លោក ស៊ត់ ពេក ប្រធានសហគមន៍សាមគ្គីសង្រ្គោះព្រៃឈើ បានបំភ្លឺថា មិនបានលក់ដីអោយក្រុមឈ្មួញម្នាក់ណាឡើយ តែក្រុមខិលខូចនៅតែបន្តលួចកាប់ទន្ទ្រានយកដីរាប់រាយហិកតាបានជាបន្តបន្ទាប់ ខ្ញុំទុបស្កាត់មិនជាប់ទេ.!!!
ខេត្តឧត្ដរមានជ័យ៖ បើយោងបទសម្ភាសន៍ ពីក្រុមដែលចូលទៅកាប់ទន្ទ្រានដីព្រៃសហគមន៍សាមគ្គីសង្រ្គោះព្រៃឈើ បានឆ្លើយថា៖ លោក ស៊ត់ ពេក ប្រធានសហគមន៍សាមគ្គីសង្គ្រោះព្រៃឈើ ភូមិរំចេកនិងភូមិអូរតាម៉េង ឃុំអន្លង់វែង ស្រុកអន្លង់វែង រួមនិងលោក អ៊ាង.លោក ផៃ ជាអ្នកលក់ដីព្រៃសហគមន៍ អស់រាប់រយហិកតា ក្នុងមួយហិកតា(១៥០០ ដុល្លារ) ឈ្មោះអ្នកទិញរួមមាន៖
ទី១/ឈ្មោះ លីណា ជាអ្នកប្រមូលទិញដីព្រៃសហគមន៍សាមគ្គីសង្រ្គោះព្រៃឈើ១០០ហិចតា។ទី២/ឈ្មោះ ទ្រុក ជាអ្នកប្រមូលទិញដីព្រៃសហគមន៍សាមគ្គីសង្រ្គោះព្រៃឈើជាង១០០ហិកតា។ទី៣/ឈ្មោះ នី ជាអ្នកប្រមូលទិញដីព្រៃសហគមន៍សាមគ្គីសង្រ្គោះព្រៃឈើ៨០ ហិកតា នេះបើយោងតាមសម្ដីបញ្ជាក់ពីពលរដ្ឋទាំងនោះ និងមានបគ្គលជាច្រើនអ្នកទៀត ដែលជាប់ពន្ធ័ក្នុងការលក់ដីសហគមន៍សាមគ្គីសង្រ្គោះព្រៃឈើ។
មហាជនក៏ដូចជាពលរដ្ឋរងចាំមើលថា បុគ្គលដែលពាក់ព័ន្ធក្នុងការកាប់បំផ្លាញ ទន្រ្ទានយកដីព្រៃ សហគមន៍សាមគ្គីសង្គ្រោះព្រៃឈើ ដែលមានផ្ទៃដីសរុប ចំនួន ៤១៥១ ហិកតា នៅចំណុចខាងលើ និងត្រូវមានទោស ឫត្រូវគេចផុតពីសំណាញ់ច្បាប់។ ហើយបើយោងតាមច្បាប់ស្ដីការការពារព្រៃឈើ មាត្រា៩៧ ការកាប់ទន្រ្ទានព្រៃឈូសឆាយដីព្រៃហ៊ុំព័ទ្ធកាន់កាប់ដីព្រៃនោះ ជនល្មើសនិងត្រូវទទួលទោសជាប់ពន្ធធានាពី៥ឆ្នាំទៅ១០ឆ្នាំ។
នៅព្រឹកថ្ងៃទី០៣ ខែមេសា ឆ្នាំ២០២២ លោក ស៊ត់ ពេក ប្រធានសហគមន៍សាមគ្គីសង្គ្រោះព្រៃឈើ ភូមិរំចេកនិងភូមិអូរតាម៉េង ឃុំអន្លង់វែង បានបំភ្លឺតាមទូរស័ព្ទថា៖ លោកមិនបានឃុបឃិតគ្នាលក់ដីព្រៃនោះ អោយក្រុមឈ្មួញ ជាច្រើនអ្នក ដូចការចោទប្រកាន់ឡើយ។ តែក្រុមខិលខូចនៅតែបន្តលួចកាប់ទន្ទ្រានយកដីនោះជាបន្តបន្ទាប់ ខ្ញុំខំទុបស្កាត់ និងបានរាយការណ៍ជូនទៅដល់លោកអភិបាលខេត្តឧត្តរមានជ័យ.លោកអភិបាលស្រុកអន្លង់វែង និង ខាងមេព្រៃ.មេបរិស្ថាន និងជំនាញរុក្ខាប្រមាញ់និងនេសាទ ឃើញមានការចុះប្រតិបត្តិការ ចាប់ខ្លួនអ្នកដែលចូលទៅកាប់ព្រៃសហគមន៍សាមគ្គីសង្គ្រោះព្រៃឈើ បានជាច្រើនដងដែរ។ តែក្រុមពលរដ្ឋទាំងនោះ មិនរាងចាលសោះមកទុលនិងបច្ចុប្បន្ននេះ នៅតែនាំគ្នាលួចចូលទៅកាប់ព្រៃឈើទន្ទ្រានយកដីនោះ អស់រាប់រយហិកតាដ៏ដែល។
ពលរដ្ឋទទូចស្នើសុំដល់ដល់ឯកឧត្ដម វេង សុខុន រដ្ឋមន្រ្តីក្រសួងកសិកម្មរុក្ខាប្រម៉ាញ់និងនេសាទ សូមមេត្តាដាក់ការស្រាវជ្រាវនិងស៊ើបអង្គេតអោយបានស៊ីជម្រៅ ទៅលើក្រុមជនល្មើស និង សាមុីខ្លួនពាក់ព័ន្ធ ដែលបានប្រព្រឹត្តផ្ទុយពីច្បាប់ចូលកាប់ទន្រ្ទានដីព្រៃឈើនិងលក់ដីព្រៃសហគមន៍សាមគ្គីសង្រ្គោះព្រៃឈើ អស់រាប់រយហិកតា ទៅអោយក្រុមឈ្មួញ ហើយខ្លួនដើររំភើយមិនញញើតច្បាប់។
ម្យ៉ាងវិញទៀត មន្រ្តីថ្នាក់ក្រោមរបស់ ឯកឧត្ដមក្នុងខេត្តឧត្ដរមានជ័យ ដេកលង់លក់អស់ទៅហើយ មិនមានកម្លាំងមន្ទីរជំនាញ់ពាក់ពន្ធ័រដ្ឋបាលព្រៃឈើ ចុះធ្វើការបង្ការទប់ស្កាត់និងបង្រ្កាបឡើយទាន.!។
ជាពិសេសសូមសំណូមពរទៅដល់ ឯកឧត្ដមទេសរដ្ឋមន្រ្តី ឱម យុិនទៀង ប្រធានអង្គភាពប្រឆាំងអំពើរពុករលួយ(ACU) មេត្តាដាក់ការ ស៊ើបអង្គេតទៅលើបុគ្គល៦រូប ក្នុងខេត្តឧត្ដរមានជ័យផងទាន.!៕
ដោយ៖ លោក សួន ចំណាប់
គេហទំព័រ ប៉ោយប៉ែត ប៉ុស្តិ៍
