ឃាត់ខ្លួនជនសង្ស័យ៤នាក់ តាមដីការសាលា ដំបូងខេត្តបន្ទាយមានជ័យ ពីបទញុះញុងឲ្យប្រព្រឹត្តបទល្មើសឧក្រិដ្ឋជាអាទិ៍.!!!
ខេត្តបន្ទាយមានជ័យ: ជនសង្ស័យ៤នាក់ត្រូវបានកម្លាំងនគរបាលស្រុកម៉ាឡៃ សហការជាមួយកម្លាំងនគរបាលព្រហ្មទណ្ឌនៃស្នងការដ្ឋាននគរបាលខេត្តបន្ទាយមានជ័យ ឃាត់ខ្លួនជនសង្ស័យបានជាបន្តបន្ទាប់ តាមដីការសាលាដំបូងខេត្ត ពាក់ពន្ធ័ករណី ដើរធ្វើសកម្មភាពប្រមូលផ្តុំប្រជាពលរដ្ឋផ្តិតស្នាមមេដៃក្លែងក្លាយដើម្បីទាមទារប្រឆាំងនឹងការដោះស្រាយដីធ្លីចំនុច៦៧១ នៅក្នុងឃុំទួលពង្រ ស្រុកម៉ាឡៃ ក្រោយសួរនាំនៅថ្ងៃទី១៩ ខែកុម្ភៈ ឆ្នាំ២០២២ ជនសង្ស័យទាំង៤ត្រូវបានបញ្ជូនទៅតុលាការចាត់ការបន្ត។
លោកវរសេនីយ៍ទោ ព្រហ្ម ប៊ុនធឿន នាយការិយាល័យនគរបាលព្រហ្មទណ្ឌកម្រិតស្រាលបានអោយដឹងថា៖ ជនសង្ស័យទាំង៤នាក់ ដែលសមត្ថកិច្ចឃាត់ខ្លួនរួមមាន: ទី១-ឈ្មោះ មាស សយ ភេទប្រុស អាយុ៦៣ឆ្នាំ។ ទី២-ឈ្មោះ ស៊ិន ធឿន ភេទប្រុស អាយុ៥០ឆ្នាំ។ ទី៣-ឈ្មោះ ឈុត ឈួត ភេទប្រុស អាយុ៦៥ឆ្នាំ។ ទី៤-ឈ្មោះ កែវ យ៉យ ភេទប្រុស អាយុ៧១ឆ្នាំ។ ពួកជនសង្ស័យបានឃាត់ខ្លួនតាមដីការរបស់តុលាការ ដោយមានការសម្របសម្រួលនីតិវិធីពីឯកឧត្តម កើត វណ្ណារ៉េត ព្រះរាជអាជ្ញាអមសាលាដំបូងខេត្តបន្ទាយមានជ័យ។
ពាក់ពន្ធ័ករណីនេះ លោកឧត្តមសេនីយ៍ត្រី នូ ជីវ័ន្ត ស្នងការរងទទួលផែនការងារព្រហ្មទ័ណ្ឌ បានមានប្រសាសន៍ថា៖ យោងការដឹកនាំបញ្ជាផ្ទាល់ពីលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ លោកបានដឹកនាំកម្លាំងចុះស្រាវជ្រាវរហូតឃាត់ខ្លួនពួកជនសង្ស័យបានសម្រេច។
ហើយការឃាត់ជនសង្ស័យទាំង៤នាក់ ធ្វើឡើងក្រោយពីពួកគេ បានធ្វើដកម្មភាពដើរញុះញុងអោយប្រជាពលរដ្ឋនៅប្រឆាំងជាមួយ អាជ្ញាធរ និងក្រុមការងារដោះស្រាយវិវាទដីធ្លី ដែលបានដោះស្រាយបញ្ចប់វិវាទ និង បានបែងចែកដីធ្លីបញ្ចប់រួចរាល់ហើយ។
បច្ចុប្បន្ន: ក្រោយសួនាំ ជនសង្ស័យទាំង៤ត្រូវបានការិយាល័យជំនាញ កសាងសំណុំរឿងបញ្ជូនទៅតុលាការចាត់ការបន្តតាមច្បាប់៕
