ថ្ងៃសៅរ៍ ទី០១ ខែតុលា ឆ្នាំ២០៥០
លោកអគ្គនាយក ជួង វណ្ណអាង ចាងហ្វាងការផ្សាយ គេហទំព័រ ប៉ោយប៉ែតប៉ុស្តិ៍ ( www.poipetpostnews.com ) whatsapp 092190098 / 0886606773 / Facebook ប៉ោយប៉ែតប៉ុស្តិ៍ / Page គេហទំព័រ ប៉ោយប៉ែតប៉ុស្តិ៍ / YouTube គេហទំព័រ ប៉ោយប៉ែតប៉ុស្តិ៍ / 📢 សេចក្តីជូនដំណឹងៈ គេហទំព័រ ប៉ោយប៉ែតប៉ុស្តិ៍ ត្រូវការជ្រើសរើសភ្នាក់ងារបន្ថែម ២៥ រាជធានី.ខេត្ត.ក្រុង.បើបងប្អូនមានចំណាប់អារម្មណ៍ សូមធ្វើការទំនាក់ទំនងមកការិយាល័យនិពន្ធ តាមរយៈលេខទូរស័ព្ទចំនួនពីរខ្សែTell.092 190 098 - 088 66 06 773 ) ដែលមានទីតាំងស្នាក់ការ ភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ សូមអរគុណ៕
ដូច្នេះផង.! ម្តងនេះរកឃើញឯកសារខុសប្រក្រតីជាច្រើនទៀត ដែលជំទាវ លី អ៊ុំអេង ប្រមូលមនុស្សមកធ្វើជាខែលបំភាន់ភ្នែកយកដីគេ.!!!
Tue,16 August 2022 (Time 07:33 PM)
ដោយ ៖ គេហទំព័រ ប៉ោយប៉ែត ប៉ុស្តិ៍ (ចំនួនអ្នកអាន: 129នាក់)


