កម្លាំងអធិការដ្ឋាននគរបាលស្រុកកំរៀងឃាត់ខ្លួន ជនសង័្សយម្នាក់ ក្នុងករណីប្រើហិង្សាបំផ្លាញទ្រព្យសម្បត្តិអ្នកដទៃ.!!!
ខេត្តបាត់ដំបង៖ កាលពីថ្ងៃ ព្រហស្បតិ៍ ៨កេីតខែផល្គុនឆ្នាំឆ្លូវត្រីស័ក ព.ស.២០២២ត្រូវនឹងថ្ងៃទី១០ ខែមីនា ឆ្នាំ២០២២ វេលាម៉ោង០៨និង០០នាទី ដោយមានការយកចិត្តទុកដាក់ពី លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង រួមនឹងយោបល់លោកវរសេនីយ៍ឯក លឹម ពុទ្ធីឡា ស្នងការរងផែនការងារនគរបាលព្រហ្មទ័ណ្ឌ លោកវរសេនីយ៍ទោ វេ គឹមចត់ អធិការនគរបាលស្រុកកំរៀង បានដឹកនាំកម្លាំង ចុះធ្វេីការឃាត់ខ្លួនជនសង័្សយចំនួន០១នាក់ ឈ្មោះ យ៉ុម រដ្ឋា (ហៅអេត) ភេទប្រុស អាយុ ២៣ ឆ្នាំ រស់នៅភូមិអូរដាលើ ឃុំបឹងរាំង ស្រុកកំរៀង ខេត្តបាត់ដំបង នាំមកធ្វេីការសាកសួរនៅអធិការដ្ឋាននគរបាលស្រុកកំរៀង ពាក់ព័ន្ធទាក់ករណីប្រើហិង្សាដោយចេតនា និងធ្វេីអោយខូចខាត ទ្រព្យសម្បត្តិដោយចេតនាមានស្ថានទម្ងន់ទោស។
លោកវរសេនីយ៍ទោ វេ គឹមចត់ អធិការនគរបាលស្រុកកំរៀង បានអោយសារព័ត៌មានដឹងថា៖ កាលពីថ្ងៃទី៨ ខែមីនា ឆ្នាំ២០២២ វេលាម៉ោង១៦និង២០នាទី នៅចំណុចក្រុមទី០៨ភូមិ ថ្មីឃុំត្រាង ស្រុកកំរៀង ខេត្តបាត់ដំបង មានករណីហិង្សាដោយចេតនានិងធ្វើឱ្យខូចខាតដោយចេតនាមានស្ថានទម្ងន់ទោស មួយកើតឡើងដែលករណីនេះប្រព្រឹត្តដោយជនសង្ស័យមួយក្រុមមិនស្គាល់អត្តសញ្ញាណ បានប្រើប្រាស់ដាវសាំម៉ូរ៉ៃ ដេញកាប់ទៅលើជនរងគ្រោះ តែដេញកាប់មិនបានក្រុមជនសង័្សយទាំងនោះ ក៏បានកាប់ម៉ូតូមួយគ្រឿង ម៉ាកហុងដាឌ្រីម សេ125 ពណ៌ខ្មៅលេខតួលេខម៉ាស៊ីន 8677690 ជារបស់ជនរងគ្រោះឈ្មោះ ឃីម សម្បត្តិ ភេទប្រុស អាយុ១៩ឆ្នាំ រស់នៅភូមិបឹងរាំង ឃុំបឹងរាំង ស្រុកកំរៀង ខេត្តបាត់ដំបង មានមុខរបរជាកម្មករ បណ្ដាលអោយម៉ូតូមួយគ្រឿងខូចខាតដោយអន្លេី។
លោកអធិការបន្តទៀតថា៖ នៅក្រោយកើតហេតុ ជនរងគ្រោះបានដាក់ពាក្យបណ្តឹងចូលមកសមត្ថកិច្ចនគរបាល ហេីយតាមរយៈការស្រាវជ្រាវពីសមត្ថកិច្ចយើង ក៏បាននាំខ្លួនជនសង្ស័យខាងលេីមកធ្វេីការសួរនាំ។
បច្ចុប្បន្ន: ជនសង្ស័យខាងលើ ត្រូវសមត្ថកិច្ចកសាងសំណុំរឿងបញ្ជូនទៅការិយាល័យជំនាញ ដើម្បីចាត់ការបន្តតាមនីតិវិធី៕
ដោយ: លោក សុខ បូរី និពន្ធនាយករង
គេហទំព័រ ប៉ោយប៉ែត ប៉ុស្តិ៍
www.poipetpostnews.com