ក្រុងប៉ោយប៉ែត៖ ដោយមានការយកចិត្តទុកដាក់ពី លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តបន្ទាយមានជ័យ ដើម្បីធានាបាននូវភូមិឃុំុំមានសុវត្ថិភាព ជូនប្រជាពលរដ្ឋ ក្នុងភូមិសាស្ត្រនៃខេត្តបន្ទាយមានជ័យ,,,លោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុងប៉ោយប៉ែត បន្ទាប់ពីទទួលបានព័ត៌មានពីប្រជាពលរដ្ឋភ្លាម លោកក៏បានចាត់កម្លាំងចុះប្រតិបត្តិការឈានដល់ការឃាត់ខ្លួនជនសង្ស័យម្នាក់ ពាក់ព័ន្ធ ទិញមកជក់ និងលក់គ្រឿងញៀនបន្ត។ ជនសង្ស័យមានឈ្មោះ￸ ភី រ៉ារ៉ូត ភេទប្រុស អាយុ២១ឆ្នាំ ជនជាតិថៃ។ហើយការឃាត់ខ្លួន និងចាប់យកវត្ថុតាងគ្រឿងញៀន នៅចំណុចកាស៊ីណូនាគទិព្វ ស្ថិតក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ កាលពីវេលាម៉ោង២៣និង៣០នាទី ថ្ងៃទី០៤ ខែកុម្ភ: ឆ្នាំ២០២២។ ដកហូតវត្ថុតាងបានរួមមាន៖ ម៉្សៅម៉ត់ ពណ៌ស ចំនួន០៨ កូនថង់ ស្មើនឹងទម្ងន់៧,១១ក្រាម និងសម្ភារ:មួយចំនួនទៀត។ ក្រោយពីសមត្ថកិច្ចសួរនាំជនសង្ស័យដោយមានអ្នកបកប្រែផងដែរនោះ ជនសង្ស័យ បានឆ្លើយរៀបរាប់ថា ខ្លួនគេពិតជាបានទិញគ្រឿងញៀនមកទុកប្រើប្រាស់ខ្លួនឯងផង និងលក់ដូរបន្តផងពិតប្រាកដមែន។ ដោយផ្អែកលើវត្ថុតាង និងចម្លើយសារភាពរបស់ជនសង្ស័យ កម្លាំងជំនាញមូលដ្ឋានកងរាជអាវុធហត្ថក្រុងប៉ោយប៉ែត បានកសាងសំណុំរឿងបញ្ជូនទៅទីបញ្ជាការដ្ឋានកងរាជអាវុធហត្ថខេត្តបន្ទាយមានជ័យចាត់ការបន្តតាមនីតិវិធី ។ លោកវរសេនីយ៍ឯក ជា តារា មេបញ្ជាការរងកងរាជអាវុធហត្ថខេត្តបន្ទាយមានជ័យ ទទួលការងារប្រឆាំងគ្រឿងញៀនបានប្រាប់អោយសារព័ត៌មានដឹងថា ការបង្ក្រាបករណីខាងលើនេះ￸ លោកបានរាយការណ៍ជូនលោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត និងមានការសម្របសម្រួលនីតិវិធី ពី ឯកឧត្តម កើត វណ្ណារ៉េត ព្រះរាជអាជ្ញាអមសាលាដំបូងខេត្តមុនផងដែរ។ បច្ចុប្បន្ន: ជនសង្ស័យ រួមនឹងវត្ថុតាងត្រូវបាន កម្លាំងការិយាល័យប្រឆាំងគ្រឿងញៀនបញ្ជូនជនសង្ស័យឈ្មោះ￸ ភី រ៉ារ៉ូត ជាជនជាតិថៃ ទៅសាលាដំបូងខេត្តបន្ទាយមានកាលពីព្រឹកថ្ងៃអាទិត្យ ទី០៦ ខែកម្ភ: ឆ្នាំ២០២២ ចាត់ការបន្តតាមច្បាប់៕ ដោយ: លោក ជួង វិសិដ្ឋ និពន្ធនាយករង សារព័ត៌មាន គេហទំព័រ ប៉ោយប៉ែត ប៉ុស្តិ៍ www.poipetpostnews.com