ខេត្តបន្ទាយមានជ័យ៖ នៅថ្ងៃទី០៥ ខែកញ្ញា ឆ្នាំ២០២១នេះ ឯកឧត្តម ង៉ោ ម៉េងជ្រួន អភិបាលរងខេត្តបន្ទាយមានជ័យ ដឹកនាំកម្លាំង រដ្ឋបាលក្រុងប៉ោយប៉ែត អមដំណើរ លោកឧត្តមសេនីយ៍ទោ សេង ធារិន មេបញ្ជាការរង នាយសេនាធិការយោធភូមិភាគទី៥.លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ.លោកវរសេនីយ៍ឯក ហាំ វណ្ណះ មេបញ្ជារការវរសេនាតូចនគរបាលការពារព្រំដែនគោកលេខ៨៩១.លោក គាត ហ៊ុល អភិបាល នៃគណៈអភិបាលក្រុងប៉ោយប៉ែត រួមនិងកងកម្លាំងចម្រុះអញ្ជេីញចុះត្រួតពិនិត្យស្ថានភាពជំនន់ទឹកភ្លៀង ជុំវិញភូមិសាស្ត្រនៅក្រុងប៉ោយប៉ែត។ ដោយមានការយកចិត្តទុកដាក់ពី ឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ ខណៈដែលប៉ុន្មានថ្ងៃនេះមានភ្លៀងជាប់ៗគ្នា បានបង្កអោយមានជំនន់ទឹកភ្លៀង និង ជន់លិចតំបន់មួយចំនួន នាតំបន់វាលទំនាប ធ្វេីអោយប៉ះពាល់ដល់ប្រជាពលរដ្ឋដែររស់នៅក្នុងក្រុងប៉ោយប៉ែត។ សូមបញ្ជាក់ផងដែរថា៖ យោងតាមបទបញ្ជា ថ្នាក់ដឹកនាំកងទ័ពគ្រប់លំដាប់ថ្នាក់ មេបញ្ជាការកងទ័ពជេីងគោក មេបញ្ជាការយោធភូមិភាគទី៥ កម្លាំងកងពលតូចថ្មេីរជេីងលេខ៥១ ដែលត្រៀមអន្តរាគមន៍នៅក្នុងទីតាំង ក៏បានត្រៀមលក្ខណ:ប្រុងប្រៀបរួចជាស្រាច់ក្នុងការត្រៀមជួយអន្តរាគមន៍ និងជួយសង្គ្រោះដល់ប្រជាពលរដ្ឋតាមសំណូមពររបស់អាជ្ញាធរមូលដ្ឋានផងដែរ។ លោកឧត្តមសេនីយ៍ទោ សេង ធារិន បានអោយដឹងថា បើទោះបីកម្លាំងមួយចំនួនកំពុងបំពេញប្រតិបត្តិការ នៅតាមបន្ទាត់ព្រំដែន និងចុះយុទ្ធនាការចាក់វ៉ាក់សាំងបង្ការជំងឺកូវីដ-១៩ ដូសទី១ និងដូសទី២ ជូនប្រជាពលរដ្ឋដែលនៅសេសសល់ដើម្បីបិទបញ្ចប់យុទ្ធនាការក៏ដោយ កម្លាំងដែលត្រៀមអន្តរាគមន៍ក្នុងទីតាំង គឺត្រៀម២៤លើ២៤ម៉ោង គ្រប់បណ្តាគោលដៅឈរជើង សម្រាប់ជួយសង្រ្គោះ ប្រជាពលរដ្ឋដែរងគ្រោះដោយគ្រោះមហន្តរាយធម្មជាតិផ្សេងៗដើម្បីឆ្លេីយតបទៅនឹងសំណូមពរពីអាជ្ញាធរក្នុងមូលដ្ឋាន បានទាន់ពេលវេលា។ ជាមួយគ្នានោះដែរ ឯកឧត្តម ង៉ោ ម៉េងជ្រួន ក៏បានមានសាស គ្រាន់រំលែកស្មារតី បងប្អូនប្រជាពលរដ្ឋដែលរស់នៅក្នុងភូមិសាស្ត្រក្រុងប៉ោយប៉ែត សូមមេត្ដាប្រុងប្រយ័ត្នខ្ពស់ ដើម្បីធានា នៃការខាតបង់ ទ្រព្យសម្បត្តិ និងអាយុជីវិត ជាពិសេស កូនចៅតូចៗ ព្រោះប៉ុន្មានថ្ងៃនេះ ឃើញថា ជំនន់ទឹកភ្លៀង ក្នុងរដូវវស្សា ហក់ឡើងសន្ទុះខ្ពស់ រីឯមេឃនៅតែបន្តភ្លៀងធ្លាក់មករៀងរាល់ផងដែរ៕ ពីខ្ញុំ ជួង វណ្ណអាង ប៉ោយប៉ែត ប៉ុស្តិ៍ www.poipetpostnews.com