លោកវរសេនីយ៍ឯក សៅ សារឿន អធិការរដ្ឋាននគរបាលក្រុងប៉ោយប៉ែត ដឹកនាំកម្លាំងជំនាញចុះបង្ក្រាប ក្រុមជិះម៉ូតូឆក់ បានចំនួន៤នាក់ លឿនដូចភ្នែកបន្ទោល.!!!
ក្រុងប៉ោយប៉ែត៖ ដោយមានការយកចិត្តទុកពីលោកឧត្តមសេនីយ៍ទោ សិទ្ធិ ឡោះ ស្នងការរដ្ឋាននគរបាលខេត្តបន្ទាយមានជ័យ ដើម្បីរក្សាសន្តិសុខសង្គម ជូនប្រជាពលរដ្ឋ ក្រោមម្លប់សន្តិភាព.!!! មានករណីឆក់ទូរសព្ទ័ដៃមួយកើតឡើងនៅចំនុចកែងផ្សារថ្មីប៉ោយប៉ែត ហៅ(ផ្សារអគ្គ) ជិតកន្លែងលក់ជ្រូកខ្វៃ ស្ថិតក្នុងភូមិបាលិលេយ្យ២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ កាលពីវេលាម៉ោង ២០និង៤០នាទីយប់ ថ្ងៃទី៣ ខែកុម្ភះឆ្នាំ២០២២ ដោយយោងតាមពាកបណ្តឹងរបស់ឈ្មោះ ចន សុហឿន ភេទប្រុស អាយុ២២ឆ្នាំ មានទីលំនៅភូមិផ្សារកណ្តាល សង្កាត់ផ្សារកណ្តាល ក្រុងប៉ោយប៉ែត បន្ទាយមានជ័យ លោកវរសេនីយ៍ឯក សៅ សារឿន អធិការរដ្ឋាននគរបាលក្រុងប៉ោយប៉ែត បានដឹកនាំកម្លាំងវិះស្រាវជ្រាវឈានដល់ការឃាតខ្លួនជនស័ង្សយបានចំនួន៤នាក់ និងដោយយោងចម្លើយសារភាព ដែលបានប្រើហិង្សា មានស្ថានភាពទម្ងន់ទោស។
ជនសង្ស័យទាំង៤នាក់មានឈ្មោះដូចខាងក្រោម៖
ទី១/ឈ្មោះ នី ផានិត ភេទប្រុសអាយុ១៨ឆ្នាំជនជាតិខ្មែរបានសារភាពថាខ្លួនបានធ្វើសកម្មភាពឆក់កាបូបនិងឆក់ទូរសព្ទ័នៅក្រុងប៉ោយប៉ែតពិតមែន ។
ទី២/ឈ្មោះ ធន់ ពិសិដ្ឋ ភេទប្រុស អាយុ១៧ឆ្នាំ បានសារភាពថាខ្លួនអត់ដែលឆក់កាបូបនិងទរសព្ទ័គេទេ តែខ្លួនជាអ្នកស្មាត់ឌុបគេអោយឆក់និងបើករត់គេចខ្លួនហើយបានបញ្ជាក់ថាឈ្មោះ នី ផានិត ពិតជាបានចូលរួមធ្វើសកម្មភាពដេញកាប់គេកាលពីថ្ងៃទី១ ខែកុម្ភះ ២០២២ នៅវេលាម៉ោង១២យប់ ពិតមែន ។
ទី៣/ឈ្មោះ ប៉ែន សុខលាភ ភេទប្រុស អាយុ១៧ឆ្នាំ ជនដៃដល់(អ្នកឆក់) បានសារភាពថាខ្លួនពិតជាបានឆក់កាបូបនិងឆក់ទូរសព្ទ័គេពិតមែន និងបានបញ្ជាក់ថានៅយប់ថ្ងៃទី១ ខែកុម្ភះ ឆ្នាំ២០២២ នៅវេលាម៉ោង១២និង៣០នាទី ក្រុមខ្លួនមាន អានិត អាហុង អាចយ អាចាន់ណា អាសិទ្ធ និងក្រុម៥៨ បានធ្វើសកម្មភាពដេញកាប់គេបណ្តាលអោយរងរបួសជើងពិតមែន ។
ទី៤/ឈ្មោះ លឹម ទីយ៉ា ភេទស្រីអាយុ១៨ឆ្នាំ ជាប្រពន្ធរបស់ឈ្មោះ នី ផានិត បានសារភាពថា ខ្លួនបានគ្នាប្តីប្រពន្ធជាងមូយឆ្នាំហើយ ហើយខ្លួនដឹងថាប្តីជាចោរឆក់ និងបានទទួលលុយពីប្តីរាល់ពេលធ្វើសកម្មភាពបានលុយអោយខ្លួនទុកចាយជាប់ខ្លួន៤មុឺន ៣មុឺន រឺ២មុឺន ហើយរាល់ការបើកបន្ទប់ផ្ទះសំណាក់ស្នាក់នៅគឺប្តីខ្លួនជាអ្នកបង់លុយ ។
តាមចម្លើយរបស់ ធន់ ពិសិដ្ឋ បានបញ្ជាក់ថារាល់ពេល នី ផានិត ចេញធ្វើសកម្មភាពបានលុយគឺអោយប្រពន្ធកាន់លុយ ហើយដើរលេង។ជនរងគ្រោះឈ្មោះ ឡាយ គីមប៊ួយ ភេទស្រី អាយុ២២ឆ្នាំ ជនជាតិខ្មែរ មុនរបរបុគ្គលិកកាសុីណូ មានទីលំនៅភូមិសាមគ្គីមានជ័យ សង្កាត់និងក្រុងប៉ោយប៉ែត បន្ទាយមានជ័យ ។
ត្រូវបានក្រុមចោរឆក់យកទូរសព្ទ័មួយគ្រឿងម៉ាកអាយហ្វូន១៣ប្រូ យកទៅបាត់ដោយសុវត្ថិភាព ក្រោយមកវេម៉ោង២១និង៣០នាទីកំលាំងសមត្ថកិច្ចបានឃាត់ខ្លួនបានចំនួន៤នាក់ និង ស្រីម្នាក់ពាក់ព័ន្ធការសមគំនិត ជនសង្សយ័ទាំង៣នាក់បានសារភាពថាខ្លួនពិតជាបានឆក់ទូរសព្ទ័ជនរងគ្រោះពិតមែន ហើយទូរសព្ទ័បានយកទៅអោយឈ្មោះវ៉េវយកទៅលក់មិនដឹងបានប៉ុន្មានទេ ។
បច្ចុប្បន្ន: កម្លាំងជំនាញស្នើសុំឃាត់ខ្លួនជនសង្ស័យទាំង៤នាក់ខាងលើ ដើម្បីកសាងសំណុំរឿងបញ្ជូនតាមនីតិវិធី៕
ដោយ: គេហទំព័រ ប៉ោយប៉ែត ប៉ុស្តិ៍
