ខេត្តព្រះវិហារ៖ ជាក់ស្តែងរថយន្តសាំយ៉ុង ដឹកឈើរបស់មេឈ្មួញជើងខ្លាំងប្រចាំ ស្រុកជយ័សែន នឹងស្រុករវៀង ខេត្តព្រះវិហារ ដែលគេស្គាល់ថា ឈ្មោះ (ខ្លា) ជាឈ្មួញដឹកឈើយ៉ាងសកម្ម បានបើករថយន្តបុកនឹងកៀររថយន្តម៉ាក កូរ៉ូឡា របស់អ្នកសារព័ត៌មាន ប៉ើងធ្លាក់ប្រឡាយ តែសំណាងល្អមិនបង្ករអោយមានអ្នកណាម្នាក់រងរបួសឡើយ រីឯរថយន្តរងការខូចខាច ដែលហេតុការណ៍នេះ បានកើតឡើងកាលពីវេលាម៉ោង១០នឹង១៥ នាទីយប់ ថ្ងៃទី២៧ ខែមេសា ឆ្នាំ២០២២ នៅចំនុច ភូមិរំចេក ឃុំរមណី ស្រុករវៀង ខេត្តព្រះវិហារ។ បើយោងតាមការបញ្ជាក់របស់ លោក សុី វុទ្ឋា ជាអ្នកសាព័ត៌មាន មរកត បានអោយដឹងថា នៅវេលាម៉ោង ១០នឹង១៥នាទីយប់ ថ្ងៃទី២៧ ខែមេសា ឆ្នាំ២០២២ នៅតាមដងផ្លូវជាតិលេខ ៦២ ពីភ្នំដែក ទៅខេត្តកំពង់ធំ មានរថយន្តដឹកឈើ ម៉ាកសាំយ៉ុង ដឹកឈើពេញ ពាក់ស្លាកលេខ (ភ្នំពេញ2k-2467) បើកបរដោយមេឈ្មួញឈ្មោះ(ខ្លា) មកដល់ចំនុចខាងលើ លោក សុី វុទ្ឋា បានបើករថយន្តរបស់ខ្លួនម៉ាកកូរ៉ូឡា តាមពីក្រោយដើម្បីផ្តិតយករូបភាព នឹងចង់ដឹងថា រថយន្តដឹកឈើនោះជារបស់មេឈ្មួញរូបណា ហេតុអ្វី?ទើបជំនាញមិនបង្ក្រាប។ ខណៈលោក ពឹង ទ្រីដា ប្រធានមន្ទីរកសិកម្មរុក្ខាប្រមាញ់និងនេសាទខេត្តព្រះវិហារ.លោក នួន សុខុម នាយខណ្ឌរដ្ឋបាលព្រៃឈើខេត្តព្រះវិហារ.លោក ស៊ុំ ស៊ីវធ្ថា ហៅ(តាវែនតា) ដែលជានាយផ្នែករដ្ឋបាលព្រៃឈើ ស្រុករវៀង ដាក់កុងត្រូលនៅមុខសហការទាំងយប់ទាំងថ្ងៃ ២៤ ម៉ោង លើ ២៤ម៉ោង។ នៅក្នុងហេតុការណ៍នេះដែរលោក សុី វុទ្ឋា បន្តអោយដឹងថា លោកក៏បានបន្ថែមល្បឿនរថយន្ត មកទន្ទឹមនឹងរថយន្តដឹកឈើរបស់មេឈ្មួញឈ្មោះ (ខ្លា) ក៏បានកៀររថយន្តអ្នកសារព័ត៌មាន បណ្តាលអោយខូចខាតផ្នែកខាងស្តាំយ៉ាងដំណំ ចំណែករថយន្ដដឹកឈើ បានរេចង្កូតធ្លាក់ប្រឡាយទៅមុខលែងរួច។ បើតាមប្រភពមួយទៀតបានបញ្ជាក់ថា មេឈ្មួញឈ្មោះ(ខ្លា)ដឹកឈើចេញពី ស្រុកជយ័សែន នឹង ស្រុករវៀង យកទៅលក់នៅឯខេត្តកំពង់ធំ បានដោយសេរី ដោយមិនមានសមត្ថកិច្ចណា ហ៊ានបង្ក្រាបឡើយ ព្រោះមានលោកផ្កាយ១ម្នាក់ ចាំកាងពីក្រោយបទល្មើសក្នុងការដឹកជញ្ជូនផលអនុផលព្រៃឈើដោយខុសច្បាប់ ហើយមហាជនមានការហួសចិត្តនិងលោកផ្កាយ១ម្នាក់នោះដែរ! ដែលខ្លួនជាសមត្ថកិច្ច មិនចូលរួមបង្ក្រាបបទល្មើសធនធានធម្មជាតិ បែកជាទៅកាងនៅពីក្រោយ អោយក្រុមមេឈ្មួញទៅវិញ។ មហាជនគ្រប់មជ្ឈដ្ឋាន សូមសំណូមពរទៅដល់ ឯកឧត្តម ប្រាក់ សុវណ្ណ អភិបាលនៃគណ:អភិបាលខេត្តព្រះវិហារ និងជាគណៈបញ្ជាការឯកភាពខេត្ត ទទួលបន្ទុកបង្រ្កាបធនធានធម្មជាតិ សូមឯកឧត្តម មេត្តាជួយអន្តរាគមន៍ចំពោះករណីនេះផងទាន ។ ចំណែកករណីខាងលើ ក្រោយពេលកើតហេតុ បច្ចុប្បន្ន សមត្ថកិច្ចរដ្ឋបាលព្រៃឈើរវៀង នគរបាលប៉ុស្តិ៍ នឹងកម្លាំងអាវុធហត្ថស្រុករវៀង បានចុះធ្វើអន្តរាគមន៍ អូសរថយន្តទាំង២ យកទៅរក្សាទុកនៅប៉ុស្តិ៍នគរបាល ឃុំរមណី ដើម្បីចាត់ការបន្តទៅតាមនិតិវិធី៕