ខេត្ដព្រៃវែង៖ មានសេចក្តីរាយមកថា នៅផ្ទះយាយច្រឹប កំពុងបើកអោយភ្ញៀវចូលទៅលេងល្បែងភ្នាល់ជល់មាន់ តាមប្រព័ន្ធទូរទស្សន៍អនឡាញ ដែលទីតាំងនេះស្ថិតនៅក្នុងភូមិ ជេីងទឹក (ក) សង្កាត់ជើងទឹក ក្រុងព្រៃវែង ខេត្ដព្រៃវែង នៅថ្ងៃទី៨ ខែមិថុនា ឆ្នាំ២០២២។ បើយោងប្រភពពីអ្នកចេញចូលលេងល្បែងសុីសង ជល់មាន់ តាមអនឡាញ បានអោយដឹងថា ទីតាំងជល់មាន់មួយកន្លែងនេះ គឺបើកលេងដុះស្លែយូហើយ ម្យ៉ាងវិញទៀតនោះ (យាយច្រឹប) បានរត់ការគ្រប់ច្រកល្ហកនិងចាយខ្ទង់ដល់អាជ្ញាធរនិងសមត្ថកិច្ចពាក់ព័ន្ធនៅក្នុងក្រុងព្រៃវែងអស់ហើយ ដើម្បីរក្សាភាពស្ងៀមស្ងាត់ គឺអាចបើកលេងដោយសេរី មិនចាំបាច់ព្រួយបារម្ភខ្លាចសមត្ថកិច្ចចុះមកបង្ក្រាបឡើយ។ ប្រជាពលរដ្ឋរស់នៅមូលដ្ឋាននោះ បាននាំគ្នាលើកឡើងថា ល្បែងអនឡាញមានគ្រប់ភេទរីកដុះដាលដូចផ្សិតទៅហើយសព្វថ្ងៃនេះ តើឯណាទៅភូមិឃុំមានសុវត្ថិភាពទាំង៧ចំនុចរបស់រដ្ឋាភិបាល ដែលដាក់ចេញដោយក្រសួងមហាផ្ទៃ អោយមន្ត្រីពាក់ព័ន្ធក្រោមឱវាទទាំងអស់ យកទៅអនុវត្ដន៍ ដើម្បីទប់ស្កាត់ និង កាត់បន្ថយ អំពើហិង្សាក្នុងគ្រួសារ និង អំពើ ចោរកម្ម លួច ឆក់ ប្លន់ ជាដើម។ល។ ផ្ទុយមកវិញ ទីតាំងបនល្បែងស៊ីសងខុសច្បាប់កាន់តែកើនឡើងទ្វេដងទៅវិញ។ ទោះជាយ៉ាងនេះក្តី បងប្អូនប្រពលរដ្ឋមានសង្ឃឹមនិងជឿជាក់លើកលោក ព្រុំ សន្ធរ ស្នងការនគរបាលខេត្តព្រៃវែង ដែលលោកតែងតែដោះស្រាយរាល់បញ្ហាប្រឈមនានា ជូនដល់ប្រជាពលរដ្ឋកន្លងមក ហើយពួកគាត់សង្ឈឹមយ៉ាងមុតមាំទៅលើលោកស្នងការ ថាលោកនិងមានចំណាត់ការចំពោះករណីល្បែងសុីសងទាំងនេះ ដើម្បីអោយស្របតាមគោលនយោបាយភូមិឃុំមានសុវត្ថិភាព។ ជុំវិញករណីខាងលើ សារព័ត៌មានយើងខ្ញុំមិនអាចសុំការបំភ្លឺពីលោកអធិការក្រុងព្រៃវែង បានទេ ដោយពុំស្គាល់លេខទូរស័ព្ទ ហើយបើសិនសាមីខ្លួនដែលជាប់ពាក់ព័ន្ធគិតថា សារព័ត៌មានយើងខ្ញុំចុះផ្សាយទៅមិនមានភាពសុក្រិតនិងមិនយុត្តិធម៌សម្រាប់ខ្លួនទេនោះ អង្គភាពយើងខ្ញុំ រងចាំបកស្រាយបំភ្លឺឡើងវិញរៀងរាល់ម៉ោងធ្វើ ឬតាមរយៈលេខទូរស័ព្ទចំនួនពីរខ្សែ៖ ☎️Tell.092190098 ☎️Tell.0886606773 សូមអរគុណ៕
ព័ត៌មានគួរចាប់អារម្មណ៍
ឯកឧត្តមអភិសន្តិបណ្ឌិត ស សុខា បន្តដឹកនាំគណៈប្រតិភូ ស្ដាប់បទបង្ហាញពាក់ព័ន្ធវិស័យសុវត្ថិភាពនិងសណ្ដាប់ធ្នាប់សាធារណៈ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា និងប្រតិភូ អញ្ជើញស្តាប់បទបង្ហាញពាក់ព័ន្ធនឹងហិរញ្ញវត្ថុសាធារណៈ និងយន្តការជាក់ស្តែងនៃលទ្ធិប្រជាធិបតេយ្យដោយផ្ទាល់ (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា និងលោកជំទាវ ដឹកនាំគណៈប្រតិភូជាន់ខ្ពស់ បំពេញទស្សនកិច្ចនៅប្រទេសស្វីស និងប្រទេសអាល្លឺម៉ង់ (គេហទំព័រ ប៉ោយប៉ែត ប៉ុស្តិ៍)
កាស៊ីណូថ្មពេជ្រ"ច្រកក្អមសំណ"ជួលឲ្យថៅកែវៀតណាមបើកដៃឲ្យពលរខ្មែរចូលលេងល្បែងយ៉ាងកក្រឹកគគ្រេង.!!! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា អញ្ជើញទទួល និងសួរសុខទុក្ខបងប្អូនពលករខ្មែរវិលពីប្រទេសថៃ.!!! (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា