ខេត្តបន្ទាយមានជ័យ៖ ជនសង្ស័យប្រុសស្រីចំនួន០២នាក់ ត្រូវបានកម្លាំងនគរបាលជំនាញការិយាល័យប្រឆាំងគ្រឿងញៀន សហការជាមួយកម្លាំងនគរបាលជំនាញនៃអធិការដ្ឋាននគរបាលក្រុងប៉ោយប៉ែត ឃាត់ខ្លួន និងកសាងសំណុំរឿងបញ្ជូនទៅកាន់សាលាដំបូងខេត្តចាត់ការតាមនីតិវិធី នៅថ្ងៃទី១៧ ខែកុម្ភៈ ឆ្នាំ២០២២។ ជនសង្ស័យទាំង០២នាក់មានឈ្នោះខាងក្រោម: ទី១-ឈ្មោះ អូន ប៊ុនថេត ភេទប្រុស អាយុ២៣ឆ្នាំ រស់នៅភូមិអណ្តូងថ្មមាស សង្កាត់ផ្សារកណ្តាល ក្រុងប៉ោយប៉ែត វត្តុតាងដកហូតបានមាន៖ ១/-ម្សៅក្រាមសថ្លា០២ ដុំ។ ២/-ទូរស័ព្ទចំនួន០១គ្រឿង ។ ជនសង្ស័យទី២.ឈ្មោះ ធៀន ពុទ្ធី ភេទស្រី អាយុ២៣ឆ្នាំ វត្តុតាងដកហូតមាន៖ ១/ម្សៅក្រាមសថ្លា០១ដុំ។ ២/ទូរស័ព្ទចំនួន០១គ្រឿង រួមទាំងឧបករណ៍សម្រាប់ជក់និងថង់សម្រាប់វិចខ្ចប់មួយចំនួន និងសៀវភៅឆ្លងដែនចំនួន០២។ លោកវរសេនីយ៍ឯក ធិន ស៊ិនដេត បានអោយដឹងថា៖ ដោយអនុវត្តតាមបទបញ្ជារបស់លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្ត និងមានការសម្របសម្រួលនិតិវិធីរបស់ឯកឧត្តម កើត វណ្ណារ៉េត ព្រះរាជអាជ្ញាអមសាលាដំបូងខេត្ត។ លោកវរសេនីយ៍ឯក ធិន ស៊ិនដេត ស្នងការរង និង លោក លឹម ប៊ុនសុភ័ក្ត្រ ព្រះរាជអាជ្ញារង បានដឹកនាំកម្លាំងការិយាល័យជំនាញប្រឆាំងគ្រឿងញៀន ចូលរួមសហការ និងកម្លាំងអធិការដ្ឋាននគរបាលក្រុងប៉ោយប៉ែត បានចុះអនុវត្តដីកាសម្រេចញុះញុងអោយលក់ ដោយខុសច្បាប់ នូវសារធាតុញៀន "នៅក្នុងបន្ទប់លេខ102 ក្នុងសណ្ឋាគារ ផេង ចិន្តា"ស្ថិតក្នុងភូមិក្បាលស្ពាន២ សង្កាត់ប៉ោយប៉ែត ក្រុងប៉ោយប៉ែត ឃាត់ខ្លួនបានជនសង្ស័យជាបន្តបន្ទាប់ រួមនិងវត្ថុតាងគ្រឿងញៀន មួយចំនួនធំ។ សូមបញ្ជាក់ផងដែរថា៖ ករណីបង្ក្រាបគ្រឿងញៀនខាងលើ កាលពីថ្ងៃទី១៦ ខែកុម្ភ: ឆ្នាំ២០២២ វេលាម៉ោង១២និង០០នាទី៕ ដោយ: លោក ជួង វិសិដ្ឋ និពន្ធនាយក គេហទំព័រ ប៉ោយប៉ែត ប៉ុស្តិ៍ www.poipetpostnews.com