ក្រុងប៉ោយប៉ែត៖ គ្រោះថ្នាក់ចរាចរណ៍ រវាង ម៉ូតូ និង ម៉ូតូ បណ្តាលអោយបុរសម្នាក់ស្លាប់ និងភាគីម្ខាង ទៀតរបួសធ្ងន់ម្នាក់។ ដែលហេតុការណ៍គ្រោះថ្នាក់ចរាចរណ៍នេះ បានកើតឡើង នៅវេលាម៉ោង០៧និង៤០នាទីយប់ថ្ងៃទី២១ ខែឧសភា ឆ្នាំ២០២២ លើផ្លូវលំ ត្រង់ចំណុចខាងជើងវត្តអូរនាងប្រហែល៥០០ម៉ែត្រ ស្ថិតនៅក្នុងភូមិអូរនាង សង្កាត់អូរឬស្សី ក្រុងប៉ោយប៉ែត ខេត្តបន្ទាយមានជ័យ ។ នគរបាលក្រុងប៉ោយប៉ែតបានអោយដឹងថា៖ ជនរង្រោះដែលបាត់បង់ជីវិតមាន ឈ្មោះ បុន ទី អាយុ ២៩ ឆ្នាំ ភេទប្រុស មុខរបរ កម្មករ រស់នៅក្នុងភូមិអូរនាង,សង្កាត់អូរឬស្សី ក្រុងប៉ោយប៉ែត ខេត្តបន្ទាយមានជ័យ។ បើបរម៉ូតូម៉ាកហុងដាឌ្រីម ធុនសេ១២៥ ពណ៌ខ្មៅ ពាក់ស្លាកលេខ ប-មានជ័យ 1K-9687 ពីជើងទៅត្បូង។ ចំណែកអ្នករងរបួសធ្ងន់ ភេទស្រី (ក្តាប់អត្តសញ្ញាណមិនបាន) ត្រូវបានសាច់ញាតិដឹកយកទៅសង្រ្គោះ មុនពេលនគរបាលចុះទៅដល់កន្លែងកើតហេតុ បើកបរម៉ូតូម៉ាកហុងដាឌ្រីមធុនសេ១២៥ ពាក់ស្លាកលេខសៀមរាប 1Y-5172 ពីត្បូងទៅជើង ។ នគរបាលបានបញ្ជាក់ថា៖ ដំបូងមានម៉ូតូ០១គ្រឿងម៉ាកហុងដាឌ្រីម ធុនសេ១២៥ ពណ៌ខ្មៅ ពាក់ស្លាកលេខ ប-មានជ័យ 1K-9687 ដែលបើកដោយឈ្មោះ បុន ទី បានបើកមិនប្រកាន់ស្តាំ ទសិដៅពីជើងទៅត្បូង ក្នុងល្បឿនលឿន ពេលមកដល់កន្លែងកើតហេតុ មានម៉ូតូ០១គ្រឿងទៀត ម៉ាកហុងដាឌ្រីមធុនសេ១២៥ ពាក់ស្លាកលេខសៀមរាប 1Y-5172 ធ្វើដំណើរពីត្បូងទៅជើង ច្រាសទិសគ្នា បានបុកគ្នាពេញទំហឹង បណ្តាលអោយឈ្មោះ បុន ទី ស្លាប់ភ្លាមៗ នៅនឹងកន្លែងកើតហេតុ ចំណែកអ្នកបើកម៉ូតូម្ខាងទៀងជាស្ត្រី រងរបួសធ្ងន់ ត្រូវបានសាច់ញាតិយកទៅសង្រ្គោះនៅមន្ទីរពេទ្យ។ មូលហេតុបង្កអោយកើតមានគ្រោះថ្នាក់នេះ បណ្តាលមកពីអ្នកបើកបរម៉ូតូពាក់ផ្លាកលេខ បន្ទាយមានជ័យ 1K-9687 បើកបរក្នុងល្បឿនលឿនពេលយប់ មិនប្រកាន់ស្តាំ ខ្វះការប្រុងប្រយ័ត្ន៕