ក្រុងប៉ោយប៉ែត៖ ដោយមានការយកចិត្ដទុកដាក់ពីលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ ដើម្បីរក្សាសេចក្ដីសុខ និងសន្តិសុខសង្គម ជូនប្រជាពលរដ្ឋទាំង៧ចំណុច,,,កាលពីថ្ងៃព្រហស្បត្តិ៍ ៨រោច ខែមាឃ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី២៤ ខែកុម្ភ: ឆ្នាំ២០២២ វេលាម៉ោង១២និង០០នាទី មានប្រជាពលរដ្ឋល្អរាយការណ៍មកសមត្ថកិច្ចជំនាញថា៖ មានករណីជួញដូរ នឹងប្រើប្រាស់ថ្នាំញៀន នៅបន្ទប់ជួលមួយកន្លែង ក្នុងភូមិសាមគ្គីមានជ័យ សង្កាត់និងក្រុងប៉ោយប៉ែត ភ្លាមនោះកម្លាំងការិយាល័យជំនាញប្រឆាំងគ្រឿងញៀន ដឹកនាំដោយលោកវរសេនីយ៍ឯក ធិន ស៊ិនដេត ស្នងការរង បានដឹកនាំសហការពីកំលាំងអធិការដ្ឋានក្រុងប៉ោយប៉ែត នឹងមានការសម្របសម្រួលដោយលោក លឹម ប៊ុនសុភ័ក្រ ព្រះរាជអាជ្ញារងខេត្តបន្ទាយមានជ័យ បានចុះទៅដល់ទីតាំងខាងលើ ចាប់បានជនសង្ស័យជនជាតិថៃចំនួន២នាក់/ស្រី០១នាក់រួមនិងវត្ថុតាងថ្នាំញៀន៖ ទី១-ឈ្មោះ សុវណ្ណារ៉ាត់ សាំលី( Suwannarat Sumlle) ភេទស្រី អាយុ៣២ឆ្នាំ(ជនជាតិថៃ)។ ទី២-ឈ្មោះ ឆៃយ៉ាផន ភុន ធុម (Chaiyaporn Porntum ភេទប្រុស អាយុ៤១ឆ្នាំ(ជនជាតិថៃ)។ ដកហូតវត្តុតាងបានរួមមាន៖ ១-ដបកែឆ្នៃសម្រាប់ជក់ថ្នាំញៀនចំនួន៥។ ២-ថ្នាំគ្រាប់ ពណ៌ក្រហមចំនួន១៥ថង់ពណ៌ខៀវ ប្រហែល ៣០០០ គ្រាប់។ ៣-ម្សៅក្រាមសថ្លា ចំនួន១០៣ថង់។ ៤-សំបកថង់សម្រាប់ច្រកថ្នាំញៀនមួយចំនួន ៥-កូនជញ្ជីងចំនួន១។ បច្ចុប្បន្ន: លោកវរសេនីយ៍ឯក ធិន ស៊ិនដេត ស្នងការរង បានអោយដឹងថា៖ ជនសង្ស័យជនជាតិថៃចំនួន២នាក់/ស្រី០១នាក់ ត្រូវបានបញ្ជូនទៅការិយាល័យជំនាញដើម្បីធ្វើការសាកសួរ និងស្នើសុំឃាត់ខ្លួនបន្តរកមុខសញ្ញាពាក់ព័ន្ធបន្ថែមទៀតនិងចាត់ការតាមនីតិវិធី៕ ដោយ: លោក ជួង វិសិដ្ឋ និពន្ធនាយក គេហទំព័រ ប៉ោយប៉ែត ប៉ុស្តិ៍ www.poipetpostnews.com