ខេត្តសៀមរាប៖ ថ្មីៗនេះបន្ទាប់ពីមានការស្រាវជ្រាវល្អិតល្អន់គេបានរកឃើញឯកសារខុសប្រក្រតីជាច្រើន ដែល ជំ ទាវលី អ៊ុំអេង កំពុងប្រមូលមនុស្សមកធ្វើជាខែល ក្នុងការបំភាន់រំលោភយកដីគេ។ ក្នុងនោះដែរ លោកជំទាវ លី អ៊ុំអេង អនុប្រធានសភាពាណិជ្ជកម្មសៀមរាប.ឧត្តរមានជ័យ ដែលអ្នកផងស្គាល់ថា ឈ្មួញដីដ៏ល្បី លើវិស័យជម្លោះរឿងដីធ្លី បានកំពុងនាំយកមនុស្សចំនួន២នាក់ មកឈរធ្វើជាម្ចាស់ដីដើមនៅភូមិរវៀងតាទុំ ឃុំរំចេក ស្រុកបន្ទាយស្រី ដែលបានលក់ដីទាំងនោះមកអោយខ្លួន។ បុគ្គលទាំង២ នាក់នោះ ម្នាក់ឈ្មោះ លឹម ជក់ និងម្នាក់ឈ្មោះ ញ៉ាវ ណុល ។ យោងឯកសារ ដែលអ្នកសារព័ត៌មានទទួលបាន បង្ហាញថា តាមពាក្យស្នើសុំពាក្យកាន់កាប់ប្រើប្រាស់ដីធ្លី ចុះថ្ងៃទី ១៤ ខែ៥ ឆ្នាំ១៩៩៨ របស់ឈ្មោះ លឹម ជក់ គេបានរកឃើញនូវភាពមិនប្រក្រតីមួយចំនួនដូចជា៖ កាលពីឆ្នាំ១៩៩៨ លឹម ជក់ មានអាយុត្រឹមតែ៣០ ឆ្នាំ ក្នុងពាក្យសុំនោះដែរ លឹម ជក់ បានបញ្ជាក់ថា ខ្លួនបានកាន់កាប់ដីទំហំ២៦០គុណនឹង២៥០(មានស្នាមកោសលុប) ចាប់ពីឆ្នាំ១៩៧៩ មកទល់បច្ចប្បន្ន។ បើពិនិត្យ លើពាក្យសុំនេះ នៅឆ្នាំ១៩៧៩ លឹម ជក់ ទើបតែមានអាយុ១១ឆ្នាំប៉ុណ្ណោះ។ កាលពីថ្ងៃទី១៤ កុម្ភៈឆ្នាំ២០២២ ជាថ្ងៃដែល លី អ៊ំុអេង ដាក់ពាក្យប្តឹង អភិបាលស្រុកបន្ទាយស្រី លោក ឃឹម ហ៊្វីណង់ ទៅតុលាការ លី អ៊ុំអេង បានដាក់អាយុ លឹម ជក់ ៦០ឆ្នាំ។ ចំណែក ពាក្យស្នើសុំកាន់កាប់ប្រើប្រាស់ដីធ្លី ទំហំ ១៥០ គុណនឹង៣៥០ ចុះថ្ងៃទី១០ ខែ៤ ឆ្នាំ១៩៩៧ របស់ឈ្មោះ ញ៉ាវ ណុល ដែលលោកជំទាវ លី អ៊ុំអេង អះអាងថា ជាម្ចាស់ដីដើមដែរនោះ គឺមានលក្ខណៈពីសទៅខ្មៅ។ កាលពីឆ្នាំ១៩៩៧ ញ៉ាវ ណុល មានអាយុ ២០ឆ្នាំ ដូច្នេះ នៅឆ្នាំ១៩៧៩ ញ៉ាវ ណុល មានអាយុត្រឹមតែ២ឆ្នាំប៉ុណ្ណោះ។ តែ នៅក្នុងពាក្យបណ្តឹងរបស់លោកជំទាវ ប្តឹងអភិបាលស្រុកបន្ទាយស្រី លោក ឃឹម ហ្វីណង់ ដដែល ស្រាប់តែ លោកជំទាវ លីអ៊ំអេង ដាក់អាយុ ញ៉ាវ ណុល ដល់ទៅ៧០ឆ្នាំ។ បើគិតអាយុ ញ៉ាវ ណុល តាមឯកសារ ត្រឹមឆ្នាំ២០២២នេះ គាត់មានអាយុប្រមាណជាង៤០ឆ្នាំប៉ុណ្ណោះ។ បើតាមឯកសារ បានបង្ហាញទៀតថា ក្រោយពេលដក.បូក.ជាក់លាក់ ម្នាក់ជាទារកទើបអាយុ០២ឆ្នាំ ឯម្នាក់ទៀតជា កុមារអាយុ១១ឆ្នាំ តែអាចចូលទៅកាន់កាប់ដីទំហំច្រើនហិកតាទុកលក់អោយជំទាវបណ្ឌិតលី អ៊ុំអេងបាន។ បើនិយាយអោយងាយស្តាប់បន្តិចទៀត ពួកគេម្នាក់មិន ទាន់បាត់ធំក្លិនទឹកដោះផង ឯម្នាក់ទៀត ក៏មិនទាន់ដឹងខ្យល់អីស្រួលបួលផងដែរ។ ចំណុចទាំងអស់នេះ មហាជនបានកោតសរសើរថា មានតែជំទាវបណ្ឌិត ឧកញ៉ាលី អ៊ុំអេង ម្នាក់គត់ដែលធ្វើកើត។ ក្រៅពីនេះ ក៍នៅមានការសង្ស័យមួយ ចំនួនទៀត ពាក់ព័ន្ធការប្រើប្រាស់ឯកសារមិនប្រក្រតី។ នៅក្នុងចំណុច ឆ្នាំនៃការដាក់ពាក្យស្នើសុំកាន់កាប់ដីធ្លី របស់បុគ្គលទាំង២ខាងលើ គេសង្ស័យថា បានប្រើឯកសារក្លែងបន្លំ ដោយឯកសារទាំងនោះត្រូវបានគេប្រើនៅក្នុងទសវត្សឆ្នាំ២០០០ ដោយកែបន្លំដាក់ឆ្នាំ ១៩៩៧ និងឆ្នាំ១៩៩៨ ទៅវិញ។ ទាំងនេះហើយដែលគេហៅថា ប្រមូលមនុស្សមកធ្វើជាខែល សម្រាប់បាំងបំភាន់ភ្នែក ទៅរំលោភយកដីគេរបស់ ជំទាវបណ្ឌិត ឧកញ៉ាលី អ៊ុំអេង។ ទោះជាបែបនេះ ម្ចាស់ដីកំពុងកាន់កាប់ រួមទាំងម្ចាស់ដើម បានទាមទារអោយឈ្មោះ លី អ៊ុំអេង នាំយកអ្នកទាំង២ខាងលើ ដែលអះអាងថា ជាម្ចាស់ដើម ទៅតតាំងគ្នាអោយដឹងស.ខ្មៅ នៅសាលាស្រុកបន្ទាយស្រី តែបើមិនហ៊ាន សុំអោយដកខ្លួនចេញជាបន្ទាន់។ ជុំវិញការចុះផ្សាយព័ត៌មានខាងលើ បើសាម៉ីខ្លួនដែលជាប់ពាក់ព័ន្ធគិតថា ព័ត៌មានមួយនេះមិនមានភាព សុក្រឹត និងយុត្តិធម៌ សម្រាប់ខ្លួនទេនោះ សារព័ត៌មានយើងខ្ញុំ រងចាំធ្វើការផ្សាយបំភ្លឺឡើងវិញរៀងរាល់ម៉ោងធ្វើការ៕

