រាជធានី​ភ្នំពេញ៖ បុរសជនជាតិចិន និងមានស្ត្រីម្នាក់ជាជនជាតិដូចគ្នា បានរួមដំណើរជាមួយ បានបើករថយន្តសេរីទំនើប ម៉ាក BENTLEY FLYING SPUR ក្នុងល្បឿនលឿន ជ្រុលចង្កូតទៅបុករះរុឺម៉កម៉ូតូកង់បីដែលចតនៅមុខផ្ទះបងប្អូនប្រជាពលរដ្ឋ បណ្ដាលឱ្យខូចខាតទ្វារផ្ទះនិងរុឺម៉កម៉ូតូកង់បី៤គ្រឿង រួមនិង កង់ ១គ្រឿង បណ្តាលអោយមនុស្ស២នាក់ រងរបួស​ បង្កការភ្ញាក់ផ្អេីលកាលពីវេលាម៉ោង០៨និង៣០ព្រឹក នៅថ្ងៃទី០២ ខែមករា ឆ្នាំ២០២២ ស្ថិតនៅចំណុចក្បែរផ្សាររាត្រី ជិតកន្លែងលក់សំបុត្ររថយន្តក្រុង វីរៈប៊ុនថាំ តាមបណ្ដោយផ្លូវព្រះស៉ីសុវត្ថិ ក្នុងមូលដ្ឋានសង្កាត់វត្តភ្នំ ខណ្ឌដូនពេញ រាជធានីភ្នំពេញ។ ​បេីតាមប្រភពព័ត៌មានបានអោយដឹងថា នៅមុនពេលកើតហេតុ គេឃើញមាន បុរសនិងស្រ្តីជនជាតិចិន បានធ្វើដំណើរដោយរថយន្តសេរីទំនើបម៉ាក BENTLEY FLYING SPUR ពណ៌ខ្មៅ ពាក់ស្លាកលេខ មណ្ឌលគិរី 2B-8889 បើកបរតាមបណ្តោយផ្លូវព្រះស៉ីសុវត្ថិ ក្នុងទិសដៅពីត្បូងទៅជើង ខណៈមកដល់ចំណុចមុខផ្សាររាត្រី បានរ៉េចង្កូតទៅបុករះរុឺម៉កម៉ូតូចំនួនបី៤គ្រឿង កង់១គ្រឿង ដែលចតនៅមុខផ្ទះប្រជាពលរដ្ឋ បណ្ដាលអោយរងការខូចខាតទាំងរុឺម៉កម៉ូតូកង់បី និងទ្វារផ្ទះបងប្អូនប្រជាពលរដ្ឋ ថែមទាំងបង្ករអោយមានមនុស្សរងរបួសស្រាលចំនួន២នាក់។ បើយោងប្រសាសន៍ លោកវរសេនីយ៍ត្រី ញ៉ែត សំអាត នាយប៉ុស្តិ៍នគរបាលរដ្ឋបាលវត្តភ្នំ បានអោយភ្នាក់ងារយើងខ្ញុំដឹងផងដែរថា ក្នុងករណីនេះ បុរសនិងស្រ្តីជនជាតិចិនទាំង០២នាក់ ត្រូវបានកម្លាំងសមត្ថកិច្ចឃាត់ខ្លួនបានភ្លាមៗ បន្ទាប់ពីកើតហេតុ។ គួបញ្ជាក់ផងដែរថា៖ ​ក្រោយពេលកើតហេតុ កម្លាំងសមត្ថកិច្ច មូលដ្ឋាន រួមនិងកម្លាំងសមត្ថកិច្ចជំនាញ បានចុះដល់ទីតាំងកើតហេតុ និងទំនាក់ទំនងនគរបាលជំនាញចុះមកធ្វើការវាស់វែង ស្ទូចយករថយន្ត រុឺម៉កម៉ូតូកង់បីទៅរក្សាទុកនៅការិយាល័យចរាចរណ៍ជើងគោកនៃស្នងការដ្ឋាននគរបាលរាជធានីភ្នំពេញដើម្បីរងចាំដោះស្រាយសំណងតាមផ្លូវច្បាប់៕ ដោយ: លោក ឈុន តុលា អ្នកយកព័ត៌មាន គេហទំព័រ ប៉ោយប៉ែត ប៉ុស្តិ៍ www.poipetpostnews.com