ខេត្តព្រៃវែង៖ ពិតជាខ្លាំងមែន (យាយច្រឹប) អាចរក្សាទីតាំងជល់មាន់អនឡាញ ដែរច្បាប់ហាមឃាត់ នៅផ្ទះរបស់ខ្លួនបើកលេងបានយ៉ាងរលូន សង្ស័យលោក(យាយ ច្រឹប) ចេះមន្តអាគម សន្តំចិត្ត លោកអធិការក្រុងព្រៃវែងទេដឹង? ឬលោកបានដឹងហើយមិនហ៊ានបង្ក្រាប ព្រោះខ្លាចដាច់ខ្ទង់ចំណូល ក្រៅក្របខ័ណ្ឌ រឺយ៉ាងណា? បើមហាជនគ្រប់មជ្ឈដ្ឋាន និងប្រជាពលរដ្ឋដែលរស់នៅក្បែរទីតាំង (យាយច្រឹប) ដែលស្ថិតនៅក្នុងភូមិជេីងទឹក (ក) សង្កាត់ជើងទឹក ក្រុងព្រៃវែង ឃើញនៅតែអាចបើកដំណើររលេងជារៀងរាល់ថ្ងៃ យ៉ាងគគ្រឹកគគ្រេង បើទោះបីជា បណ្ដាសារព័ត៌មានក្នុងស្រុកជាច្រើនអង្គភាព បានចុះផ្សាយកាលពីប៉ុន្មាបថ្ងៃមុនក្តី ហាក់គ្មានប្រសិទ្ធភាព រហូតមកដល់ថ្ងៃ១៧ ខែមិថុនា ឆ្នាំ២០២២ ឃើញនៅបើកលេងដដែល។ បើយោងប្រភពពីអ្នកចេញចូលលេងល្បែងសុីសង ជល់មាន់ តាមអនឡាញ នៅផ្ទះ(យាយច្រឹប) បានអោយដឹង គាត់បើកលេងដុះស្លែរយូហើយ និងបានរត់ការគ្រប់ច្រកល្ហកនិងចាយខ្ទង់ដល់អាជ្ញាធរមានសមត្ថកិច្ចពាក់ព័ន្ធនៅក្នុងក្រុងព្រៃវែងអស់ហើយ ដើម្បីរក្សាភាពស្ងៀមស្ងាត់ ក្នុងការបើកលេងដោយសេរី មិនចាំបាច់ព្រួយបារម្ភខ្លាចសមត្ថកិច្ចចុះមកបង្ក្រាបទេ។ ប្រជាពលរដ្ឋរស់នៅមូលដ្ឋាននោះ បាននាំគ្នាលើកឡើងថា ល្បែងអនឡាញមានគ្រប់ភេទរីកដុះដាលដូចផ្សិតទៅហើយសព្វថ្ងៃនេះ តើឯណាទៅភូមិឃុំមានសុវត្ថិភាពទាំង៧ចំនុចរបស់រដ្ឋាភិបាល​ ដែលដាក់ចេញ​ដោយក្រសួងមហាផ្ទៃ អោយមន្ត្រីពាក់ព័ន្ធក្រោមឱវាទទាំងអស់ យកទៅអនុវត្ដន៍ ដើម្បីទប់ស្កាត់ និង កាត់បន្ថយ អំពើហិង្សាក្នុងគ្រួសារ និង អំពើ ចោរកម្ម លួច ឆក់ ប្លន់ ជាដើម។ល។ ផ្ទុយមកវិញ ទីតាំងបនល្បែងស៊ីសងខុសច្បាប់កាន់តែកើនឡើងទ្វេដងនៅក្នុងក្រុងព្រៃវែង បូករួមទាំងឆ្នោតវៀតណាម ដែលមានច្រើនប៉ុស្តិ៍ ខ្មែរមួយចំនួនដែលញៀនល្បែងកំពុងក្លាយជា ទាសករ ថៅកែល្បែងអស់ហើយ។ ទោះជាយ៉ាងនេះក្តី បងប្អូនប្រពលរដ្ឋមានសង្ឃឹមនិងជឿជាក់លើកលោក ព្រុំ សន្ធរ ស្នងការនគរបាលខេត្តព្រៃវែង ដែលលោកតែងតែដោះស្រាយរាល់បញ្ហាប្រឈមនានា ជូនដល់ប្រជាពលរដ្ឋកន្លងមក ហើយពួកគាត់សង្ឈឹមយ៉ាងមុតមាំទៅលើលោកស្នងការ និងលោកអភិបាលក្រុងនិងខេត្ត ជឿថាលោកនិងមានចំណាត់ការចំពោះករណីល្បែងសុីសងទាំងឡាយនេះ ដើម្បីអោយស្របតាមគោលនយោបាយភូមិឃុំមានសុវត្ថិភាពទាំង៧ចំនុចជាក់ជាពុំខានឡើយ។ ជុំវិញករណីខាងលើ សារព័ត៌មានយើងខ្ញុំមិនអាចសុំការបំភ្លឺពីលោកអធិការក្រុងព្រៃវែង បានទេ ដោយពុំស្គាល់លេខទូរស័ព្ទ ហើយបើសិនសាមីខ្លួនដែលជាប់ពាក់ព័ន្ធគិតថា សារព័ត៌មានយើងខ្ញុំចុះផ្សាយទៅមិនមានភាពសុក្រិតនិងមិនយុត្តិធម៌សម្រាប់ខ្លួនទេនោះ អង្គភាពយើងខ្ញុំ រងចាំបកស្រាយបំភ្លឺឡើងវិញរៀងរាល់ម៉ោងធ្វើ ឬតាមរយៈលេខទូរស័ព្ទចំនួនពីរខ្សែនៅក្នុងគេហទំព័រ៖ 📲Tell.092190098/0886606773 សូមអរគុណ (វគ្គ២)៕