ល្បែងពេញនិយម លេងភ្នាល់ ជល់មាន់ តាមទូរទស្សន៍អនឡាញ នៅក្រុងសៀមរាប ហេតុអ្វី? លោក ដា ចំរើន អធិការមិនបង្រាប.!!!
ខេត្តសៀមរាប៖ មានសេចក្តីរាយការណ៍មកថា បច្ចុប្បន្ននេះ នៅក្នុងខេត្តសៀមរាប មានទីតាំង ជល់មាន់ តាមប្រព័ន្ធទូរទស្សន៍អនឡាញ មួយកន្លែង កំពុងបើកដំណើរការស្វារគមន៍អោយពលរដ្ឋខ្មែរ ដែលញៀនល្បែងមួយចំនួនតូច ចូលទៅចាក់ភ្នាល់ដាក់ប្រាក់ បានយ៉ាងរលូន ជារៀងរាល់ថ្ងៃ ក៏ប៉ុន្តែ.! មិនទាន់ឃើញ លោកដា ចំរើន អធិការក្រុងសៀមរាប មានចំណាត់ការ បង្ការ ទប់ស្កាត់ ឬបង្ក្រាបនៅឡើយទេ សង្ស័យតែលោកអធិការ បានទទួលលុយ ក្រោមតុ លើតុ ពីម្ចាស់ទីតាំងនោះហើយរឺ.?។
ប្រភពពីពលរដ្ឋបានអោយដឹងថា ទីតាំងល្បែង មួយនេះ ស្ថិតនៅចំណុចខាងជើង (វត្តគោប៉ាទ្រី) ភូមិទក្សិណខាងត្បូង សង្កាត់គោកចក ក្រុងសៀមរាប ដែលមានម្ចាស់ តារាង បាល់ទះឈ្មោះ ផា ផល្លី ។
ប្រជាពលរដ្ឋក្នុងមូលដ្ឋាន សូមស្នើសុំ អោយសារព័ត៌មាន ជាច្រើនអង្គភាព ធ្វើការចុះផ្សាយ ទីតាំងខាងលើនេះ ដើម្បីជូនព័ត៌មានមួយនេះបានដល់ លោកឧត្តមសេនីយ៍ត្រី តេង ច័ន្ទណាត ស្នងការខេត្តសៀមរាប និង ឯកឧត្តម ទៀ សីហា អភិបាលខេត្ត សូមចាត់កម្លាំង ក្រោមឱវាទ ចុះបង្រ្កាប ល្បែងជល់ មាន់ តាមអនឡាញ មួយនេះ ផង ដើម្បីរក្សាសុខសុវត្ថិភាព សន្តិសុខ សណ្តាប់ធ្នាប់ សាធារណៈ ជូនប្រជាពលរដ្ឋ និង សង្គម ជាតិ អោយស្របតាម គោលនយោបាយ ទាំង ៩ចំណុច ដើម្បី ភូមិ ឃុំ មានសុវត្ថិភាព ដែលក្រសួងមហាផ្ទៃ ដាក់ជូនដល់មន្ត្រីក្រោមឱវាទ ត្រូវយកចិត្តទុកដាក់ អនុវត្តន៍ ប្រកបដោយប្រសិទ្ធភាព។
ប្រជាពលរដ្ឋនាំគ្នា រអ៊ូ រទាំ និង ភ័យខ្លាចថា
អោយតែ កន្លែងណា មានល្បែង ស៊ីសង គឺមិន អាចជៀសផុតឡើយ! ដឹងថាមាន អំពើហិង្សាក្នុងគ្រួសារ ចោរ លួច ចោរ ឆក់ ចោរ ប្លន់ និង អាចបន្លំសមត្ថកិច្ច និង ភ្នែកមហាជន យកទីតាំងនោះ ជួញដូរ និងចែកចាយ គ្រឿងញៀន ក៏ថាបានដែរ៕
