សមត្ថកិច្ចចុះបង្ក្រាបដោយជោគជ័យ ករណីបង្ខាំងមនុស្សជំរិតទារប្រាក់រវាងជនជាតិចិន និង ជនជាតិចិន.!!!
ខេត្តព្រះសីហនុ៖ កាលពីថ្ងៃទី១០ ខែកញ្ញា ឆ្នាំ២០២១ វេលាម៉ោងប្រហែល ១៨ និង ១០ នាទី មានករណីផ្ទុះអាវុធ ចំនួន ៥-៦ គ្រាប់ នៅម្តុំចុងឆ្នេរអូរឈើទាល ពីមុខទីបញ្ជាការ កងរាជអាវុធហត្ថខេត្ត។
ភ្លាមៗនោះ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានចាត់កម្លាំងការិយាល័យជំនាញស្នងការដ្ឋាននគរបាលខេត្ត និងកម្លាំងអធិការដ្ឋាននគរបាលក្រុងព្រះសីហនុ ចុះដល់កន្លែងកើតហេតុ ទើបដឹងថា ជាករណីចាប់ជំរិតរវាងជនជាតិចិន និង ជនជាតិចិន ដោយមានលោក ពេញ ពិសិដ្ឋ ព្រះរាជអាជ្ញារង ជាអ្នកសម្របសម្រួលនិតីវិធីផងដែរ។
ក្រុមជនជាតិចិន ជាអ្នកចាប់ជំរិតមានអាវុធបានបាញ់មុន បន្ទាប់មកក៏បានគេចខ្លួនឡើងទៅលើអគារ។ ដោយមានការដឹកនាំបញ្ជាផ្ទាល់ពី ឯកឧត្តម សៀង សុខ ព្រះរាជអាជ្ញា នៃអយ្យការអមសាលាដំបូងខេត្តព្រះសីហនុ កម្លាំងស្នងការដ្ឋាននគរបាលខេត្ត បានសហការ ជាមួយកម្លាំងកងរាជអាវុធហត្ថខេត្ត ធ្វើការបង្ក្រាបករណីខាងលើ ទទួលបានលទ្ធផល ដូចខាងក្រោម:
កន្លែងកើតហេតុ ក្បែរឆ្នេរសមុទ្រ ទីតាំងជាអគារមានកំពស់៩ជាន់ មានជាន់ខ្លះជាបន្ទប់ Online ជុំវិញ មានអគារខ្ពស់ៗជាច្រើន។
ក្នុងនោះដែរ រកឃើញ អាវុធលាក់ទុក ចំនួន ៧ ដើម.អាវុធខ្លី ៥ ដើម និង អាវុធវែង ២ ដើម រួមនិងអាវការពារគ្រាប់ ជាមួយគ្នានោះបានរកឃើញ និង រំដោះជនរងគ្រោះជាចំណាប់ខ្មាំង ចំនួន០២នាក់ ជាជនជាតិចិន តាមរយ:កិច្ចសហការ ពីជនរងគ្រោះសមត្ថកិច្ច បានកំណត់មុខសញ្ញាជនសង្ស័យ និង ដោយមានការឯកភាពពីឯកឧត្តម ព្រះរាជអាជ្ញា សមត្ថកិច្ច បានឃាត់ខ្លួនជនសង្ស័យចំនួន ១៤ នាក់ (ស្រី១នាក់) ជាជនជាតិចិន រួមនិងអាវុធចំនួន ០៧ ដើម បញ្ជូនទៅទីបញ្ជាការ កងរាជអាវុធហត្ថខេត្តព្រះសីហនុ ដើម្បីសាកសួរ និងកសាងនិតីវិធីបន្ត៕
