ព័ត៌មានអន្ដរជាតិ៖ នៅថ្ងៃទី២៨ ខែកញ្ញា ឆ្នាំ២០២២ នេះ យោងតាមការព្យាករណ៍របស់នាយកដ្ឋានឧតុនិយមថៃបានអោយដឹងថា៖ ព្យុះទីហ្វុង Noru ដែលកំពុងបង្កឲ្យមានការបាក់ដីនៅប្រទេសវៀតណាម នឹងបោកបក់ឆ្លងកាត់ប្រទេសឡាវ ហើយបន្ទាប់មកឆ្ពោះទៅកាន់ភាគឦសាននៃប្រទេសថៃក្នុងខេត្ត Ubon Ratchathani និង Amnat Charoen នៅល្ងាចថ្ងៃព្រហស្បតិ៍ ។ ក្រៅពីបោកបក់មកកាន់តំបន់ភាគឦសានរបស់ប្រទេសថៃហើយនោះ, ព្យុះ Noru ក៏នឹងបង្កការបោកបក់នៅភាគខាងជើង និងតំបន់ទំនាបកណ្តាលផងដែរ ខណៈខេត្ត Ubon Ratchathani, ខេត្ត Si Saket, ខេត្ត Surin និងខេត្ត Buri Ram ត្រូវបានណែនាំអោយប្រុងជើងការ ក៏ដូចជាប្រឈមនឹងភ្លៀងធ្លាក់ខ្លាំងដែលនាំមកដោយព្យុះ។ ទន្ទឹមនោះ អាជ្ញាធរក៏កំពុងអោយមានការប្រុងប្រយ័ត្នខ្ពស់ចំពោះកម្លាំងខ្យល់បក់របស់ព្យុះទីហ្វុង Noru ដែលនឹងប្រែទៅជាព្យុះត្រូពិច មុនពេលឈានដល់ភាគ ឦសានប្រទេសថៃ នៅថ្ងៃព្រហស្បតិ៍ ជាពិសេសព្យុះនេះ នឹងធ្វើអោយមានមហន្តរាយកាន់តែធ្ងន់ធ្ងរថែមទៀត នៅក្នុងតំបន់ដែលប្រឈមនឹងទឹកជំនន់រួចហើយ ។ ដោយឡែក យោងតាមគណៈបញ្ជាការគ្រប់គ្រងទឹកជាតិ ដែលបាននិងកំពុងតាមដាន ទន្លេមេគង្គ បានអោយដឹងថា កម្រិតទឹកក្នុងទន្លេតាមព្រំដែនអន្តរជាតិ រំពឹងថា នឹងកើនឡើងចាប់ពីថ្ងៃពុធនេះ ដល់ថ្ងៃទី២ ខែតុលា ឆ្នាំ២០២២ ដោយសារភ្លៀងធ្លាក់ខ្លាំងដែលបង្កឡើងដោយព្យុះនេះ ។ ជាចុងក្រោយមជ្ឈមណ្ឌលក៏បានជូនដំណឹងដល់ប្រជាពលរដ្ឋរស់នៅតាមច្រាំងទន្លេ ក្នុងខេត្ត Nakhon Phanom, ខេត្ត Mukdahan, ខេត្ត Amnat Charoen និងខេត្ត Ubon Ratchathani អោយត្រៀមខ្លួនសម្រាប់ផលប៉ះពាល់ពីកម្ពស់ទឹកដែលហក់ឡើងខ្លាំងផងដែរ៕
ព័ត៌មានគួរចាប់អារម្មណ៍
កាស៊ីណូថ្មពេជ្រ"ច្រកក្អមសំណ"ជួលឲ្យថៅកែវៀតណាមបើកដៃឲ្យពលរខ្មែរចូលលេងល្បែងយ៉ាងកក្រឹកគគ្រេង.!!! (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា អញ្ជើញទទួល និងសួរសុខទុក្ខបងប្អូនពលករខ្មែរវិលពីប្រទេសថៃ.!!! (គេហទំព័រ ប៉ោយប៉ែត ប៉ុស្តិ៍)
ករណីបង្ក្រាបក្លឹបថាំងហ៊ួយ KTV បញ្ជូនអ្នកលក់គ្រឿងញៀនតែ១៥នាក់ទេទៅតុលាការ! (គេហទំព័រ ប៉ោយប៉ែត ប៉ុស្តិ៍)
ឯកឧត្តមបណ្ឌិត ទូច វណ្ណៈ ដឹកនាំប្រតិភូសមាគមសម្ព័ន្ធសារព័ត៌មានឯករាជ្យ ចូលជួបសម្តែងការគួរសមឯកឧត្តម ប៉េង ពោធិ៍សា អភិបាលខេត្តស្វាយរៀង (គេហទំព័រ ប៉ោយប៉ែត ប៉ុស្តិ៍)
ឯកឧត្តមអភិសន្តិបណ្ឌិត ស សុខា សង្ឃឹមយ៉ាងមុតមាំថា បទវិន័យនគរបាលជាតិកម្ពុជាថ្មីនេះ នឹងធ្វើឱ្យកងកម្លាំងនគរបាលជាតិ ប្រកាន់ខ្ជាប់នូវវិន័យ មានឥរិយាបថថ្លៃថ្នូរ មានក្រមសីលធម៌វិជ្ជាជីវៈ ស័ក្តិសមជាអ្នកបម្រើនិងការពារប្រជាពលរដ្ខ (គេហទំព័រ ប៉ោយប៉ែត ប៉ុស្តិ៍)
វីដែអូ
ចំនួនអ្នកទស្សនា