ខេត្តឧត្ដរមានជ័យ៖ តើក្រុមហ៊ុន ៩០០០ ឆ្នោតកន្ទុយលេខ វៀមណាម ខុសច្បាប់កំពុងបោះទីតាំង បង្កើនល្បែងពេញស្រុកខេត្តឧត្តរមានជ័យ មានអំណាចប៉ុណ្ណា.!បានជាហ៊ានអះអាង និង ធានាសុវត្ថិភាពដល់កូនកញ្ច្រែងទាំងអស់ដែលឡើងអោយខ្លួនមិនបាច់ខ្លាចសម្ថតកិច្ចទៀតទេ ព្រោះក្រុមហ៊ុនខ្លួនជាអ្នកធានារ៉ាប់រងពេលដែលមានបញ្ហា។ គេសង្កេតថាក្រុមហ៊ុន ៩០០០ ឆ្នោតកន្ទុយលេខ វៀតណាម ខុសច្បាប់មួយនេះមានអំណាចប៉ុណ្ណានោះទេ ទើបហ៊ានអះអាងនិងមិនខ្លាចអំណាចច្បាប់ ឫ សម្ថតកិច្ចជុំវិញខេត្ត សង្ស័យក្រុមហ៊ុនមួយនេះ បានរត់ការបង់លុយជូនចាប់ថ្នាក់ក្រោមជាតិ រហូតដល់ក្រសួងមហាផ្ទៃហើយមើលទៅ បានសម្ថតកិច្ចក្នុងខេត្តមិនហ៊ានប៉ះសូម្បីតែចុងក្រចក។ សូមបញ្ជាក់ផងដែរថាទីតាំងក្រុមហ៊ុន៩០០០ឡើងឆ្នោតកន្ទុយលេខវៀតណាមខុសច្បាប់បានបោះទីតាំងនិងពង្រាយសាខាពេញខេត្តឧត្ដរមានជ័យតែម្ដង។ ភាពជាក់ស្ដែងទីតាំងធំៗមាននៅជិតរង្វង់មូលផ្អុង ភូមិផ្អុង សង្កាត់កូនក្រៀល ក្រុងសំរោង និង នៅភូមិស្លែងពណ៍ ឃុំត្រពាំងតាវ ស្រុកអន្លង់វែង កំពុងប្រព្រឹត្តបទល្មើសបើកល្បែងចាក់ភ្នាល់ឆ្នោតកន្ទុយលេខវៀតណាមខុសច្បាប់យ៉ាងរលូន។ ទីតាំងទី១/ស្ថិតនៅខាងត្បូងរង្វង់ផ្អុងជ្រកក្រោមផ្លាកក្រុមហ៊ុន metfoneនិងក្រុមហ៊ុន អេ អឹម ខេ(AMK)ម្ចាស់ទីតាំងឈ្មោះហេង ប្រុសវេរលុយ២៥ខេត្តក្រុងតែបង្កប់នូវល្បែងស៊ីសងឆ្នោតកន្ទុយលេខវៀតណាមខុសច្បាប់របស់ក្រុមហ៊ុន៩០០០ល្បីថារត់ការចាប់ពីសង្កាត់ក្រុងរហូតដល់ខេត្តទើបគ្មានស្ថាប័នណាហ៊ានបង្រ្កាប។ទីតាំងទី២/ស្ថិតនៅខាងលិចរង្វង់មូលផ្អុងជិត៥០ម៉ែត្រ ជាមេបាតុងប្រមូលលុយពីកូនកញ្ច្រែងដែលខ្លួនបានដាក់តាមគោលដៅជ្រកក្រោមផ្លាក អេ អឹម ខេ(AMK)និងក្រុមហ៊ុនទ្រូម៉ានី(truemoney)ម្ចាស់ឈ្មោះតាណា ស្កាយតែលួចបង្កប់ល្បែងឆ្នោតវៀតណាមខុសច្បាប់ដ៍ធំជាងគេងនៅភូមិផ្អុង សង្កាត់កូនក្រៀល ក្រុងសំរោងនិងទី៣/ស្រុកអន្លង់វែងជ្រកក្រោមផ្លាកក្រុមហ៊ុន វីងវេរលុយម្ចាស់ឈ្មោះយ៉ាយ៉ា ស្ថិតនៅភូមិស្លែងពណ៍ ឃុំត្រពាំងតាវ ស្រុកអន្លង់វែង ខេត្តឧត្ដរមានជ័យ។ ពលរដ្ឋក៍ដូចជាមហាជនស្នើរសុំដល់លោកឧត្ដមសេនីយ៍ទោ ហួត សុធី ស្នងការនគរបាលខេត្តនិង ឯកឧត្ដម ប៉ែន កុសល្យអភិបាលនៃគណះអភិបាលខេត្តនិងជាគណះបញ្ជាការឯកភាពមេត្តាដាក់ការស៊ើបអង្កេតនិងចុះត្រួតពិនិត្យបង្រ្កាបទីតាំងប្រព្រឹត្តបទល្មើសខុសច្បាប់នូវល្បែងស៊ីសងខាលើនេះផងចុះទាន.!កុំអោយពលរដ្ឋត្រូវរងគ្រោះក្លាយជាទាសកល្បែងនិងអ្នកជំង្ងឺដែលព្យាបាលលែងជា៕ ដោយៈ លោក សួន ចំណាប់ ភ្នាក់ងារ គេហទំព័រ ប៉ោយប៉ែត ប៉ុស្តិ៍