ខេត្តឧត្ដរមានជ័យ៖ ល្បែងឆ្នោតកន្ទុយលេខវៀតណា ខុសច្បាប់ របស់ (ក្រុមហ៊ុន៩០០០) កំពុងវាយលុក និងបោះទីតាំងដាក់ពង្រាយកូនកញ្ច្រែងពាសពេញស្រុកខេត្តអាជ្ញាធរមានសម្ថតកិច្ចមិនហ៊ានប៉ះ ល្បីថាក្រុមហ៊ុនឆ្នោតមួយនេះមានឥទ្ធិពល និង អំណាចធំជាងលោកឧត្ដមសេនីយ៍ទោ ហួត សុធី ស្នងការដ្ឋាននគរបាលខេត្តឧត្តរមានជ័យ ឫដូចគេនិយាយមែនថា ល្បែងខុសច្បាប់ទាំងនេះជាប្រភពចំណូលរបស់សម្ថតកិច្ចនិងស្ថាប័នពាក់ពន្ធ័ក្នុងខេត្ត ឫ យ៉ាងណា បានជាមិនដែលឃើញមានវិធានការបង្រ្កាបម្តងទេ។ ជាក់ស្ដែងណាស់ទីតាំងពីកន្លែងជិតរង្វង់មូលផ្អុង ភូមិផ្អុង សង្កាត់កូនក្រៀល ក្រុងសំរោងកំពុងប្រព្រឹត្តបទល្មើសបើកល្បែងចាក់ភ្នាល់ឆ្នោតកន្ទុយលេខ វៀតណាម ខុសច្បាប់ លេងបានយ៉ាងអាណាធិបតេយ្យ មានដូចជានៅ៖ ទីតាំងទី១/ស្ថិតនៅខាងត្បូង រង្វង់ផ្អុង ជ្រកក្រោមផ្លាកក្រុមហ៊ុន metfone និង ក្រុមហ៊ុន អេ អឹម ខេ(AMK)ម្ចាស់ទីតាំងឈ្មោះ ហេង ប្រុស វេរលុយ ២៥ ខេត្តក្រុង តែបង្កប់នូវល្បែងស៊ីសងឆ្នោតកន្ទុយលេខ វៀតណាមខុសច្បាប់របស់(ក្រុមហ៊ុន៩០០០) ល្បីថារត់ការចាប់ពីសង្កាត់ក្រុងរហូតដល់ខេត្ត ទើបគ្មានស្ថាប័នណាហ៊ានបង្រ្កាប។ ទីតាំងទី២/ស្ថិតនៅខាងលិច រង្វង់មូលផ្អុង ជិត៥០ម៉ែត្រ ជាមេបាតុង ប្រមូលលុយ ពីកូនកញ្ច្រែងដែលខ្លួនបានដាក់តាមគោលដៅ ជ្រកក្រោមផ្លាក អេ អឹម ខេ(AMK)និង ក្រុមហ៊ុនទ្រូម៉ានី(truemoney) ម្ចាស់ឈ្មោះ តាណា ស្កាយ តែលួចបង្កប់ល្បែងឆ្នោតវៀតណាមខុសច្បាប់ដ៍ធំជាងគេង នៅភូមិផ្អុង សង្កាត់កូនក្រៀល ក្រុងសំរោង ខេត្តឧត្ដរមានជ័យ។ បើយោងតាមការអះអាងពីម្ចាស់ពីឈ្មោះ តាណា ស្កាយ បានបញ្ជាក់ថា ទីតាំងឆ្នោតវៀតណាមរបស់(ក្រុមហ៊ុន៩០០០) ខ្លួនបានបើកមួយឆ្នាំជាងហើយ។ ហើយរូបគាត់ជាមេបាតុង និង ជាអ្នកប្រមូលុយពីកូនកញ្ច្រែង ថែមទាំងជាអ្នកឡើងឆ្នោតធំជាងគេនៅទីនោះ។ សូមបញ្ជាក់ផងដែរថាការចាក់ឆ្នោតកន្ទុយលេខ វៀតណាមរបស់ (ក្រុមហ៊ុន៩០០០) មិនមានកត់លេខតាមក្រដាសទេ គឺគេចុចតាមម៉ាស៊ីនអូសលេខ ដូច ម៉ាស៊ីនវេរលុយតាមវីង ឫ ទ្រូម៉ានី អ៊ីម៉ានីអញ្ចឹង និងមានការចេញលទ្ធផលមានម៉ោង១:០០(ធីណាំ)និងម៉ោង៤.១៤នាទី។ ពលរដ្ឋក៏ដូចជាមហាជនទទូចស្នើរសុំ និងសូមសំណូមពរទៅដល់ លោកឧត្ដមសេនីយ៍ទោ ហួត សុធី ស្នងការនគរបាលខេត្តឧត្ដរមានជ័យ មេត្តាចាត់វិធានការបង្ការដាក់កម្លាំងក្រោមឱវាទ ទបប់ស្កាត់ បង្ការ និងបង្រ្កាប ទីតាំងឆ្នោត វៀតណាម ខុសច្បាប់របស់ (ក្រុមហ៊ុន ៩០០០) ជិតរង្វង់មូលផ្អុង ដែលមាពីតទីតាំងខាងលើផងទាន!។ ព្រោះសព្វថ្ងៃគេសង្កេតឃើញថា ពលរដ្ឋជាច្រើននាក់ក្នុងខេត្តឧត្ដរមានជ័យ ក៏ទូទាំងប្រទេសកម្ពុជា កំពុងក្លាយខ្លួនជាទាសក ល្បែង និងជាអ្នកជម្ងឺ វីវក់ឈ្លក់វង្វេងល្បែងឆ្នោតកន្ទុយលេខវៀតណាម ខុសច្បាប់ បើសិនឯកឧត្ដមមិនចំណាត់ការក្នុងការបង្រ្កាបនោះទេ ពលរដ្ឋនឹងត្រូវរងគ្រោះបន្តបន្ទាបើទៀតជាក់ជាមិនខាន។ កន្លងមកសម្ដេចក្រឡាហោម ស ខេងឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ធ្លាប់បានដាក់បទបញ្ជាអផយមន្ត្រីនគរបាលពាក់ពន្ធ័ ក្រោមឱវាទ ទូទាំងប្រទេស ត្រូវតែបង្ក្រាបរាល់ល្បែងស៊ីសងខុសច្បាប់គ្រប់ប្រភេទ មិនត្រូវមានការយោគយល់ឡើយ ដើម្បីធានាអោយបាននូវ សុខសុវត្ថិភាព ជូនប្រជាពលរដ្ឋ អោយស្របតាមគោលនយោបាយ ភូមិ-ឃុំ មានសុវត្តិភាពទាំង៧ចំណុច របស់រដ្ឋាភិបាលដែលដាក់ចេញដោយក្រសួងមហាផ្ទៃ។ នៅថ្ងៃ១៣ ខែកញ្ញា ឆ្នាំ២០២២ ក្រុមការងារយើងបានរាយការណ៍ជូនលោកឧត្ដមសេនីយ៍ទោ ហួត សុធី ស្នងការនគរបាលខេត្តឧត្ដរមានជ័យតាម Whatsapp លោកបានបញ្ជាក់ថា ចាំអោយកម្លាំងចុះទៅស៊ើប៕ ដោយៈ លោក សួន ចំណាប់ គេហទំព័រ ប៉ោយប៉ែត ប៉ុស្តិ៍