ខេត្តឧត្ដរមានជ័យ៖ លោក វ៉ុន ប៊ុនធឿន នាយសង្កាត់រដ្ឋបាលព្រៃឈើស្រុកអន្លង់វែង នៅតែបណ្ដែតបណ្ដោយ អោយកើតមាន"រោងម៉ាស៊ីនរ៉ៃ អត់ច្បាប់ អាជ្រៀកឈើ ក្រោយស្នាក់ការខ្លួនគ្រប់គ្រងប្រព្រឹត្តទៅយ៉ាងរលូន ជាថ្នូរលាភសក្ការៈបែជាមិនបង្ក្រាប"?។ មហាជនគ្រប់មជ្ឈដ្ឋានសង្កេតឃើញថា តាំងពីលោក វ៉ុន ប៊ុនធឿន ឡើងមកកាន់តំណែងជានាយសង្កាត់រដ្ឋបាលព្រៃឈើស្រុកអន្លង់វែងដូចជាមានភាពអសកម្មក្នុងការបង្ការទប់ស្កាត់និងមិនដឹកនាំកម្លាំងបង្រ្កាបបទល្មើសព្រៃឈើទាល់តែសោះ.! សង្ស័យត្រូវក្រដាសដុល្លារ របស់មេឈ្មួញឈើ និងលោក ពេជ្រ ម្ចាស់ រោងម៉ាស៊ីនរ៉ៃ អាជ្រៀកឈើ គ្មានច្បាប់អនុញ្ញាត មើលទៅ.?ទើបបានជាលោក ពេជ្រ ធ្វើព្យុះធ្វើភ្លៀង ក្នុងស្រុកអន្លង់វែងបាន ព្រោះមិនញញើតច្បាប់ ម្យ៉ាងវិញទៀត អាងឪពុកក្មេកលោក ជាមេឃុំ លំទង ផងដែរ។ ពលដ្ឋរងចាំមើលថា លោក អ៊ឹម សៅវរិទ្ធ នាយខណ្ឌរដ្ឋបាលព្រៃឈើ ខេត្តឧត្ដរមានជ័យ មានសមត្ថភាព ឬ អសម្ថតភាព ក្នុងការបង្ការ ទប់ស្កាត់ និង បង្រ្កាបទីតាំង "រោងម៉ាស៊ីនរ៉ៃឈ្មោះ ពេជ្រ ដែលសព្វថ្ងៃនេះ កំពុងតែ អាជ្រៀកឈើ យ៉ាងសកម្ម គ្មានច្បាប់អនុញ្ញាតទេ,,,"។ នៅថ្ងៃទី១៥ ខែមីនា ឆ្នាំ២០២២ ក្រុមការងារយើងក៏បានរាយការទៅ លោក វ៉ុន ប៊ុនធឿន នាយសង្កាត់រដ្ឋព្រៃឈើ ស្រុកអន្លង់វែងដែរពាក់ព័ន្ធទៅនិង ទីតាំងរោងម៉ាស៊ីនរ៉ៃ អាជ្រៀកឈើ គ្មានច្បាប់អនុញ្ញាត មួយកន្លែង ដែលមានម្ចាស់ឈ្មោះ ពេជ្រ ត្រូវជាកូនប្រសារ លោក ជួន រះ មេឃុំលំទង ស្រុកអន្លង់វែង ខេត្តឧត្ដរមានជ័យ លោកនាយសង្កាត់បានបញ្ជាក់ថា៖ លោកកំពុងឆ្លងជំង្ងឺកូវីដហើយ។ ចំណែក លោក អ៊ឹម សៅវរិទ្ធ នាយខណ្ឌរដ្ឋបាលព្រៃឈើ ខេត្តឧត្ដរមានជ័យ ក្រុមការងារយើងបានខលចូលដើម្បីរាយការណ៍ តែគ្នានអ្នកលើកទូរសព្ទ័។ ពាក់ព័ន្ធករណីខាងលើ ក្រុមការងារយើងខ្ញុំ នឹងរងចាំការបកស្រាយបំភ្លឺជានិច្ច រាល់ការពាក់ព័ន្ធ ពីសារមុីខ្លួន បើគិតថា មិនត្រឹមត្រូវ ឫការចោទប្រកាន់ខុសពីការពិត៕ ដោយ: លោក សួន ចំណាប់ អ្នកយកព័ត៌មាន គេហទំព័រ ប៉ោយប៉ែត ប៉ុស្ដិ៍