តើលោក ចាន់ ណា ល្បីឈ្មោះជិតមួយទស្សវត្ស ខាងរកស៊ីដឹកឈើខុសច្បាប់ឆ្លងខេត្តមួយទៅខេត្តមួយ អាចរួចពីសំណាញ់ច្បាប់ដែលឬយ៉ាងណា.!!!
ខេត្តសៀមរាប៖ មហាជនគ្រប់មជ្ឈដ្ឋានគេនៅសង្កេតឃើញថា ក្រុមឈ្មួញរកសុី បទល្មើសព្រៃឈើ បានកំពុងធ្វើសកម្មភាពដឹកជញ្ជូន ឈើខុសច្បាប់ចេញពីខេត្តឧត្តរមានជ័យ និង ខេត្តព្រះវិហារ បានយ៉ាងរលូន មិនទាក់ក្រសែភ្នែក សមត្ថកិច្ចជំនាញពាក់ព័ន្ធ ប្រចាំការនៅតាមដងផ្លូវឡើយ បើទោះបីជាក្រុមឈ្មួញទាំងនោះ ដឹកឈើស្ដែងៗទាំងកណ្តាលថ្ងៃត្រង់ ចូលមកលក់ និង ចែកចាយ ដាម ដេប៉ូ ឈើ ពេញក្រុង/ខេត្តសៀមរាបក៏ដោយ បែជាអាជ្ញាធរ និង មន្ត្រីជំនាញ ធ្វើមើលមិនឃើញ មិនបង្ក្រាបសោះ សង្ស័យ បានសំណែន រឿងលុយក្រោម តុ លើតុ ពីពួកក្រុមឈ្មួញឈើទាំងនោះអស់ហើយរឺ? ជាពិសេស មេឈ្មួញឈ្មោះ ចាន់ ណា ដ៏ល្បីឈ្មោះជិតមួយ ទស្សវត្ស ហើយ នៅតែអាចដឹកឈើចូលមកលក់ក្នុងខេត្តសៀមរាប បានដដែល នាពេល ខែឧសភាឆ្នាំ២០២២នេះ។
មហាជនគ្រប់មជ្ឈដ្ឋាននៅខេត្តសៀមរាប កំពុងរងចាំមើលថាតើ.! លោក ម៉ុង ប៊ុនលីម នាយខណ្ឌ រដ្ឋបាលព្រៃឈើ និង លោក ទា គឹមសុទ្ធ ប្រធានមន្ទីកសិកម្ម រុក្ខាប្រម៉ាញ់ និង នេសាទ អាចសហការជាមួយកម្លាំងកងរាជអាវុធហត្ថខេត្ត/ក្រុងសៀមរាប ធ្វើការ បង្រ្កាប សកម្មភាព ដឹកជញ្ជូនឈើខុសច្បាប់ ឈ្មោះ ចាន់ ណា និងក្រុមឈ្មួញផ្សេងទៀតបានដែលឬទេ ? ឬមួយក៏អស់លោកបានដឹងហើយ ធ្វើជាមិនដឹង! រឺមួយទុកបទល្មើសឈើមួយនេះ ជាឆ្នាំងបាយចែកបក្ខពួកធ្វើមានបាន។
ដោយឡែក បើយោងប្រភពមួយចំនួនបានបង្ហើបអោយដឹងថា៖ លោក ម៉ុង ប៊ុនលីម នាយខណ្ឌ នឹង ឈ្មួញឈើឈ្មោះ ចាន់ ណា ត្រូវជាបងប្អូនធម៌នឹងគ្នារឿងអីគេបង្ក្រាប់,,,តើវាជាការពិតដែលទេ? ទើបមិនដែលឃើញបង្ក្រាបមេឈ្មួញឈើដុះស្លែរម្នាក់នេះបានសោះ គឺនៅតែឃើញដឹកជញ្ជូនឈើមកលក់ចែកពេញក្រុងសៀមរាប បានយ៉ាងរលូន នាពេលថ្មីៗនេះ៕
