ខេត្តកំពត៖ បើយោងប្រភពព័ត៌មានបានរាយការណ៍មកថា៖ ទីតាំងជល់មាន់និងអាប៉ោង ដុះស្លែរ មួយកន្លែង នៅចំណុចអូរតូច ស្ថិតក្នុងភូមិអណ្តូងខ្មែរ សង្កាត់អណ្តូងខ្មែរ ក្រុងកំពត ខេត្តកំពត កំពុងបើកដំណើរការ អោយក្រុមអ្នកញៀនលេងល្បែងស៊ីសង ចូលទៅលេង យ៉ាងពពាក់ពពូន ដោយមិនខ្លាច លោក ហោ វណ្ណា អធិការក្រុងកំពត បន្តិចសោះ! តើលោកអធិការ បានដឹងហើយឬនៅ រឺក៏លោកបានដឹងហើយ មិនហ៊ានបង្ក្រាប ព្រោះខ្លាចអំណាចម្ចាស់ទីតាំង ធំជាងលោក?។ ប្រជាពលរដ្ឋជាច្រើនសំណូមពរ ទៅដល់ ឯកឧត្តម ម៉ៅ ធនិន អភិបាលខេត្តកំពត និងលោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការខេត្តកំពត សូមចាត់មន្ត្រីជំនាញក្រោមឱវាទខេត្ត ចុះពិនិត្យស្រាវជ្រាវបង្ការទប់ស្កាត់ និងបង្ក្រាបផងទាន! ព្រោះម្ចាស់ទីតាំងជល់មាន់ខាងលើ មានខ្នងបង្អែកធំជាង លោក ហោ វណ្ណា អធិការក្រុងកំពត ទៅទៀត! នេះបើយោងតាមប្រភពនៃព័ត៌មាន។ បើយោងប្រភពត្អូញត្អែរពីប្រជាពលរដ្ឋបាននាំគ្នាលើកឡើងថា៖ ទីណាអោយតែមានល្បែងស៉ីសង នៅក្នុងភូមិឃុំស្រុកនោះ គឺតែងតែមានការ ឆបោក លួច ឆក់ ប្លន់ ទ្រព្យសម្បត្តិអ្នកដទៃ និងកើតមានអំពើហឹង្សាក្នុងគ្រួសារជាក់ជាមិនខាន បង្កអោយសង្គមគ្រួសារមួយគ្មានភាពកក់ក្តៅ ជៀសឥទ្ធិពល ដល់ប្រពន្ធកូន មិនតែប៉ុណ្ណោះ អាចនិងបែកបាក់គ្រួសារ ក៏ដោយសារតែ បំភ្លេចល្បែងទាំងនេះមិនបាន។ ជុំវិញករណីខាងលើ សារព័ត៌មានយើងខ្ញុំ ធ្វើការចុះផ្សាយទៅនេះ ក្នុងនាមជាព្រាប នាំសារ ជូនដល់ថ្នាក់ដឹកនាំគ្រប់ជាន់ថ្នាក់បានជ្រាប និងមានចំណាត់ការ បង្ការ ទប់ស្កាត់ និងបង្រ្កាប ទាន់ពេលវេលាតែប៉ុណ្ណោះ! មិនបាន បង្អាប់បង្អោន ឬជាន់ពន្លិច បុគ្គលណាម្នាក់ អោយរើសអើងឡើយ ហើយបើសាម៉ីខ្លួន ដែលជាប់ពាក់ព័ន្ធ គិតថាការចុះផ្សាយព័ត៌មានមួយនេះ មិនមានភាព សុក្រឹត និងមិនយុត្តិធម៌ សម្រាប់ខ្លួនទេនោះ សារព័ត៌មានយើងខ្ញុំ រងចាំស្រាយបំភ្លឺឡើងវិញ រៀងរាល់ម៉ោងធ្វើការ ការិយាល័យនិពន្ធ តាមរយៈលេខទូរស័ព្ទចំនួនពីរខ្សែ៖ ☎️:Tell.092190098 ☎️:Tell.0886606773,,,សូមអរគុណ៕
ព័ត៌មានគួរចាប់អារម្មណ៍
ជាង៥០០០គ្រួសារ ក្នុងករណីរឿងរ៉ាវវិវាទដីធ្លីត្រូវបានឯកឧត្តមបណ្ឌិត ប៉ាន់ខែម ប៊ុនថន រកដំណោះស្រាយជូនបងប្អូនប្រជាពលរដ្ឋ្ក្ក្កតាមបែបឈ្នះឈ្នះ ហើយបច្ចុប្បន្នសិល្បៈនៃការដោះស្រាយបែបនេះនៅតែជាតម្រូវការចាំបាច់សម្រាប់ប្រជាពលរដ្ឋ.!!! (គេហទំព័រ ប៉ោយប៉ែត ប៉ុស្តិ៍)
កិច្ចប្រជុំការងារក្រុងប៉ោយប៉ែត នៃក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ ក្រោមអធិបតីភាពឯកឧត្តម ឌិត ទីណា ប្រធានក្រុមការងារ រាជរដ្ឋាភិបាលចុះមូលដ្ឋាន ខេត្តបន្ទាយមានជ័យ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា ៖ ប្រតិបត្តិការប្រឆាំងឧក្រិដ្ឋកម្មតាមប្រព័ន្ធអ៊ីនធឺណេតរបស់កម្ពុជា មានតម្លៃជាសាកល (គេហទំព័រ ប៉ោយប៉ែត ប៉ុស្តិ៍)
លោកវរៈសេនីយ៍ ឈឿន ប៊ុនថា អធិការរងនគរបាលផ្នែកចរាចរណ៍ក្រុងប៉ោយប៉ែត បានដឹកនាំកម្លាំងចុះអន្តរាគមន៍ និងសម្រួលចរាចរណ៍ បន្ទាប់ពីមានករណីគ្រោះថ្នាក់ចរាចរណ៍បុកបន្តកន្ទុយគ្នានៅម្តុំដើមពោធិ៍លោកយាយម៉ៅ លើផ្លូវជាតិលេខ៥.!!! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា អញ្ជើញដឹកនាំកិច្ចប្រជុំពិនិត្យនិងពិភាក្សាលើសេចក្ដីព្រាងអនុក្រឹត្យស្ដីពីបង្កើតក្រុមប្រឹក្សាកីឡាក្រសួងមហាផ្ទៃ! (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា