រាជធានីភ្នំពេញ៖ បើយោងប្រភពពីប្រជាពលរដ្ឋដែលរស់នៅក្បែរនោះ បានអោយដឹងថា៖ មានទីតាំងមាន់ជល់ អាប៉ោង មួយកន្លែងជារបស់លោក ឆើត ស្ថិតនៅក្នុងសង្កាត់ស្ទឹងមានជ័យទី១ ខណ្ឌមានជ័យ កំពុងបើកលេងភ្នាល់ក្នុងមួយគូៗរាប់លានរៀល តែពុំទាន់ឃើញ លោក ពេជ្រ កែវមុនី អភិបាលខណ្ឌ និងលោក អ៊ុក បូនីន​ អធិការខណ្ឌ ដឹកនាំកម្លាំងហសការគ្នាចុះមកបង្ក្រាបនៅឡើយទេ។ ប្រជាពលរដ្ឋសូមសំណូមពរទៅដល់ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ និង លោកឧត្តមសេនីយ៍ឯក ស ថេត ស្នងការនគរបាលរាជធានីភ្នំពេញ ជាពិសេស ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ សូមចាត់វិធានការដាក់កូនចៅក្រោមឧវាទ ចុះបង្ក្រាបផងទាន ដើម្បីធានាបាននូវភូមិឃុំមានសុវត្ថិភាពទាំង៧ចំណុច របស់ក្រសួងមហាផ្ទៃ។ បើយោងសេចក្តីជូនដំណឹងរបស់ក្រសួងសុខាភិបាល កាលពីពេលថ្មីៗនេះ បានចេញសេចក្តីប្រកាសព័ត៌មានមួយជូនប្រជាពលរដ្ឋជនរួមជាតិទូទាំងប្រទេសថា សូមមានការប្រុងប្រយ័ត្នខ្ពស់ចំពោះជំងឺកូវីត១៩ ដែលទើបនឹងបម្លែងខ្លួនថ្មីឈ្មោះថា (អូមេក្រុង)។ តែដោយឡែក ទីតាំងល្បែងស៊ីសងរបស់លោក ឆើត នៅក្នុងសង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ កំពុងតែផ្គើនហ៊ាននាំគ្នាលេង យ៉ាងពពាក់ពពូន ទៅវិញ?,,,នេះសបញ្ជាក់ថា មិនគោរពតាមសរា​ចរណែនាំ​របស់​រាជរដ្ឋាភិបាល និងក្រសួងសុខាភិបាលនោះទេ មិនដឹងជាលោក ឆើត គាត់អាងខ្សែអ្នកធំៗនៅភ្នំពេញទេរឺ? ឬក៏អាងក្រដាសដុល្លារ ទិញទឹកចិត្ដអាជ្ញាធរមានសមត្ថកិច្ចមួយចំនួនតូច ក្នុងមូលដ្ឋានអស់ហើយទេដឹង?។ សូមរំលឹកផងដែរថា៖ ឯកឧត្តម ឃួង ស្រេង អភិបាលរាជធានីភ្នំពេញ បានមានប្រសាសន៍ សង្កត់ធ្ងន់ៗនៅក្នុងកិច្ចប្រជុំគណៈបញ្ជាឯកភាពរាជធានីភ្នំពេញ កន្លងទៅនេះ ដោយមានការចូលរួមពីអភិបាលរងរាជធានីភ្នំពេញ ស្នងការនគរបាលរាជធានីភ្នំពេញ មេបញ្ជាការ កងរាជអាវុធហត្ថរាជធានី និងអាជ្ញាធរខណ្ឌទាំង១៤ រួមទាំងមន្ដ្រីជំនាញពាក់ព័ន្ធជាច្រើនរូបទៀតថា អាជ្ញាធរមានសមត្ថកិច្ច ក៏ដូចជា អាជ្ញាធរដែនដី ត្រូវត្រួតពិនិត្យអោយបានម៉ត់ចត់បំផុត មិនត្រូវអនុញ្ញាតអោយមានកើតល្បែង​ស៊ី​សង​ប្រភេទ​ "ហ្គេម​បាញ់​ត្រី​ និង​អាជីវកម្មណេត កាហ្វេអនឡាញ និងល្បែងភ្នាល់ផ្សេងៗទៀត" ដែលមានបង្កប់ល្បែងស៊ីសងនៅក្នុងមូលដ្ឋានជាដាច់ខាត ក្នុងករណីដែលមាននៅក្នុងមូលដ្ឋានរបស់ខ្លួនត្រូវបង្ក្រាបភ្លាមៗទាំងអ្នកលេង និងម្ចាស់ទីតាំងដែលប្រកបអាជីវកម្មខុសច្បាប់ យកមកចាត់ការតាមច្បាប់៕ អត្ថបទដោយ: លោក សេង រត្ន័ និពន្ធនាយករង សារព័ត៌មាន គេហទំព័រ ប៉ោយប៉ែត ប៉ុស្តិ៍ www.poipetpostnews.com