងអស់ ដែលបានយកចិត្តទុកដាក់ និងមានការទទួលខុសត្រូវខ្ពស់ក្នុងការចូលរួមប្រយុទ្ធប្រឆាំងនឹងជំងឺកូវវីដ.១៩ ជាពិសេសគឺខេត្ត បានគ្រប់គ្រងអ្នកដែលមានការពាក់ព័ន្ធដោយផ្ទាល់ និងប្រយោល ក្នុងព្រឹត្តិការណ៍ សហគមន៍ ២០ កុម្ភៈ និងបានបញ្ជូនឲ្យពួកគាត់មកធ្វើចត្តាឡីស័ក និងព្យាបាលបានយ៉ាងល្អប្រសើរផងដែរ។
ថ្លែងក្នុងឱកាសនោះ ឯកឧត្តម អ៊ុំ រាត្រី បានថ្លែងអំណគុណដល់ សហគ្រាស ទៀណាំហាក់ ដែលបានធ្វើការឧបត្ថម្ភ គ្រែពេទ្យចំនួនម១៨០ ជាបន្តបន្ទាប់កន្លងមកគិតជាទឹកប្រាក់ចំនួនប្រាក់៥៤.០០០ ដុល្លារ សំរាប់ប្រើប្រាស់ក្នុងយុទ្ធនាការទប់ស្កាត់ជំងឺកូវីដ-១៩ ដែលកំពុងសំរាកព្យាបាលនៅក្នុងមណ្ឌលខេត្តបន្ទាយមានជ័យ។
ឯកឧត្តម បានបន្តថា៖ អំណោយមនុស្សធម៌ទាំងអស់នេះ ឯកឧត្តម ននិងខិតខំប្រើប្រាស់អោយចំទិសដៅនៅតាមមន្ទីរពេទ្យបង្អែកក្នុងខេត្តបន្ទាយមានជ័យទាំងអស់៕
