ពិតជាខ្លាំងមែន លោក សេង មេឈ្មួញខាងដឹកជញ្ជូនឈើប្រចាំឃុំខ្វាវ ស្រុកជីក្រែ មិនក្រោមពី៤ទៅ៥ម៉ែត្រគូបនោះទេ ក្នុងមួយយប់ៗ គ្រប់ទឹកហើយមេៗប្រចាំស្នាក់ការនានានៅតាមដងផ្លូវ.!!!
ខេត្តសៀមរាប៖ បទល្មើសព្រៃឈើចេញពីឃុំខ្វាវ ស្រុកជីក្រែង ខេត្តសៀមរាប មិនចេះអស់នោះទេ ដោយមានមេឈ្មួញដឹកជញ្ជូនឈើគគ្រឹកគ្រែងជាធម្មតា ខណះមន្ត្រីជំនាញមិនបង្ក្រាបសោះឡេីយ ជាក់ស្តែងមេឈ្មួញចាស់វស្សារឈ្មោះ សេង បានដឹកឈើប្រភេទឈើគ្រឿងតាមរថយន្តនីសាន់កែឆ្នៃរបស់គេក្នុងមួយយប់ៗមិនក្រោមចាប់ពី៤ ទៅ៥ម៉ែត្រគូប ឯណ្ណោះ! តែពុំមានមន្ត្រីរដ្ឋបាលព្រៃឈើមន្ត្រី បរិស្ថាន មន្ត្រីប៉េអឹម ប៉ូលីសធ្វើការបង្រ្កាបសោះឡើយ។
ទើបធ្វើអោយបុគ្គលឈ្មោះ សេង រូបនេះកាន់តែបានដៃ ក្នុងមុខជំនួញការដឹកជញ្ជូនឈើយ៉ាង គគ្រឹកគ្រែងរបស់គេចេញពីចំណុចទឹកដីខាងលើយកទៅដាក់លក់តាមដេប៉ូលក់ឈើនានានៅក្នុងស្រុកជីក្រែង ដោយរលូនទៅវិញ។
ប្រភពបានអោយដឹងផងដែរថា៖ គេមិនបានឃើញមន្ត្រីជំនាញធ្វើការបង្ក្រាបមេឈ្មួញចាស់វស្សាររូបនេះឡើយ ឃើញតែសមត្ថកិច្ចមូលរដ្ឋាន ពេលដែលក្រុមអ្នកកាសែត ចុះរុករកបទល្មើសនិងតាមប្រម៉ាញ់សម្ងំចាំយករូបភាពបទល្មើសដើម្បីផ្សព្វផ្សាយជូនថ្នាក់ដឹកនាំ សមត្ថកិច្ចតែងតែសួរនាំអ្នកកាសែតរកនេះរកនោះមិនអោយនៅតំបន់នេះទេក៍ព្រោះតែតំបន់ខាងលើនេះមានបទល្មើសដឹកឈើច្រើនប្រភេទ បានកើតឡើងចឹងហើយគឺមិនចង់អោយបែកធ្លាយបទល្មើសនូវក្នុងមូលរដ្ឋានរបស់ខ្លួនឡើយ ។
មហាជនបានសម្តែងការកោតសសើយ៉ាងខ្លាំងចំពោះមេឈ្មួញឈ្មោះ សេង នេះដឹកជញ្ជូនឈើចាស់វស្សារមក ហើយប្រហែលគាត់មានខ្នងធំហើយ ទេដឹង បានជាដឹកនោះដឹក អត់មានអ្នកមើលឃើញនិងធ្វើការបង្រ្កាបនោះទេ ចំណែកមន្ត្រីជំនាញវិញតាមដងផ្លូវ គឺស្នាក់ការមានបណ្តាក់គ្នាដូចខ្យង ចាប់ពីភូមិឃុំខាងលើរហូតដល់ស្រុកតែស្ងាត់ឈឹងដូចគ្មានបទល្មើសអីកើតឡើងទល់តែសោះ ។ ដូច្នេះគ្រប់ទឹកហើយមេៗប្រចាំស្នាក់ការនានាដេកចាំតែលើអង្រឹងក៍មានលុយចាក់សាំងឡានផឹកគុយទាវ ញាំកាហ្វេយ៉ាងឆ្ងាញ់បានផងដែរ។
ហើយមុខជំនួញមហារីកនេះ ត្រូវបានមហាជនគ្រប់មជ្ឈដ្ឋាន ថា៖មន្ត្រីជំនាញទាំងនោះ បានត្រូវរ៉ូវគ្នាអស់ហើយ ជាមួយមេឈ្មួញរូបនេះទើបមេឈ្មួញជើងខ្លាំងឈ្មោះ សេង ! និងមេឈ្មួញជាច្រើនទៀត ក្អេងក្អាង មិនញញ៉ើតនិងសមត្ថកិច្ចបន្តិចសោះឡើយ។ ដូច្នេះ តើអោយប្រជាពលរដ្ឋរំពឹងអ្វីទៀត បើមន្ត្រីជំនាញឈរអោបតែដៃបើកប្រាក់ខែរដ្ឋនឹងឃុបឃិតគ្នាជាមួយបទល្មើសរបៀបនេះ ជាហេតុធ្វើឲ្យព្រៃឈើនឹងរលាយអស់ក្នុងពេលឆាប់ៗនេះជាក់ជាមិនខានឡើយ ។
មហាជនបានសំណូមពរទៅដល់ ឯកឧត្តម ទៀ សីហា អភិបាលនៃគណៈអភិបាលខេត្តសៀមរាប គួរមានវិធានការចំពោះមន្ត្រីដែលមិនអនុវត្តន៍ច្បាប់ និង សូមឯកឧត្ដម ដាក់ការ សើុបអង្កេត ទៅលើមន្ត្រីជំនាញ ដែលមិនប្រើតួនាទីរបស់ខ្លួនទប់ស្កាត់បទល្មើស បែរជាទុក្ខអោយមេឈ្មួញឈ្មោះ សេង និងក្រុមឈ្មួញដ៏ទៃទៀតដឹកឈើដោយសេរី ហើយដេកចាំតែទទួល លាភសក្ការៈ ដូរជាថ្នូមិនបង្រ្កាបបទល្មើសនូវដែនរបស់ខ្លួនទៅវិញ៕