ព័ត៌មានគួរចាប់អារម្មណ៍

ព្រះសកម្មភាព អ្នកអង្គម្ចាស់ ស៊ីសុវត្ថិ សិទ្ធិដែន យាងចែកព្រះអំណោយដល់ប្រជានុរាស្ត្រ ក្រីក្រ នឹង ផ្សាភ្ជាប់ ព្រះពុទ្ធសាសនា 🙏 🙏 🙏 (គេហទំព័រ ប៉ោយប៉ែត ប៉ុស្តិ៍)

ព័ត៌មានគួរចាប់អារម្មណ៍

ឯកឧត្តម អ៊ុំ រាត្រី អភិបាលខេត្តបន្ទាយមានជ័យ និងលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្ត ដឹកនាំកម្លាំងចម្រុះ ចុះចែកស្បៀង ដល់ប្រជាពលរដ្ឋក្រីក្រ និងរងគ្រោះដោយសារទឹកជំនន់ចំនួន៥០គ្រួសារ នៅស្រុកភ្នំស្រុក.!!! (គេហទំព័រ ប៉ោយប៉ែត ប៉ុស្តិ៍)

ព័ត៌មានគួរចាប់អារម្មណ៍

ថៃ ព្រមានព្យុះទីហ្វុង Noru នឹងមកដល់ល្ងាចថ្ងៃស្អែក.!!! (គេហទំព័រ ប៉ោយប៉ែត ប៉ុស្តិ៍)

ព័ត៌មានគួរចាប់អារម្មណ៍

លោកជំទាវ​កិតិ្ត​សង្គហ​បណ្ឌិត ម៉ែន សំអន បាន​នាំយក​អំណោយ​និង​ទេយ្យទាន​ទៅ​វេរ​ប្រគេន​ដល់​ព្រះសង្ឃ​ចំនួន ១៩ វត្ត​ក្នុង​ក្រុង​បាវិត នា​រដូវ​កាន់បិណ្ឌ​វេន​ទី​១៣ និង ភ្ជុំ​បិណ្ (គេហទំព័រ ប៉ោយប៉ែត ប៉ុស្តិ៍)

ព័ត៌មានគួរចាប់អារម្មណ៍

ហេងវិញ.! រថយន្តដឹកទំនិញធុនធ្ងន់បើកបុករថយន្តហ្វតពីក្រោយពេញទំហឹងបណ្តាលអោយក្រឡាប់ផ្ងារជើង តែគ្មានអ្នករងរបួស.!!! (គេហទំព័រ ប៉ោយប៉ែត ប៉ុស្តិ៍)

វីដែអូ

ចំនួនអ្នកទស្សនា

ថ្ងៃនេះ :
70 នាក់
ម្សិលមិញ :
263 នាក់
សប្តាហ៍នេះ :
3068 នាក់
ខែនេះ :
19753 នាក់
3 ខែនេះ :
67517 នាក់
សរុប :
1081244 នាក់