ខេត្តកំពត៖ យោងតាមសេចក្ដីរាយការណ៍ពីមហាជន ដែលស្អប់ខ្ពើមល្បែងស៊ីសង បានអោយដឹងកាលពីរសៀលថ្ងៃទីឥ៤ ខែតុលា ឆ្នាំ២០២២ថា៖ មានទីតាំងជល់មាន់ដ៏ធំ និងអាប៉ោង កំពុងបើកដំណើរការឡើងវិញ ជ្រកក្រោមស្លាក casino VIMARN 168 ស្វាគមន៍អោយក្រុមអ្នកញៀនលេងល្បែងភ្នាល់ដាក់ប្រាក់ចូលទៅលេងប្តុំក្បាលគ្នា យ៉ាងពពាក់ពពូន ស្រែកតដករង ទ្រហឹងអឺងកង ដោយមិនខ្លាច អាជ្ញាធរមានសមត្ថកិច្ចជំនាញពាក់ព័ន្ធ ចុះធ្វើការបង្ក្រាបទេ ដោយសំអាងលើណូនខ្មៅ របស់ កាស៊ីណូខាងលើ។ ប្រភពបានបន្តទៀតថា៖ ទីតាំងខាងលើស្ថិត នៅក្បែរច្រកព្រំដែន ព្រែកចាក ក្នុងឃុំកំពង់ត្រាច ស្រុកកំពង់ត្រាច ខេត្តកំពត គឺកំពុងចាប់បើកលេងអស់រយៈពេលជិតមួយសប្តាហ៍ហើយ តែពុំទាន់ឃើញអាជ្ញាធរមានសមត្ថកិច្ចក្នុងមូលដ្ឋាន ចុះប្រតិបត្តិការទៅបង្រ្កាបទីតាំង casino VIMARN 168 នៅឡើយទេ។ បើយោងតាមប្រភពច្បាស់ការណ៍ពីប្រជាពលរដ្ឋ បានអោយសារព័ត៌មានដឹងថា មានទីតាំងជល់មាន់, បៀ, អាប៉ោងបើកលេងភ្នាល់ដាក់ប្រាក់ក្នុង casino VIMARN 168 គឺភាគច្រើនសុទ្ធតែជាភ្ញៀវពលរដ្ឋខ្មែរចូលទៅលេង ផ្ទុយពីច្បាប់ ស.ជ.ណ អនុញ្ញាតអោយបើក Casino។ មហាជនក៏ដូចជាប្រជាពលរដ្ឋក្នុងមូលដ្ឋាន បាននាំគ្នារិះគន់យ៉ាងចាស់ដៃថា តើ ថៅកែ casino VIMARN 168 មានអំណាចធំប៉ុណ្ណា? ទើបហ៊ានបើកសង្វៀនជល់មាន់មួយយនេះ អោយប្រជាពលរដ្ឋខ្មែរចូលទៅលេងភ្នាល់បានយ៉ាងរំភើយ ហ៊ានផ្គើននឹងមិនខ្លាចបទបញ្ជារបស់សម្ដេចតេជោ ហ៊ុន សែន និង សម្តេចក្រឡាហោម ស ខេង យ៉ាងពេញបន្ទុកដូច្នេះទៅវិញ ដែលថ្មីៗទើបតែចេញបទបញ្ជារអោយបង្ក្រាបរាល់ល្បែងស៊ីសងគ្រប់ប្រភេទទាំងអស់ទូទាំងប្រទេសកម្ពុជា។ ជុំវិញល្បែងស៊ីសងនៅក្នុង កាស៊ីណូខាងលើប្រជាពលរដ្ឋសូមសំណូមពរទៅដល់ ឯកឧត្តម ម៉ៅ ធនិន អភិបាល នៃគណៈអភិបាលខេត្តកំពត និង លោកឧត្តមសេនីយ៍ទោ ម៉ៅ ច័ន្ទមធុរិទ្ធិ ស្នងការនគរបាលខេត្តកំពត និងពិសេសគណៈកម្មការបង្ក្រាបល្បែងស៊ីសងដែល សម្ដេចក្រឡាហោម ស ខេង ទើបតែបង្កើតថ្មី ដែលមាន ឯកឧត្តម សុខ ផល ជាប្រធាន សូមឯកឧត្តម មេត្តា ដឹកនាំកម្លាំងក្រោមឱវាទ ចុះបង្ក្រាបផងទាន៕
ព័ត៌មានគួរចាប់អារម្មណ៍
កាស៊ីណូថ្មពេជ្រ"ច្រកក្អមសំណ"ជួលឲ្យថៅកែវៀតណាមបើកដៃឲ្យពលរខ្មែរចូលលេងល្បែងយ៉ាងកក្រឹកគគ្រេង.!!! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា អញ្ជើញទទួល និងសួរសុខទុក្ខបងប្អូនពលករខ្មែរវិលពីប្រទេសថៃ.!!! (គេហទំព័រ ប៉ោយប៉ែត ប៉ុស្តិ៍)
ករណីបង្ក្រាបក្លឹបថាំងហ៊ួយ KTV បញ្ជូនអ្នកលក់គ្រឿងញៀនតែ១៥នាក់ទេទៅតុលាការ! (គេហទំព័រ ប៉ោយប៉ែត ប៉ុស្តិ៍)
ឯកឧត្តមបណ្ឌិត ទូច វណ្ណៈ ដឹកនាំប្រតិភូសមាគមសម្ព័ន្ធសារព័ត៌មានឯករាជ្យ ចូលជួបសម្តែងការគួរសមឯកឧត្តម ប៉េង ពោធិ៍សា អភិបាលខេត្តស្វាយរៀង (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា សង្ឃឹមយ៉ាងមុតមាំថា បទវិន័យនគរបាលជាតិកម្ពុជាថ្មីនេះ នឹងធ្វើឱ្យកងកម្លាំងនគរបាលជាតិ ប្រកាន់ខ្ជាប់នូវវិន័យ មានឥរិយាបថថ្លៃថ្នូរ មានក្រមសីលធម៌វិជ្ជាជីវៈ ស័ក្តិសមជាអ្នកបម្រើនិងការពារប្រជាពលរដ្ខ (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា