មានវីដេអូ" កាស៊ីណូរបស់លោកឧកញ៉ា លឹម ហេង កំពុងបើកដៃអោយខ្មែរចូលលេងតាមតែអំពើចិត្ត ជាប់ព្រំដែនកម្ពុជា-ថៃ ជប់គគី, ច្រកទ្វារអន្តរជាតិអូរស្មាច់ និងច្រកទ្វារអន្តរជាតិ ជាំសាសាងាំ មិនខ្វល់ ស.ជ.ណ របស់គណៈរដ្ឋមន្ត្រីបានកំណត.!!!
ខេត្តឧត្ដរមានជ័យ៖ កាស៊ីណូរបស់ឧកញ្ញ៉ា លឹម ហេង កំពុងបើកដៃអោយពលរដ្ឋខ្មែរចូលលេងយ៉ាង គរគ្រឹក គរគ្រេង បានបំពានបំរាមរាជរដ្ឋាភិបាល ជាក់ស្តែងជារាងរាល់ថ្ងៃ ត្រូវបានគេសង្កេតឃើញមានជនជាតិខ្មែរនាំគ្នាចូលលេងល្បែងស៊ីសងយ៉ាងពពាក់ពពូន នៅក្នុងកាស៊ីណូនេះ រហូតអ្នកខ្លះចាញ់បោសគូទខោ លក់អស់ដីធ្លីផ្ទះសម្បែង ឬរហូតរត់ចោលស្រុក ព្រោះខ្មាស់គេពេក។
ប្រជាពលរដ្ឋរស់នៅក្នុងស្រុកអន្លង់វែង ខេត្តឧត្តរមានជ័យ ដែលនិយាយសុំមិនបញ្ចេញឈ្មោះ ព្រោះខ្មាសគេពេក បានលើកឡើងថា កន្លងមកលោកធ្លាប់លង់ចាញ់ល្បែងក្នុងកាស៊ីណូខាងលើ ហើយសម្រេចចិត្តលក់ដីធ្លីផ្ទះសម្បែង ដើម្បីបានលុយចូលលេងស្រង់ដើមនៅក្នុងកាស៊ីនេះ ប៉ុន្តែនៅតែចាញ់ងើបមុខមិនរួចដដែល។
អ្នកចាញ់ល្បែងរូបនេះបាននិយាយទៀតថា មិនមែនត្រឹមតែរូបលោកម្នាក់ឯងទេ ដែលលង់ខ្លួនចាញ់ល្បែងក្នុងកាស៊ីណូ ឈ្មោះ សាង៉ាំ រីស៊ត គឺមានពលរដ្ឋជាច្រើននាក់ទៀត ខ្លះលក់អស់ទ្រព្យសម្បត្តិ អស់ពីខ្លួន ព្រាត់ប្រាសក្រុមគ្រួសារ និងរត់ចោលស្រុកទៅធ្វេីការនៅប្រទេសគេ ដោយសារចាញ់ល្បែងច្រើនពេក នៅក្នុងកាស៊ីណូខាងលើនេះ។
ម្ចាស់កាស៊ីណូខាងលើត្រូវបានគេស្គាល់ថា ជាកម្មសិទ្ធិរបស់លោកឧកញ្ញា លឹម ហេង អនុប្រធានសភាពាណិជ្ជកម្មកម្ពុជា ដែលគ្រាន់តែក្នុងខេត្តឧត្តមានជ័យ លោកមានកាស៊ីណូរហូតទៅដល់បីរកន្លែងឯណ្ណោះ។
អ្នកមានភារកិច្ចការផ្នែកកាស៊ីណូ ក្នុងខេត្តឧត្តរមានជ័យ បានបញ្ជាក់ថា កាស៊ីណូរបស់លោកឧកញ៉ា លឹម ហេង ដែលបើបើកដៃអោយខ្មែរចូលលេងតាមតែអំពើចិត្ត មានស្ថិតជាប់ព្រំដែនកម្ពុជា-ថៃ ជប់គគី, ច្រកទ្វារអន្តរជាតិអូរស្មាច់ និងច្រកទ្វារអន្តរជាតិ ជាំសាងាំ។
អ្នកបានដឹងសាច់រឿងច្បាស់ អំពីកាស៊ីណូ បានរៀបរាប់ថា ចាប់តាំងពីកាស៊ីណូខាងលើបើកដំណើរការ គេសង្កេតឃើញជនជាតិខ្មែរចូលលេងជារៀងរាល់ថ្ងៃ ខុសពីសេចក្តីជូនដំណឹង (ស.ជ.ណ) របស់ទីស្តីការគណ:រដ្ឋមន្ត្រី។ ស.ជ.ណ របស់គណៈរដ្ឋមន្ត្រីបានកំណត់ថា ក្នុងវង់ល្បែងកាស៊ីណូនីមួយៗ គឺបបើកទទួលភ្ញៀវអោយចូលលេងតែជនបរទេសតែប៉ុណ្ណោះ.! ហើយដាក់កំហិតមិនអោយខ្មែរ ចូលលេងជាដាច់ខាត។
ចំពោះករណីវង់ល្បែងបំពានបំរាមរបស់រាជរដ្ឋាភិបាលខាងលើនេះ អង្គភាពសាសារព័ត៌មា ប៉ោយប៉ែត ប៉ុស្តិ៍ មិនអាចសុំការបកស្រាយពីតំណាងបានឡើយ ជាពិសេសលោកឧកញ៉ា លឹម ហេង ដែលជាម្ចាស់ និងជាអនុប្រធានសភាពាណិជ្ជកម្មកម្ពុជា៕
