ខេត្តព្រះវិហារ៖ ក្រុមឈ្មួញជើងខ្លាំងដឹកឈើទាំងថ្ងៃ ទាំងយប់ ចេញពីភូមិឈ្មួន ឃុំរុៈរាន់ ស្រុករវៀង ខេត្តព្រៈវិហារត្រូវបានសមត្ថកិច្ច ផ្នែកសង្កាត់រដ្ឋបាលព្រៃឈើរវៀង សហការជាមួយកម្លាំងនគរបាលស្រុករវៀង ដោយមានការចូលរួមក្រុមអ្នកសារព័ត៌មានជាច្រើនអង្គភាព ស្ទាក់ចាប់បានរថយន្តម៉ាកសុីណា ពណ៍សរ ពាក់ផ្លាកលេខ ភ្នំពេញ2AG 5766 ដែលគេស្គាល់ថាជារថយន្តដឹកឈើមេឈ្មួញជើងខ្លាំងរឈ្មោះ តុលា ដែលជាមេឈ្មួញដុះប្រចាំខេត្តព្រៈវិហារ និងខេត្តសៀមរាប។ គួរំលឹកផងដែរថា៖ ខែមុន ក្រុមរថយន្តដឹកឈើនេះត្រូវបានផ្នែករដ្ឋបាលព្រៃឈើរវៀង ចាប់បានចំនួនពីរគ្រឿង កាលនោះក្រុមឈ្មួញចង់ធ្វើសកម្មភាពរំដោះយកឡានដឹកឈើពីសមត្ថកិច្ចវិញ តែសំណាល្អ លោក នួន សុខុម នាយខណ្ឌ័រដ្ឋបាលព្រៃឈើព្រៈវិហារ ដឹកនាំកម្លាំងអាវុធហត្ថខេត្ត នឹង អាវុធហត្ថស្រុកចុះទៅទាន់ កុំអីអាចប្រឈមដល់អា យុជីវិតសមត្ថកិច្ច ។ សូមបញ្ជាក់ផងដែរថា៖ ការបង្ក្រាបរថយន្តដឹកឈើ មេឈ្មួញឈ្មោះ តុលា ខាងលើ បានធ្វើលើងនៅរសៀលថ្ងៃទី១៤ ខែកញ្ញា ឆ្នាំ២០២២ នៅវេលាម៉ោង០៤នឹង៤៦នាទីល្ងាច រថយន្តដឹកបទល្មើសត្រូវក្រុមចម្រុះបង្ក្រាបបាននៅចំណុចភូមិរំចេក ឃុំរមណី ស្រុករវៀង ខេត្តព្រៈវិហារ ការបង្ក្រាបក្រុមឈ្មួញដឹកជញ្ជូនឈើនេះ ប្រឈមបញ្ហាដល់អាយុជីវិត បើសមត្ថកិចកចមិនប្រយត្ន័។ គួរំលឹកផងដែរថា៖ ការបង្ក្រាបលើកមុនៗ រថយន្ត របស់សមត្ថកិច្ចរដ្ឋបាលព្រៃឈើ ត្រួវរថយន្តក្រុមឈ្មួញកៀរធ្លាក់ប្រឡាយ ម្យ៉ាងទៀត ពេលចុះបង្ក្រាប បើគ្មានកម្លាំងប្រដាប់អាវុធចុះទៅជាមួយទេ មិនអាចបង្ក្រាបក្រុមរថយន្តដឹកឈើនេះបាឡើយ។ មេឈ្មួញ តុលា រថយន្តដឹកបទល្មើសត្រូវបានចាក់សោជាប់ សមត្ថកិច្ចកំពង់យកជាងទៅដោះសោ ដើម្បីនាំរថយន្តដឹកបទល្មើស យកមករក្សាទុក នៅផ្នែករដ្ឋបាលព្រៃឈើរវៀង ចាត់ការទៅតាមនីតិវិធីច្បាប់៕