ភ្នំពេញ៖ មានហេតុការចាប់រំលោភបីបូកមួយនាក់បានសម្រេច បង្កកាភ្ញាក់ផ្អើល កើតឡើងនៅវេលាម៉ោង១០និង៤០យប់ ថ្ងៃទី២៤ ខែកក្កដាឆ្នាំ២០២២ នៅត្រង់ចំណុចដីវាលមួយកន្លែងខាងជើងវត្តជន្លង់ម្លូ ស្ថិតក្នុងភូមិកន្ទោកខាងត្បូង សង្កាត់កន្ទោក ខណ្ឌកំបូល រាជធានីភ្នំពេញ។ ជនរងគ្រោះឈ្មោះ វ-ជ-ន ភេទស្រីអាយុ ៣០ឆ្នាំ មុខរបរធ្វើការរោងចក្រ ស្នាក់នៅខាងក្រោយសាលាខណ្ឌដង្កោ ខណ្ឌដង្កោរាជធានីភ្នំពេញ។ បើយោងតាមសំដីពីស្ត្រីរងគ្រោះបានរៀបរាប់ប្រាប់អោយដឹងថា៖ មុនពេលកើតហេតុ រូបគាត់បានជិះម៉ូតូមួយគ្រឿងម៉ាកហុងដាទ្រីម ពណ៌ក្រហម ផ្លាកលេខ ភ្នំពេញ1IF-8117 ចេញពីកន្លែងស្នាក់នៅ គោលបំណងទៅញ៉ាំអីនៅម្ដុំទួលព្រង លុះមកដល់ជិះចំណុចផ្លូវ ៣០ម៉ែត្រ ទល់មុខវត្តធម្មត្រៃ ស្ថិតក្នុងសង្កាត់ព្រៃស ខណ្ឌដង្កោ ក៏ស្រាប់តែលេចមុខជនសង្ស័យចំនួន៣ នាក់ជិះម៉ូតូហុងដាស្កូបពីមួយគ្រឿង ពណ៌ពខ្មៅមិនចាំស្លាកលេខ បានមកកាក់ពីមុខម៉ូតូរបស់គាត់ ហើយជនសង្ស័យក៏បានគំរាមមិនអោយស្រែក និង ប្រើហិង្សាទៅលើរូបគាត់ ដោយបង្ខំអោយគាត់ទៅតាមពួកគេ។ ស្ត្រីរងគ្រោះបានបន្តទៀតថា បន្ទាប់មកជនសង្ស័យម្នាក់បានឡើងជិះម៉ូតូរបស់គាត់ រួចឌុបរូបគាត់រហូតមកដល់ចំណុចកើតហេតុខាងលើ ហើយបានធ្វើសកម្មភាព ដោះយកខ្សែក កងដៃ ចញ្ចៀន នឹងទូរស័ព្ទដៃមួយគ្រឿង រួមនិងម៉ូតូមួយគ្រឿងទៀត បន្ទាប់ពីជនសង្ស័យប្លន់រួចមិនអស់ចិត្ត នាំគ្នាចាប់រំលោភលើរូបគាត់ម្ដងម្នាក់ៗបានសម្រេច ហើយបានថតវីដេអូទុក និងគំរាមលើរូបគាត់បើហ៊ានប្រាប់ដល់សមត្ថកិច្ច ពួកវានឹងតាមសំលាប់រូបគាត់ ក្រោយពីជនសង្ស័យប្លន់និងរំលោភបានសម្រេចលើរូបគាត់រួចមក ជនសង្ស័យទាំងនោះនាំគ្នាជិះម៉ូតូគេចខ្លួនបាត់ស្រមោល។ ស្ត្រីរងគ្រោះបានបន្តទៀតថា ក្រោយរូបគាត់បានរត់ស្រែកអោយគេជួយ បន្ទាប់មកក៏ភ្ញាក់ផ្អើលឮដល់សន្តិសុខដែរយាមនៅរោងចក្រមួយកន្លែង ក៏ឃើញរូបគាត់រួចក៏បានសួរនាំ ហើយក៏បានជូនទៅផ្ទះប្រជាពលរដ្ឋមួយកន្លែង ដើម្បីអោយគេជួយ។ ជនរងគ្រោះប្រាប់ទៀតថា ជនសង្ស័យបានស្គាល់ហ្វេសប៊ុករបស់គាត់ហើយ ក៏បានឆាតមកគាត់ជាច្រើនលើក ច្រើនសា តែនាងមិនឆ្លើយតប ហើយជនសង្ស័យទាំងនោះបានប្រាប់រូបគាត់ថា ពួកគេតាមដានរូបគាត់ពីរបីថ្ងៃហើយ។ សូមបញ្ជាក់ផងដែរករណីខាងលើនេះ ជនសង្ស័យ និង ជនរងគ្រោះ សង្ស័យធ្លាប់ស្គាល់គ្នា។ ក្រោយមកក៏បង្កអោយមានការភ្ញាក់ផ្អើលដល់កម្លាំងសមត្ថកិច្ចមូលដ្ឋានបានចុះមកដល់ រួចធ្វើការសួរនាំទៅលើស្ត្រីរងគ្រោះ ហើយក៏បាននាំមកបង្ហាញទីតាំងកន្លែងកើតហេតុ រួចក៏នាំជនរងគ្រោះទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលកន្ទោក ដើម្បីសមត្ថកិច្ចងាយស្រួលស្វែងរកចាប់ជនសង្ស័យទាំងបីនាក់ យកមកផ្តន្ទាទោសតាមនីតិវិធី៕