ខេត្តបន្ទាយមានជ័យ៖ នៅថ្ងៃទី២០ ខែមករា ឆ្នាំ០២២ លោកស្រីឧត្តមសេនីយ៍ត្រី ឌី សុជាតិ ស្នងការរង ទទួលផែនការងារប្រឆាំងការជួញដូរមនុស្សនិងការពារអនីតិជនយេនឌ័រ ព្រមទាំងសហការី បាននាំយកអំណោយជាគ្រឿងឧបភោគ បរិភោគ និង ថវិការ របស់លោកឧត្តសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ ទៅចែកជូនដល់មន្ត្រីនគរបាលស្រ្តី២រូប ម្នាក់កំពុងសម្រាកព្យាបាលជម្ងឺ និង ម្នាក់ជានគរបាលចូលនិវត្តន៍។ មន្ត្រីនគរបាលស្ត្រី២រូប បានទទួលអំណោយរួមមាន: ទី១-លោកស្រី ទន់ វិរីយ៉ា ជាមន្ត្រីនគរបាលចូលនិវត្តន៍ រស់នៅម្នាក់ឯង នៅភូមិតារាងបាល់ ទទួលបាន៖ អង្ករចំនួន១០០គ.ក្រ, ទឹកបរិសុទ្ធវីតាល់ចំនួន០៥កេស,មី០១២កេសធំ,ត្រី០១កេសធំ,ភេសជ្ជៈ០១កន្ត្រកនិងថវិកាចំនួន២លាន ៨៥ម៉ឺនរៀល។ទី២-លោកស្រី សែ សុវ៉ារី នាយការិយាល័យ សុខាភិបាល រស់នៅម្នាក់ឯងនៅភូមិគោរដ្ឋាន កំពុងមានជម្ងឺប្រចាំកាយសម្រាកព្យាបាលនៅផ្ទះ ទទួលបានអង្ករចំនួន១០០គ.ក្រ,ទឹកបរិសុទ្ធវីតាល់ចំនួន០៥កេស,មី១២កេសធំ,ត្រី០១កេសធំនិងថវិកាចំនួន១លាន២សែនរៀលផងដែរ។ ឆ្លៀតក្នុងឱកាសនោះលោកស្រីឧត្តមសេនីយ៍ត្រី ឌី សុជាតិ ស្នងការរង ក៏បានពាំនាំការសួរសុខទុក្ខរបស់ លោកឧត្តមសេនីយ៍ទោ ស្នងការ តែងតែយកចិត្តទុកដាក់ ពីជីវភាពនិងសុខទុក្ខរបស់កងកម្លាំងនៅក្រោមឱវាទ ពិសេសគឺកងកម្លាំងដែលមានជម្ងឺកំពុងសម្រាកព្យាបាល។ ក្នុងនោះលោកឧត្តមសេនីយ៍ស្នងការ ក៏បានជូនពរដល់លោកស្រីទាំង០២នាក់ បានឆាប់ជាសះស្បើយពីរោគា ហើយត្រូវមើលថែសុខភាពអោយបានល្អ បន្តអនុវត្តន៍វិធានការសុខាភិបាល គឺ៣កុំ ៣ការពារ ដើម្បីគេចផុតពីជម្ងឺកូវីដបំលែងខ្លួនថ្មី៕ ដោយ: លោក វ័ន ប៊ុបរើន ជំនួយការ
ព័ត៌មានគួរចាប់អារម្មណ៍
ឯកឧត្តមអភិសន្តិបណ្ឌិត ស សុខា បន្តដឹកនាំគណៈប្រតិភូ ស្ដាប់បទបង្ហាញពាក់ព័ន្ធវិស័យសុវត្ថិភាពនិងសណ្ដាប់ធ្នាប់សាធារណៈ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា និងប្រតិភូ អញ្ជើញស្តាប់បទបង្ហាញពាក់ព័ន្ធនឹងហិរញ្ញវត្ថុសាធារណៈ និងយន្តការជាក់ស្តែងនៃលទ្ធិប្រជាធិបតេយ្យដោយផ្ទាល់ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា និងលោកជំទាវ ដឹកនាំគណៈប្រតិភូជាន់ខ្ពស់ បំពេញទស្សនកិច្ចនៅប្រទេសស្វីស និងប្រទេសអាល្លឺម៉ង់ (គេហទំព័រ ប៉ោយប៉ែត ប៉ុស្តិ៍)
កាស៊ីណូថ្មពេជ្រ"ច្រកក្អមសំណ"ជួលឲ្យថៅកែវៀតណាមបើកដៃឲ្យពលរខ្មែរចូលលេងល្បែងយ៉ាងកក្រឹកគគ្រេង.!!! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា អញ្ជើញទទួល និងសួរសុខទុក្ខបងប្អូនពលករខ្មែរវិលពីប្រទេសថៃ.!!! (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា