ខេត្តបន្ទាយមានជ័យ៖ នាព្រឹកថ្ងៃសៅរ៍ ទី១៧ ខែធ្នូ ឆ្នាំ២០២២ ឯកឧត្តម ឧបនាយករដ្ឋមន្ត្រី កែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន និងជាប្រធានក្រុមការងាររាជរដ្ឋាភិបាលចុះជួយខេត្តបន្ទាយមានជ័យ បានអញ្ជើញ ចុះសួរសុខទុក្ខជាមួយប្រជាពលរដ្ឋ វ័យចំណាស់ និង ពិការជាង ៣០០ នាក់ ក្នុងតំបន់អភិវឌ្ឍន៍បឹងជង្រុកតេជោ ឈ្នះ ឈ្នះ.! ស្ថិតនៅក្នុងភូមិបឹងជង្រុក ឃុំទួលពង្រ ស្រុកម៉ាឡៃ ខេត្តបន្ទាយមានជ័យ។ ឯកឧត្តម ឧបនាយករដ្ឋមន្ត្រី កែ គឹមយ៉ាន បានពាំនាំនូវការផ្តាំផ្ញើពីសំណាក់សម្តេចតេជោនាយករដ្ឋមន្ត្រី និង សម្តេច កិត្តិព្រឹទ្ធបណ្ឌិត ប៉ិន រ៉ានី ហ៊ុន សែន សួរសុខទុក្ខបងប្អូនប្រជាពលរដ្ឋដែលមានវត្តមាននៅទីនោះ...ហើយឯកឧត្តម ឧបនាយករដ្ឋមន្ត្រីក៏បានថ្លែង និង កោតសរសើរចំពោះ ឯកឧត្តម ប៉ាន់ខែម ប៊ុនថន នាយករងខុទ្ទកាល័យសម្តេចតេជោ នាយករដ្ឋមន្ត្រី និង ជាប្រធានក្រុមការងារដឹកនាំដោះស្រាយបញ្ចប់វិវាទធ្លីដ៏រ៉ាំរ៉ៃ តាមបែប ឈ្នះ.! ឈ្នះ.! ក្រៅប្រព័ន្ធ រួមជាមួយក្រុមការងារ ព្រមទាំងលោក យ៉ាង គីមហ៊ុយ និង ក្រុមគ្រួសារលោក ដែលបានខិតខំយកចិត្តដោះស្រាយ និងរៀបចំ អភិវឌ្ឍន៍ តំបន់បឹងជង្រុក តេជោ ឈ្នះ.!ឈ្នះ.! អោយក្លាយទៅជាទីប្រជុំជន ប្រកបដោយសោភ័ណភាពរៀបរយ និង មានហេដ្ឋារចនាសម្ព័ន្ធគ្រប់បែបយ៉ាងគួរជាកត់សម្គាល់ ព្រោះតំបន់នេះធ្លាប់ជាទីតាំងសមរភូមិក្តៅ កាលពីអតីតកាល ប៉ុន្តែក្រោយការអនុវត្តជោគជ័យ នយោបាយ ឈ្នះ.! ឈ្នះ.! មកនូវសុខសន្តិភាពក្រោមដំបូលជាខ្មែរតែមួយ នេះហើយគឺជាគ្រឹះដ៏រឹងមាំសម្រាប់ការអភិវឌ្ឍន៍ ប្រទេសជាតិ។ ក្នុងឱកាសនោះដែរ ឯកឧត្តម ឧបនាយករដ្ឋមន្ត្រី កែ គឹមយ៉ាន បានមានប្រសាសន៍សំណេះសំណាល និង ប្រគល់អំណោយជូនដល់បងប្អូនប្រជាពលរដ្ឋ វ័យចំណាស់ និងពលរដ្ឋ ដែល ពិការ រួមនិងជាមួយក្រុមការងារប្រចាំកា រខាងដោះស្រាយ និង អភិវឌ្ឍន៍តំបន់បឹងជង្រុក តេជោ ឈ្នះ.! ឈ្នះ.! ដែលដឹកនាំដោយ ឯកឧត្តម ប៉ាន់ខែម ប៊ុនថន៕ ដោយ: លោក ស៊ុយ វិទ្ធី
ព័ត៌មានគួរចាប់អារម្មណ៍
កាស៊ីណូថ្មពេជ្រ"ច្រកក្អមសំណ"ជួលឲ្យថៅកែវៀតណាមបើកដៃឲ្យពលរខ្មែរចូលលេងល្បែងយ៉ាងកក្រឹកគគ្រេង.!!! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា អញ្ជើញទទួល និងសួរសុខទុក្ខបងប្អូនពលករខ្មែរវិលពីប្រទេសថៃ.!!! (គេហទំព័រ ប៉ោយប៉ែត ប៉ុស្តិ៍)
ករណីបង្ក្រាបក្លឹបថាំងហ៊ួយ KTV បញ្ជូនអ្នកលក់គ្រឿងញៀនតែ១៥នាក់ទេទៅតុលាការ! (គេហទំព័រ ប៉ោយប៉ែត ប៉ុស្តិ៍)
ឯកឧត្តមបណ្ឌិត ទូច វណ្ណៈ ដឹកនាំប្រតិភូសមាគមសម្ព័ន្ធសារព័ត៌មានឯករាជ្យ ចូលជួបសម្តែងការគួរសមឯកឧត្តម ប៉េង ពោធិ៍សា អភិបាលខេត្តស្វាយរៀង (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា សង្ឃឹមយ៉ាងមុតមាំថា បទវិន័យនគរបាលជាតិកម្ពុជាថ្មីនេះ នឹងធ្វើឱ្យកងកម្លាំងនគរបាលជាតិ ប្រកាន់ខ្ជាប់នូវវិន័យ មានឥរិយាបថថ្លៃថ្នូរ មានក្រមសីលធម៌វិជ្ជាជីវៈ ស័ក្តិសមជាអ្នកបម្រើនិងការពារប្រជាពលរដ្ខ (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា