កីឡាការិនីគុនខ្មែរជម្រើសជាតិកម្ពុជា ទូច ចាន់វត្តី ដែលត្រូវបានអ្នកគាំទ្រប្រដាល់គុនខ្មែរចាប់អារម្មណ៍ ពីសម្រស់ ដ៏ស្រស់ស្អាត បានឈ្នះមេដាយមាសពីការប្រកួតជើងឯកគុនខ្មែរអាស៊ីអាគ្នេយ៍ ឆ្នាំ២០២២ ដែលទើបតែបញ្ចប់ទៅកាលពីល្ល្ងា ថ្ងៃអាទិត្យ ទី១១ ខែធ្នូ នៅខេត្តព្រះសីហនុ។ សម្រាប់វិញ្ញាសានារីទម្ងន់៥៤គីឡូក្រាមនេះមានបេក្ខនារីតែ ៣ រូប ប៉ុណ្ណោះ គឺម្ចាស់ផ្ទះកម្ពុជា ទូច ចាន់វត្តី កីឡាការិនីវៀតណាម Nguyen Thanh Hang និងកីឡាការិនីម៉ាឡេស៊ី Nurhuda Fakhira។ លទ្ធផលចាប់ឆ្នោត កីឡាការិនីវៀតណាម ប៉ះកីឡាការិនីម៉ាឡេស៊ី ខណៈកីឡាការិនីកម្ពុជាឈរចាំវគ្គផ្តាច់ព្រ័ត្រតែម្តង។ កីឡាការិនីវៀតណាម Nguyen Thanh Hang បានយកឈ្នះកីឡាការិនីម៉ាឡេស៊ី ស៊ី Nurhuda Fakhira ដើម្បីឡើងទៅវគ្គផ្តាច់ព្រ័ត្រជួប ទូច ចាន់វត្តី។ នៅវគ្គផ្តាច់ព្រ័ត្រ កីឡាការិនីកម្ពុជា ធ្វើបានយ៉ាងល្អឥតខ្ចោះពីការប្រកួត ៣ ទឹក ពេញ តាមរយៈរន្ទះជើង កណ្តាប់ដៃ និង ជង្គង់ ដែលពោរពេញដោយបច្ចេកទេស។ ជាលទ្ធផល ចៅក្រមផ្តល់ពិពិន្ទុអោយកីឡាការិនីកម្ពុជារូបនេះឈ្នះ កីឡាការិនី វៀតណាម ក្លាយជាម្ចាស់មេដាយមាសអន្តរជាតិ លើកដំបូង ក្នុងអាជីពរបស់នាង។ នេះជាការប្រកួតលក្ខណៈអន្តរជាតិមុនកីឡាស៊ីហ្គេម ឆ្នាំ២០២៣ ដែលកម្ពុជា ធ្វើជាម្ចាស់ផ្ទះលើកដំបូង ហើយកីឡាការិនី ទូច ចាន់វត្តី ក៏ជាសមាជិកគុនខ្មែរជម្រើសជាតិកម្ពុជាមួយរូប ដែលកំពុងត្រៀមខ្លួនតំណាងជាតិប្រកួតស៊ីហ្គេមលើទឹកដីកំណើតរបស់ខ្លួន៕
ព័ត៌មានគួរចាប់អារម្មណ៍
រន្ធត់ណាស់ រន្ទះបាញ់មនុស្ស៥នាក់ របួសនិង ស្លាប់ ខណ:សត្វគោ៤ក្បាលបានងាប់ នៅស្រុកពួក ខេត្តសៀមរាប.!!! (គេហទំព័រ ប៉ោយប៉ែត ប៉ុស្តិ៍)
មានវីដេអូ.! ល្បែងឆ្នោតឡូតូកំពុងតែពង្រីកក្នុងអាណាចក្រខេត្តឧត្ដរមានជ័យ ស៊ីផ្ដាច់ពាក្យថាភូមិឃុំសង្កាត់មានសុវត្ថិភាព៧ចំណុច របស់ថ្នាក់ដឹកនាំកម្ពុជា.!!! (គេហទំព័រ ប៉ោយប៉ែត ប៉ុស្តិ៍)
ឯកឧត្តម ស សុខា ផ្តាំផ្ញើ ៥ចំណុច ទៅកាន់អ្នកចូលរួមក្នុងពិធីសំណេះសំណាលនៅស្រុកសំពៅលូន... (គេហទំព័រ ប៉ោយប៉ែត ប៉ុស្តិ៍)
ឯកឧត្តម ស សុខា អញ្ជើញសំណេះសំណាលថ្លែងអំណរគុណក្រុមការងាររៀបចំ”សង្ក្រាន្តបាត់ដំបង ២០២៣” (គេហទំព័រ ប៉ោយប៉ែត ប៉ុស្តិ៍)
លោក ភូ សោភ័ណ ប្រគល់អំណោយឯកឧត្តម ស សុខា និងលោកជំទាវ ជូនលោក ទៀវ សំអុល នៅក្រុងប៉ោយប៉ែត ខេត្តបន្ទាយមានជ័យ... (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា