ខេត្តក្រចេះ៖ កាលពីថ្ងៃ១១ ខែមិថុនា ឆ្នាំ២០២២ នៅបណ្តាញ គេហទំព័រនៃព័ត៌មានក្នុងស្រុក បានកំពុងនាំគ្នាចុះផ្សាយព្រោងព្រាត ពាក់ព័ន្ធទៅនឹងរឿង ក្រុមមេឈ្មួញបាននាំគ្នាធ្វើសកម្មភាពដឹកជញ្ជូនធ្យូងយ៉ាងគគ្រឹកគគ្រេងទាំងយប់ទាំងថ្ងៃ លើដងផ្លូវជាតិលេខ ៧៨ គឺចេញពីចំណុច ភ្នំគុស ស្ថិតក្នុងភូមិឡរ ស្រុកកែវសីមា ខេត្តមណ្ឌលគីរី ដឹកកាត់តាមរង្វង់មូលទីរួមស្រុកស្នួល ខេត្តក្រចេះ យកទៅលក់អោយ មេឈ្មួញនៅប្រទេសវៀតណាម តាមច្រកការពារព្រំដែន អូរលាវ ក៏ប៉ន្តែ! សមត្ថកិច្ចជំនាញពាក់ព័ន្ធក្នុងមូលដ្ឋាន មិនទាន់មានចំណាត់ការបង្រ្កាបនៅឡើយទេ សង្ស័យត្រូវថ្នាំសន្តំ ក្រដាសដុល្លារ ពីមេឈ្មួញទាំងនោះ ប្រចាំខែអស់ហើយ ទើបមិនបង្ក្រាប។ បើយោងប្រភពមួយផ្សេងគ្នាបានអោយអ្នកសារព័ត៌មានយើងខ្ញុំដឹងថា៖ សព្វថ្ងៃនេះ ការដឹកជញ្ជូនធ្យូងឆ្លងដែន ទៅលក់នៅប្រទេសវៀតណាម នៅចំណុចខាងលើ បានយ៉ាងរលូន ដោយមានការឃុបឃិតគ្នាជាប្រព័ន្ធទៅហើយ ទើបក្រុមមេឈ្មួញអាចរត់ពន្ធនាំធ្យូងដឹកចេញទៅលក់បាន "បើខ្មោចស្រុកមិនបើកដៃ ខ្មោចព្រៃ ក៏មិនហ៊ានចូលដែរ"។ ប្រភពពីប្រជាពលរដ្ឋបានអោយដឹងទៀតថា៖ សកម្មភាពដឹកជញ្ជូនធ្យូងឆ្លងដែននេះ បានចរាចរណ៍ជាង២ខែមកហើយ ដោយក្រុមមេឈ្មួញទាំងនោះ បានប្រើមធ្យោបាយដឹកជញ្ជូនតាមរថយន្តសាំងយ៉ុងកែឆ្នៃ ក្នុងមួយថ្ងៃៗ មិនក្រោមពី ២០ គ្រឿង នោះទេ។ មហាជនបាននាំគ្នារិះគន់ចំៗទៅលើលោក ខៀវ ប៉ូលីន ប្រធានច្រកការពារព្រំដែន អូលាវ និងមន្រ្តីពាក់ព័ន្ធមួយចំនួនតូចថា៖ អសមត្ថភាពក្នុងបង្ក្រាប បែជានាំគ្នាសម្ងំស្ងាត់ស្ងៀមឈឹង បណ្តែតបណ្តោយអោយអោយពួកមេឈ្មួញទុច្ចរឹត ដឹកជញ្ជូនធ្យូងតាមអំពើចិត្ត៕
ព័ត៌មានគួរចាប់អារម្មណ៍
ឯកឧត្តមអភិសន្តិបណ្ឌិត ស សុខា បន្តដឹកនាំគណៈប្រតិភូ ស្ដាប់បទបង្ហាញពាក់ព័ន្ធវិស័យសុវត្ថិភាពនិងសណ្ដាប់ធ្នាប់សាធារណៈ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា និងប្រតិភូ អញ្ជើញស្តាប់បទបង្ហាញពាក់ព័ន្ធនឹងហិរញ្ញវត្ថុសាធារណៈ និងយន្តការជាក់ស្តែងនៃលទ្ធិប្រជាធិបតេយ្យដោយផ្ទាល់ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា និងលោកជំទាវ ដឹកនាំគណៈប្រតិភូជាន់ខ្ពស់ បំពេញទស្សនកិច្ចនៅប្រទេសស្វីស និងប្រទេសអាល្លឺម៉ង់ (គេហទំព័រ ប៉ោយប៉ែត ប៉ុស្តិ៍)
កាស៊ីណូថ្មពេជ្រ"ច្រកក្អមសំណ"ជួលឲ្យថៅកែវៀតណាមបើកដៃឲ្យពលរខ្មែរចូលលេងល្បែងយ៉ាងកក្រឹកគគ្រេង.!!! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា អញ្ជើញទទួល និងសួរសុខទុក្ខបងប្អូនពលករខ្មែរវិលពីប្រទេសថៃ.!!! (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា