រថយន្តលោក ម៉ៅ ក្រឡាប់ផ្ងាជើង ក្អួតចេញសុទ្ធតែឈើ ទើបសមត្ថកិច្ចជំនាញពាក់ព័ន្ធ ឆ្លើយដាក់គ្នា.!!!
ខេត្តព្រះវិហារ៖ ហេតុការណ៍ដ៌ររន្ធត់ក្នុងករណីគ្រោះថ្នាក់ចរាចរណ៍មួយបានកើតឡើងកាលពីវេលាម៉ោង០៦និង២៥នាទី នៅថ្ងៃទី៣០ ខែមីនា ឆ្នាំ២០២២ រថយន្តសាំយ៉ុង ១គ្រឿង ពណ៍ស្លែ ពាក់ស្លាកលេខភ្នំពេញ(2S-0294 )ដែលគេស្គាល់ថា ជារថយន្ត របស់មេឈ្មួញដុះស្លែឈ្មោះ ម៉ៅ (ហៅ ម៉ៅ សក់វែង) ដែលបានដឹកឈើពេញប្រៀបក្នុងរថយន្ត ចេញពីស្រុកត្បែងមានជ័យ ខេត្តព្រះវិហារ ឆ្ពោះទៅចែកចាយតាមដេប៉ូ
សឹប្បកម្ម នៅឯរាជធានីភ្នំពេញ លុះមកដល់ចំនុចគីឡូម៉ែត្រ លេខ ៨៧/៨៨ លើដងផ្លូវជាតិលេខ៦២ ស្ថិតក្នុងភូមិរំចេក ឃុំរមណី ស្រុករវៀង ខេត្តព្រះវិហារ បានផ្ទុះកង់ក្រោយហើយក្នុងល្បឿនលឿនផងនោះ បណ្តាលអោយរថយន្ត រេចង្គោតបោកក្រឡាប់ផ្ងាជើងឡើងលើ ក្អួតចេញសុទ្ធតែឈើ ចំណែកម្ចាស់ឈ្មោះ ម៉ៅ និង ស្រ្តីម្នាក់ រងរបួសធ្ងន់ ត្រូវបានដឹកយកទៅសង្គ្រោះបន្ទាន់នៅមន្ទីរពេទ្យខេត្តកំពង់ធំ។
គួរំលឹកផងដែលថា៖ មេឈ្មួញម្នាក់ឈ្មោះ ម៉ៅនេះ បានមកពីខេត្តកំពង់ធំ មកលាក់ខ្លួនពួនអាថ្មា នៅខេត្តព្រះវិហារ បង្កើតមុខរប រកសុីបទល្មើសព្រៃឈើជាច្រើនឆ្នាំមកហើយ ហើយក៏ត្រូវបានសមត្ថកិច្ចបង្ក្រាបជាច្រើនដងដែរ,,,តែក្រោយមក ឈ្មួញ ម៉ៅ បានមានការសែនព្រេន ម្ចាស់ទឹកដីត្រូវ ទើបប្រកបមុខរបដឹកឈើលក់បានបន្តទៀត៕
