ស្រុកជីក្រែង៖ កាលពីពេលថ្មីៗកន្លងមកនេះមហាជន គេបានឃើញលោក ម៉ុង ប៉ុនលីម នាយខណ្ឌរដ្ឋបាលព្រៃឈើខេត្តសៀមរាប ដឹកនាំកម្លាំងចុះបង្ក្រាបនិងបិទទីតាំង ឡធ្យូង ជាច្រើនកន្លែង និង បានអោយធ្វើកិច្ចសន្យាបញ្ឈប់ធ្វើអាជីវកម្មបន្តទៀត។ តែបើទោះបីមានការធ្វើកិច្ចសន្យាបញ្ឈប់យ៉ាងក្តី មិនបានមួយពប្រិចភ្នែកផងនោះ ក្រុមសារព័ត៌មានជាច្រើនអង្គភាព នៅឃើញមានរថយន្តសាំយ៉ុង និង គោយន្តកន្ត្រៃជាច្រើនគ្រឿងបានធ្វើចរាចណ៍ដឹកធ្យូងចេញពីផ្ទះប្រជាពលរដ្ឋ ពេញនៅលើដងផ្លូវដូចហែរកឋិនអញ្ជឹង និងមានរថយន្តចតលើកឃ្យូងតាមផ្ទះប្រជាពលរដ្ឋជាច្រើនផងដែរ កាលពីថ្ងៃទី២០ ខែមិថុនា ឆ្នាំ២០២២។ មួយអន្លើក្រោយមក បណ្តាញសារព័ត៌មានបានធ្វើការទំនាក់ទំនងទៅលោក ហុង ដា នាយសង្កាត់រដ្ឋបាលព្រៃឈើជីក្រែង ដើម្បីសាកសួរជុំវិញករណីបទល្មើសចរាចណ៍ដឹកជញ្ជូនធ្យូងនេះផងដែរ លោក ថា៖ បានធ្វើការបង្ក្រាបនិងធ្វើកិច្ចសន្យាអស់ហើយ។ លោកបន្តទៀតថា៖ ដោយសារតំបន់នោះគឺប្រជាពលរដ្ឋបានដឹកឈើក្រាក់យកមកដុតចេញជាធ្យូងនោះទេ ពុំមានឈើស្រស់ៗនោះឡើយ គឺ បរិស្ថានគេមិនអោយចេញនោះទេ តែលោកនិងនៅតែមានចំណាត់ការចំពោះបទល្មើសធ្យូងនេះដដែរ ។ បើតាមក្រុមអ្នកដឹកធ្យូងបានបញ្ជាក់ប្រាប់បណ្តាញសាេព័ត៌មានថា៖ ពួកគេមិនខ្លាចមន្ត្រីជំនាញ និងអ្នកកាសែត ដែលបានចុះផ្សាយនោះទេ ព្រោះគេបានបង់ប្រាក់អោយទៅក្រុមមន្ត្រីជំនាញនោះអស់ទៅហើយ។ ដោយឡែក លោក ម៉ុង ប៊ុនលីម នាយខណ្ខរដ្ឋបាលព្រៃឈើខេត្តសៀមរាប នៅថ្ងៃដដែល បានប្រាប់បណ្តាញសារព័ត៌មានថា៖ លោកបានចុះធ្វើកិច្ចសន្យាអស់ហើយពុំមានទេ ហើយលោកថា៖ នៅតែចុះនិងចំណាត់ការជាបន្តបន្ទាប់ទៀត អោយតែមានក្រុមដឹកធ្យូង និង ឡធ្យូង ធ្វើសកម្មភាព។ ជាក់ស្តែងនៅព្រឹកថ្ងៃទី២០ ខែមិថុនាឆ្នាំ២០២២ ឃើញមានរថយន្តសាំយ៉ុង និងគោយន្តកន្ត្រៃជាច្រើនគ្រឿង បានធ្វើសកម្មភាពដឹកជញ្ជូនធ្យូងពេញរថយន្តចេញពីភូមិពង្រលើ ឃុំពង្រលើ ស្រុកជីក្រែងខេត្តសៀមរាប ឆ្ពោះចេញទៅលើផ្លូវជាតិលេខ៦ យកទៅចែកចាយតាមបណ្តាខេត្តនានា។ ហើយបើយោងប្រភពពីពលរដ្ឋដែលរស់នៅទីនោះបានអោយដឹងថា៖ ក្នុងមួយថ្ងៃៗមិនក្រោមពី១០ទៅ២០ឡាននោះទេ តែមន្ត្រីជំនាញពាក់ពន្ធ័ ជាពិសេស លោក ហុង ដានាយសង្កាត់រដ្ឋបាលព្រៃឈើជីក្រែង ពុំមានចំណាត់ការបង្រ្កាបឡើយ៕