ខេត្តបន្ទាយមានជ័យ៖ ជនសង្ស័យម្នាក់ ត្រូវបានកម្លាំងនគរបាលប្រឆាំងបទល្មើសបច្ចេកវិទ្យានៃស្នងការដ្ឋាននគរបាលខេត្តបន្ទាយមានជ័យ ធ្វើការឃាត់ខ្លួនយកមកសួរនាំ ពាក់ពន្ធ័ករណីឆបោកពលរដ្ឋឈ្មោះ សូត្រ សុគន្ធរស់ ភេទ ប្រុស អាយុ ៣៨ ឆ្នាំ រស់នៅភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត នៅរសៀលថ្ងៃទី២១ ខែកុម្ភៈ ឆ្នាំ២០២២ នេះ ។ លោកវរសេនីយ៍ទោ សោម សារុន នាយការិយាល័យនគរបាលប្រឆាំងបទល្មើសបច្ចេកវិទ្យាបានឲ្យដឹងថា ជនសង្ស័យដែលសមត្ថកិច្ចយើងឃាត់ខ្លួនមានឈ្មោះ យ៉ុម យ៉េន ភេទប្រុស អាយុ ២៧ឆ្នាំ មានមុខរបរ លក់ដូរ រស់នៅភូមិ មិត្តភាព សង្កាត់,ក្រុងប៉ោយប៉ែត ។ មុនពេលឃាត់ខ្លួនកាលពីថ្ងៃទី១៦ ខែកុម្ភ: ឆ្នាំ ២០២២កន្លងទៅ ជនសង្ស័យ យ៉ុម យ៉េន និងបក្សពួក១នាក់ទៀត បាននាំគ្នាទៅទិញស៊ីមថ្មីមួយ រួចបង្កើតគណនីតេឡេក្រាម ដាក់រូបអ្នកផ្សេង ក្នុងគោលបំណងបន្លំធ្វើជាម៉ូយដែលធ្លាប់រកស៊ីជាមួយជនរងគ្រោះឈ្មោះ ចែយក់ ហើយបានកម្មង់ទិញទំនិញ ជាច្រើនពីជនរងគ្រោះ ឲ្យផ្ញើទំនិញឲ្យមុន រួចមិនបានទូទាត់លុយឲ្យម្ចាស់ទំនិញវិញទេ ថែមទាំងទំនាក់ទំនងមិនបាន ។ ពាក់ពន្ធ័ករណីខាងលើ លោកវរសេនីយ៍ឯក គង់ វិនឌី ស្នងការរងទទួលផែនការងារសន្តិសុខ បានមានប្រសាសន៍ថា ក្រោយទទួលបានបណ្តឹងពីជនរងគ្រោះ ក្រោមការដឹកនាំបញ្ជាផ្ទាល់ពីលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ និង សម្របសម្រួល ឯកឧត្តម កើត វណ្ណារ៉េត ព្រះរាជអាជ្ញា អមសាលាដំបូងខេត្ត និង សហការជាមួយកម្លាំងអធិការដ្ឋាននគរបាលក្រុង ប៉ោយប៉ែត លោកបានដឹកនាំកម្លាំង ចុះស្រាវជ្រាវ នៅថ្ងៃទី២១ ខែកុម្ភៈ ឆ្នាំ២០២២ សមត្ថកិច្ចយើងក៏បានឃាត់ខ្លួនជនសង្ស័យឈ្មោះ យ៉ុម យ៉េន បានសម្រេចយកមកសួរនាំ ដោយជនសង្ស័យបានសារភាពថា ខ្លួនពិតជាបានប្រព្រឹត្តដូច្នោះមែន ព្រោះរវាងជនសង្ស័យនិងជនរងគ្រោះធ្លាប់មានទំនាស់ជាមួយគ្នា ក្នុងការរកស៊ីកន្លងមក។ បច្ចុប្បន្ន: ក្រោយសួរនាំ ជនសង្ស័យ ត្រូវបានកម្លាំងជំនាញកសាងសំណុំរឿងបញ្ជូនទៅតុលាការចាត់ការបន្តតាមផ្លូវច្បាប់៕
ព័ត៌មានគួរចាប់អារម្មណ៍
អ្នកអង្គម្ចាស់ ស៊ីសុវត្ថិ សិទ្ធីដែន ឧត្ដមប្រឹក្សាផ្ទាល់ សម្តេចព្រះមហាសង្ឃរាជ នៃព្រះរាជាណាចក្រកម្ពុជាទាំងពីរគណៈយាងចុះសួរសុខទុក្ខប្រជាពលករនៅច្រកទ្វារព្រំដែនអន្តរជាតិដូង ក្នុងស្រុកកំរៀង ខេត្តបាត់ដំបង (គេហទំព័រ ប៉ោយប៉ែត ប៉ុស្តិ៍)
សហព័ន្ធស្វីស បន្តគាំទ្រកំណែទម្រង់វិមជ្ឈការនៅកម្ពុជា និងគម្រោងបណ្ដុះបណ្ដាលពង្រឹងសមត្ថភាពមន្ត្រីក្រសួងមហាផ្ទៃ (គេហទំព័រ ប៉ោយប៉ែត ប៉ុស្តិ៍)
ព្រឹត្តិការណ៍សម្តែងក្បាច់គុនល្បុក្កតោ-ក្បាច់គុនសៅលីញ រួមគ្នា នៅមុខប្រាសាទបាយ័ន២៤មេសា.! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា បន្តដឹកនាំគណៈប្រតិភូ ស្ដាប់បទបង្ហាញពាក់ព័ន្ធវិស័យសុវត្ថិភាពនិងសណ្ដាប់ធ្នាប់សាធារណៈ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា និងប្រតិភូ អញ្ជើញស្តាប់បទបង្ហាញពាក់ព័ន្ធនឹងហិរញ្ញវត្ថុសាធារណៈ និងយន្តការជាក់ស្តែងនៃលទ្ធិប្រជាធិបតេយ្យដោយផ្ទាល់ (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា