អង្គម្ចាស់ ស៊ីសុវត្ថិ សិទ្ធិដែន មានបន្ទូលអោយសារព័ត៌មាន ប៉ោយប៉ែត ប៉ុស្តិ៍ ដឹងថា៖ កាលពីពេលកន្លងទៅថ្មីៗនេះ មានបុរសម្នាក់ឈ្មោះ ហាក់ ឧត្ដម រស់នៅឃុំបន្ទាយមាសខាងកើត ស្រុកបន្ទាយមាស ខេត្តកំពត បានក្លែងបន្លំយកព្រះកិត្តិនាម វង្សព្រះស៊ីសុវត្ថិ ទៅបោកប្រាស់ប្រជានុរាស្ត្រជាច្រើននាក់ ដោយក្នុងនោះមាន ទាំងពាក្យបណ្តឹង ប្តឹងជនខិលខូចរូបនោះ ផងដែរ។ ប្រជានុរាស្ត្រជាច្រើននាក់បានចាញ់បោកបុគ្គលរូបនេះ ក្រោមរូបភាពប្រើល្បិចទុច្ចរឹតផ្សេងៗដោយក្លែងបន្លំជាព្រះញាតិវង្សខ្សែព្រះស៊ីសុវត្ថិ ហើយបោកប្រាស់ប្រជានុរាស្ត្រ អោយខូចបង់នូវប្រយោជន៍ និងទ្រព្យសម្បត្តិ ។ បើយោងតាមពាក្យបណ្តឹងរបស់ប្រជាពលរដ្ឋបានអោយដឹងផងដែរថា ជនខិលខូចឈ្មោះ ហាក់ ឧត្ដម រស់នៅស្រុកបន្ទាយមាស ខេត្តកំពត បានប្រើឈ្មោះក្នុងបណ្តាញសង្គមហ្វេសប៊ុក ស៊ីសុវត្ថិ ឧត្ដម មុនី្ន ក្នុងគោលបំណងអោយជនរងគ្រោះមានជំនឿ និងទុកចិត្ត ហើយបានប្រើឧបាយកលទុច្ចរឹតផ្សេងៗ ដើម្បីបោកប្រាស់ទ្រព្យសម្បត្តិប្រជានុរាស្ត្រតែម្តង ជាច្រើនលើកច្រើនសារជនខិលខូចរូបនេះ នៅតែបន្តធ្វើសកម្មភាពបែបនេះ ដោយពុំខ្លាចក្រែងបន្តិចសោះឡើយ ជាពិសេសហ៊ានយកព្រះកិត្តិនាមដ៏ឧត្តុងឧត្តមថ្លៃថ្លា នៃព្រះញាតិវង្សានុវង្សព្រះស៊ីសុវត្ថិ ទៅបោកប្រាស់ប្រជានុរាស្ត្រ ដោយឥតកោតក្រែង ដែលទង្វើបែបនេះធ្វើអោយប៉ះពាល់ដល់ព្រះកិត្តិយស និងព្រះកិត្តិនាមព្រះញាតិវង្សានុវង្សដ៏ទៃទៀត ដែលលោកខិតខំបំរើរាស្ត្រយ៉ាងស្មោះស្ម័គ្រ។ បើយោងតាមទំព័រហ្វេសប៊ុក ផ្លូវការរបស់អ្នកអង្គម្ចាស់ ស៊ីសុវត្ថិ សិទ្ធិដែន បានបញ្ជាក់យ៉ាងច្បាស់ថា ជនខិលខូចរូបនេះមិនមែនជាព្រះញាតិវង្សានុវង្សនោះទេ គឺក្លែងបន្លំ ព្រះកិត្តិនាមព្រះស៊ីសុវត្ថិ ដើម្បីបោកបញ្ឆោតប្រជារាស្ត្រ។ ក្នុងនាមអ្នកអង្គម្ចាស់ ស៊ីសុវត្ថិ សិទ្ធិដែន ព្រះអង្គ សូមបដិសេធ និងថ្កោលទោសដាច់អហង្ការ ចំពោះជនខិលខូចរូបនេះ ហើយស្នើសុំមន្ត្រីអនុវត្តច្បាប់ជួយអន្តរាគមន៍ និងបញ្ឈប់នូវទង្វើដ៏អសីលធម៌ចំពោះបុគ្គលរូបនេះ កុំអោយបន្តក្លែងបន្លំព្រះកិត្តិនាមព្រះញាតិវង្សានុវង្ស បោកប្រាស់ទ្រព្យសម្បត្តិប្រជានុរាស្ត្រដ៏ទៃទៀត។ ឆ្លៀតក្នុងឱកាសនេះ អ្នកអង្គម្ចាស់ ស៊ីសុវត្ថិ សិទ្ធិដែន ក៏បានផ្ញើសារដល់ប្រជានុរាស្ត្រទាំងអស់កុំអោយលង់ជឿជនខិលខូចរូបនេះ ឬជនទាំងឡាយណាដ៏ទៃទៀត ដែលបានក្លែងបន្លំ និង តាំងខ្លួនជាព្រះញាតិវង្សានុវង្ស ក្នុងន័យដើម្បីបោកបញ្ឆោតទ្រព្យសម្បត្តិប្រជានុរាស្ត្រ ។ សូមបញ្ជាក់ថា៖ ជនខិលខូចឈ្មោះ ហាក់ ឧត្ដម ដែលប្រើឈ្មោះក្នុងប្រូហ្វាល់ហ្វេសប៊ុក ហាក់ ឧត្ដមមុនី្ន ឬឈ្មោះក្លែង ស៊ីសុវត្ថិ ឧត្ដមមុនី្ន កំពុងតែគេចខ្លួននៅក្រៅសំណាញ់ច្បាប់នៅឡើយ អាស្រ័យហេតុដូចនេះ សូមបងប្អូនប្រជាពលរដ្ឋកុំចាញ់បោកជនខិលខូចរូបនេះតទៅទៀត ៕
ព័ត៌មានគួរចាប់អារម្មណ៍
ឯកឧត្តមអភិសន្តិបណ្ឌិត ស សុខា និងលោកជំទាវ ដឹកនាំគណៈប្រតិភូជាន់ខ្ពស់ បំពេញទស្សនកិច្ចនៅប្រទេសស្វីស និងប្រទេសអាល្លឺម៉ង់ (គេហទំព័រ ប៉ោយប៉ែត ប៉ុស្តិ៍)
កាស៊ីណូថ្មពេជ្រ"ច្រកក្អមសំណ"ជួលឲ្យថៅកែវៀតណាមបើកដៃឲ្យពលរខ្មែរចូលលេងល្បែងយ៉ាងកក្រឹកគគ្រេង.!!! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា អញ្ជើញទទួល និងសួរសុខទុក្ខបងប្អូនពលករខ្មែរវិលពីប្រទេសថៃ.!!! (គេហទំព័រ ប៉ោយប៉ែត ប៉ុស្តិ៍)
ករណីបង្ក្រាបក្លឹបថាំងហ៊ួយ KTV បញ្ជូនអ្នកលក់គ្រឿងញៀនតែ១៥នាក់ទេទៅតុលាការ! (គេហទំព័រ ប៉ោយប៉ែត ប៉ុស្តិ៍)
ឯកឧត្តមបណ្ឌិត ទូច វណ្ណៈ ដឹកនាំប្រតិភូសមាគមសម្ព័ន្ធសារព័ត៌មានឯករាជ្យ ចូលជួបសម្តែងការគួរសមឯកឧត្តម ប៉េង ពោធិ៍សា អភិបាលខេត្តស្វាយរៀង (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា