លោកវរសេនីយ៍ឯក សៅ សារឿន ដឹកនាំកិច្ចប្រជុំផ្សព្វផ្សាយផែនការ ការពារថ្ងៃ បុណ្យចូលឆ្នាំខ្មែរ ប្រពៃណីជាតិ ខាងមុខនេះ
ក្រុងប៉ោយប៉ែត៖ លោកវរសេនីយ៍ឯក សៅ សារឿន អធិការដ្ឋាននគរបាលក្រុងប៉ោយប៉ែតបើកកិច្ចប្រជុំផ្សព្វផ្សាយផែនការ ការពារសណ្តាប់ធ្នាប់ ក្នុងថ្ងៃចូលឆ្នាំខ្មែរ ប្រពៃណីជាតិខាងមុខនេះ ដោយសមាសភាពចូលរួមមាន៖ លោកអធិការរង លោក-លោកស្រីនាយ.នាយរងផ្នែក លោកនាយ.នាយរងប៉ុស្តិ៍រដ្ឋបាល នៅព្រឹកថ្ងៃពុធ ៥កើត ខែចេត្រ ឆ្នាំឆ្លូវត្រីស័កព.ស២៥៦៥ ត្រូវនឹងថ្ងៃទី០៦ ខែ មេសា ឆ្នាំ២០២២ វេលាម៉ោង០៨នឹង០០នាទី។
លោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែត បានផ្ដាំផ្ញើដល់កងកម្លាំងទាំងអស់គ្រប់ផ្នែកជំនាញ ត្រូវអនុវត្ត តាមបទបញ្ជា របស់ថ្នាក់លើដាក់អោយត្រូវការពារសន្តិសុខ សណ្ដាប់ធ្នាប់ សុវត្ថិភាព ជូនប្រជាពលរដ្ឋ និងទប់ស្កាត់រាល់បទល្មើសគ្រប់ប្រភេទ នៅក្នុងឱកាសបុណ្យចូលឆ្នាំខ្មែរប្រពៃណីជាតិ នៅក្នុងមូលដ្ឋានក្រុងប៉ោយប៉ែត នៃខេត្តបន្ទាយមានជ័យ៕
