ថ្ងៃសៅរ៍ ទី២៨ ខែឧសភា ឆ្នាំ២០៥០
លោកអគ្គនាយក ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែតប៉ុស្តិ៍ ( www.poipetpostnews.com ) whatsapp 092190098 / 0886606773 / Facebook ប៉ោយប៉ែតប៉ុស្តិ៍ / Page គេហទំព័រ ប៉ោយប៉ែតប៉ុស្តិ៍ / YouTube គេហទំព័រ ប៉ោយប៉ែតប៉ុស្តិ៍ / 📢 សេចក្តីជូនដំណឹងៈ គេហទំព័រ ប៉ោយប៉ែតប៉ុស្តិ៍ ត្រូវការជ្រើសរើសភ្នាក់ងារបន្ថែម ២៥ រាជធានី.ខេត្ត.ក្រុង.បើបងប្អូនមានចំណាប់អារម្មណ៍ សូមធ្វើការទំនាក់ទំនងមកការិយាល័យនិពន្ធ តាមរយៈលេខទូរស័ព្ទចំនួនពីរខ្សែTell.092 190 098 - 088 66 06 773 ) ដែលមានទីតាំងស្នាក់ការ ភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ សូមអរគុណ៕
ឯកឧត្តម វេង សាខុន ប្រធានក្រុមការងារ បានអញ្ជើញជាអធិបតី ក្នុងពិធីសំណេះសំណាល ជាមួយសមាជិកបក្ស ចំនួន១០០០នាក់ អញ្ជើញមកពីឃុំអំពិល ស្រុកកំពង់សៀម
Sat,30 April 2022 (Time 10:39 AM)
ដោយ ៖ គេហទំព័រ ប៉ោយប៉ែត ប៉ុស្តិ៍ (ចំនួនអ្នកអាន: 100នាក់)


ខេត្តត្បូងឃ្មុំ៖ នៅព្រឹកថ្ងៃសៅរ៍ ១៤រោច ខែចេត្រ ឆ្នាំខាល ចត្វាស័ក ព.ស. ២៥៦៥ ត្រូវនឹងថ្ងៃទី៣០ ខែមេសា ឆ្នាំ២០២២ ឯកឧត្តម វេង សាខុន ប្រធានក្រុមការងាររាជរដ្ឋាភិបាលចុះមូលដ្ឋានស្រុកតំបែរ ខេត្តត្បូងឃ្មុំ ស្រុកកំពង់សៀម និងស្រុកជើងព្រៃ ខេត្តកំពង់ចាម បានអញ្ជើញជាអធិបតីក្នុងពិធីសំណេះសំណាលជាមួយសមាជិកបក្សចំនួន ១ ០០០នាក់ អញ្ជើញមកពីឃុំអំពិល ស្រុកកំពង់ សៀម។ ក្នុងពិធីនេះក៏មានវត្តមានអញ្ជើញចូលរួមពីសំណាក់ឯកឧត្តមអនុប្រធានក្រុមការងារចុះស្រុកកំពង់សៀម ឯកឧត្តមប្រធាន អនុប្រធាន និងសមាជិកក្រុមការងារចុះជួយឃុំ លោអភិបាលរងស្រុក មេឃុំ សមាជិកក្រុមប្រឹក្សាស្រុក ឃុំ ភូមិ និងបងប្អូនជាប្រជាពលរដ្ឋ។ ជាបឋម លោក រ័ត្ន គឹមហៃ ប្រធានគណកម្មការគណបក្សឃុំ និងជាមេឃុំអំពិលបានរាយការណ៍ជូនអង្គពិធីជ្រាបដោយសង្ខេបអំពីសមិទ្ធផលសំខាន់ៗដែលឃុំសម្រេចបានរួមមានការងារអភិវឌ្ឍ មូលដ្ឋាន ការអនុវត្តគោលនយោបាយភូមិឃុំមានសុវត្ថិភាព សកម្មភាពចូលអនុវត្តវិធានការការ ពារ និងទប់ស្កាត់ការឆ្លងរាតត្បាតជំងឺកូវីដ-១៩ ការងារបង្កបង្កើនផល សកម្មភាពចូលរួមអបអរ បុណ្យចូលឆ្នាំប្រពៃណីជាតិខ្មែរកន្លងមក។ល។ ដោយឡែក ការងារត្រៀមលក្ខណ:សម្បត្តិគ្រប់ បែបយ៉ាងដើម្បីបើកយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ សង្កាត់នាពេលខាងមុខ ក៏ឃុំអំពិលទាំងមូលបានត្រៀមរួចរាល់ ហើយសង្ឃឹមថាឃុំអំពិលនឹងទទួលបានជោគជ័យ។ មានមតិសំណេះសំណាលជាមួយបងប្អូនសមាជិកបក្ស ឯកឧត្តមប្រធានក្រុមការងារបានពាំនាំនូវការផ្តាំផ្ញើសាកសួរសុខទុក្ខ និងសេចក្តីនឹករលឹកពីសម្តេចតេជោ ហ៊ុន សែន នាយករដ្ឋមន្រ្តី សម្តេចកិត្តិព្រឹទ្ធបណ្ឌិត មកជូនបងប្អូនដែលមានវត្តមាននាពេលនេះ ហើយសម្តេចបានជូនពរឲ្យជួបតែពុទ្ធិពរទាំង ៤ប្រការ។ មិនតែប៉ុណ្ណោះ សម្តេចតេជោបានថ្លែងអំណរគុណជូនចំពោះសមាជិកបក្សទាំងអស់ ដែលបានខិតខំបំពេញការងារទាំងការងារស្នូលដែលរាជរដ្ឋាភិបាលប្រគល់ជូន និងការ ងារគណ:បក្ស ដែលបានបង្កបរិយាកាសអំណោយផលដល់គ្រប់សកម្មភាពរបស់គណ:បក្សទាំង អស់ដែលនឹងត្រៀមខ្លួមចូលរួមធ្វើការប្រកួតប្រជែងតាមបែបប្រជាធិបតេយ្យក្នុងការបោះឆ្នោតជ្រើសរើសក្រុមប្រឹក្សាឃុំ-សង្កាត់ នាពេលខាងមុខបានយ៉ាងល្អប្រសើរ។ ភ្ជាប់នឹងសមិទ្ធផលដែល ឃុំអំពិលសម្រេចបានទាំងវិស័យពុទ្ធចក្រ និងអាណាចក្រ និងជាពិសេសការត្រៀមលក្ខណ: សម្បត្តិដើម្បីចូលរួមប្រកួតប្រជែងធ្វើការបោះឆ្នោតឲ្យទទួលបានប្រៀបឈ្នះ និងសម្រេចបានជោគជ័យតាមការរំពឹងទុក ឯកឧត្តមប្រធានក្រុមការងារបានវាយតម្លៃខ្ពស់ចំពោះឆន្ទ:ពុះពារ និងលះបង់គ្រប់បែបយ៉ាងក្នុងស្មារតីទទួលខុសត្រូវរបស់ឯកឧត្តមប្រធាន អនុប្រធាន សមាជិក ក្រុមការងារចុះជួយឃុំអំពិល និងអាជ្ញាធរមូលដ្ឋានគ្រប់លំដាប់ថ្នាក់។ កាយវិការដែលប្រកបដោយស្មារតីទទួលខុសត្រូវ ពិតជាបានបង្ហាញពីការគិតគូយកចិត្តទុកដាក់ពីបញ្ហា ជីវភាព សេចក្តីត្រូវ ការ រួមសុខ រួមទុក្ខ របស់បងប្អូនប្រជាពលរដ្ឋនៅមូលដ្ឋាន និងជាពិសេស យកចិត្តទុកដាក់អនុវត្តប្រសាសន៍ណែនាំដ៏ខ្ពង់ខ្ពស់របស់សម្តេចតេជោ ហ៊ុន សែន ដែលបានលើកឡើងថា មន្រ្តីត្រូវចុះមូលដ្ឋានអោយបានជាប់ជាប្រចាំ ដើម្បីប្រមូលយកនូវរាល់បញ្ហា និងសេចក្តីត្រូវការចាំបាច់របស់បងប្អូន រួចធ្វើការដោះស្រាយជូនអោយបានទាន់ពេលវេលា ទូលំទូលាយ និងមានប្រសិទ្ធភាព។ ឆ្លៀតក្នុងឱកាស នៃការជួបជុំនេះដែរ ឯកឧត្តមប្រធានក្រុមការងារ ក៏បានជម្រាបជូនអង្គពិធីផងដែរ អំពីបញ្ហានយោបាយជាតិ និងអន្តរជាតិ បច្ចុប្បន្នភាពនៃវិបត្តិជំងឺឆ្លងកូវីដ-១៩ សកម្មភាពស្តារសេដ្ឋកិច្ចជាតិឡើងវិញស្របតាមគន្លងប្រក្រតីភាពថ្មី និងជាពិសេសគុណសម្បត្តិដ៏ធំធេងរបស់រាជរដ្ឋាភិបាលដែលបានកសាង និងអភិវឌ្ឍប្រទេសជាតិ អោយមាន សុខសន្តិភាព និងការរីកចម្រើន ដែលយើងមាននាពេលបច្ចុប្បន្ន។ យើង មានសន្តិភាព សន្តិភាពបានគ្របបណ្តប់ពេញផ្ទៃប្រទេស សន្តិភាពបានបង្កលក្ខណ:ងាយស្រួលជូនបងប្អូនក្នុងការកសាងជីវភាព អភិវឌ្ឍមូលដ្ឋាន សេដ្ឋកិច្ច រស់នៅជួបជុំគ្រួសារ ទទួលបានសិទ្ធិ សេរីភាពពេញលេញ។ល។ ដូច្នេះ ក្នុងនាមប្រជា ពលរដ្ឋកម្ពុជា សូមថ្លែងអំណរគុណយ៉ាងជ្រាលជ្រៅបំផុតជូនចំពោះសម្តេចតេជោ ដែលបានខិតខំតស៊ូលះបង់គ្រប់បែបយ៉ាងក្នុងការកសាង និងការពារសន្តិភាព ដែលមិនអាចកាត់ថ្លៃបាននេះ។ ជាការតបស្នងនូវគុណូបការដ៏ថ្លៃថ្លានេះ ឯកឧត្តមប្រធានក្រុមការងារបានស្នើសុំអោយសមាជិកក្រុមការងារ បងប្អូន និងអាជ្ញាធរមូលដ្ឋាន ត្រូវលើកកម្ពស់ស្មារតីទទួលខុសត្រូវទាំងការងារអភិវឌ្ឍសង្គម និងដឹងសុខទុក្ខប្រជាជន ដើម្បីរក្សាបានភាពឈ្នះឈ្នះទាំងអស់គ្នា ជាពិសេស សូមបងប្អូនទៅបោះឆ្នោតទាំងអស់គ្នា នៅថ្ងៃទី៥ ខែមិថុនាខាងមុខ គឺទៅបោះឆ្នោតជូនគណបក្សប្រជាជន ដើម្បីបន្តទទួលបានការអភិវឌ្ឍ និងសុខសន្តិភាព សម្រាប់កូនចៅយើង និង ប្រទេសជាតិយើង៕ ដោយ: លោក សេង រ័ត្ន និពន្ធនាយករង

ព័ត៌មានគួរចាប់អារម្មណ៍

តើលោក ចាន់ ណា ល្បីឈ្មោះជិតមួយទស្សវត្ស ខាងរកស៊ីដឹកឈើខុសច្បាប់ឆ្លងខេត្តមួយទៅខេត្តមួយ អាចរួចពីសំណាញ់ច្បាប់ដែលឬយ៉ាងណា.!!! (គេហទំព័រ ប៉ោយប៉ែត ប៉ុស្តិ៍)

ព័ត៌មានគួរចាប់អារម្មណ៍

ម៉ូតូបុកនិងម៉ូតូ បើកបរខ្វះការប្រុងប្រយ័ត្ន បណ្តាលអោយស្លាប់ម្នាក់ រងរបួសធ្ងន់២នាក់.!!! (គេហទំព័រ ប៉ោយប៉ែត ប៉ុស្តិ៍)

ព័ត៌មានគួរចាប់អារម្មណ៍

គ្រោះថ្នាក់ចរាចរណ៍ រវាង ម៉ូតូ និង ម៉ូតូ បណ្តាលអោយបុរសម្នាក់ស្លាប់ និងភាគីម្ខាង ទៀតរបួសធ្ងន់ម្នាក់ ស្ថិតនៅភូមិអូរនាង.!!! (គេហទំព័រ ប៉ោយប៉ែត ប៉ុស្តិ៍)

ព័ត៌មានគួរចាប់អារម្មណ៍

ទិវាជាតិនៃការចងចាំ ២០ឧសភា ក្លាយជាថ្ងៃរំលឹកវិញ្ញាណក្ខន្ធជនរងគ្រោះដែលបានស្លាប់នៅរបបប្រល័យពូជសាសន៍ ប៉ុល ពត.!!! (គេហទំព័រ ប៉ោយប៉ែត ប៉ុស្តិ៍)

ព័ត៌មានគួរចាប់អារម្មណ៍

លោកឧត្តមសេនីយ៍ទោ សិទ្ធិ ឡោះ បើកកិច្ចប្រជុំផ្សព្វផ្សាយផែនការ ការពារសន្តិសុខដល់កងកម្លាំង អំឡុងពេលគណបក្សនយោបាយបើកយុទ្ធនាការឃោសនារកសម្លេងឆ្នោត.!!! (គេហទំព័រ ប៉ោយប៉ែត ប៉ុស្តិ៍)

វីដែអូ

ចំនួនអ្នកទស្សនា

ថ្ងៃនេះ :
1762 នាក់
ម្សិលមិញ :
656 នាក់
សប្តាហ៍នេះ :
4824 នាក់
ខែនេះ :
18833 នាក់
3 ខែនេះ :
71890 នាក់
សរុប :
989037 នាក់