គួរអោយអាណិតណាស់ ក្មេងប្រុសអាយុ១ឆ្នាំ ញាំពោតស្ងោរ ស្លាក់គ្រាប់ពោតស្លាប់.!!!
ខេត្តបន្ទាយមានជ័យ៖ ថ្ងៃអង្គារ ២រោច ខែ ពិសាខ ឆ្នាំខាលចត្វាស័ក ព.ស ២៥៦៦ ត្រូវនឹងថ្ងៃទី១៧ ខែឧសភា ឆ្នាំ២០២២ កាលពីវេលាម៉ោង១៥និង៣០នាទីមានករណីក្មេងប្រុសម្នាក់ ឈ្មោះ រ៉ាន់ សុវណ្ណរតនា អាយុ១ឆ្នាំ បានញាំពោត ដែលយាយទិញអោយ តែអកុសល ស្លាក់គ្រាប់ពោតចូលក្នុងបំពង់ខ្យល់ បណ្តាលអោយក្មេងស្លេកស្លាំង ហើយ លោកយាយ បានដឹកក្មេងនោះយកទៅសង្រ្គោះនៅមណ្ឌលសុខភាព ឃុំភ្នំលៀប តែក្មេងខាងលើ ក៏បានដាច់ខ្យល់ស្លាប់នៅនឹងពេទ្យតែម្តងទៅ។
សមត្ថកិច្ចបានអោយដឹងថា៖ ក្មេងរងគ្រោះខាងលើ រស់នៅភូមិអន្លង់សារ ឃុំភ្នំលៀប ស្រុកព្រះនេត្រព្រះ ខេត្តបន្ទាយមានជ័យ។ ឪពុកឈ្មោះ ឈុន រ៉ា អាយុ៣១ឆ្នាំ នឹងម្តាយឈ្មោះ ម៉ង់ សុភី (ធ្វើការនៅរាជធានីភ្នំពេញ) ហើយបានទុកកូនផ្ញើអោយនៅជាមួយជីដូនឈ្មោះ ចាត លឺ អាយុ៥៤ឆ្នាំ រស់នៅភូមិឃុំខាងលើ។
បច្ចុប្បន្ន៖ សពក្មេងប្រុសនោះ សាច់ញាតិកំពុងងធ្វើបុណ្យតាមប្រពៃណីនៅគេហដ្ឋាន៕
