ឯកឧត្តម អ៊ុំ រាត្រី អភិបាលខេត្តបន្ទាយមានជ័យ និងលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្ត ដឹកនាំកម្លាំងចម្រុះ ចុះចែកស្បៀង ដល់ប្រជាពលរដ្ឋក្រីក្រ និងរងគ្រោះដោយសារទឹកជំនន់ចំនួន៥០គ្រួសារ នៅស្រុកភ្នំស្រុក.!!!
ខេត្តបន្ទាយមានជ័យ៖ ថ្ងៃព្រហស្បតិ៍ ៤កើត ខែអស្សុជ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី២៩ ខែកញ្ញា ឆ្នាំ២០២២ វេលាម៉ោង ១០និង១៩នាទី លោក វរសេនីយ៍ទោ ប៉ិក គឹមហ៊ាក់ អធិការនគរបាលស្រុក បានដឹកនាំកម្លាំងអធិការដ្ឋាន និងប៉ុស្ត៍រដ្ឋបាលស្រះជីក ចំនួន ២១ នាក់ ស្រី០២នាក់ អមដំណើរ ការពារសន្តិសុខ សុវត្ថិភាព ជូន ឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ និងលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្ត ក្នុងការជួបសំណេះសំណាលសួរសុខទុក្ខបងប្អូនប្រជាពលរដ្ឋក្រីក្រ ជនងាយរងគ្រោះ និងស្រ្តីមាន តាមខ្នងផ្ទះចំនួន ៥០ គ្រួសារ ដែលលិចលង់ដោយសារគ្រោះទឹកជំនន់ នៅភូមិគោករំចេក ស្ថិតនៅក្នុងឃុំស្រះជីក ស្រុកភ្នំស្រុក ខេត្តបន្ទាយមានជ័យ ។
បានចែកអំណោយ ជូនប្រជាពលរដ្ឋរងគ្រោះ ដោយសារទឹកជំនន់ ចំនួន ៥០ គ្រួសារ ក្នុង ១គ្រួសារទទួលបាន៖
១.អង្ករ ១០ គីឡូ
២.ទឹកត្រី ១យួរ ។
៣.ទឹកស៊ីអ៉ីវ ១យួរ
៤.ស្ករស កន្លះគីឡូ
៥.អំបិល កន្លះគីឡូ
៦.មុង ១
៧.សាប៊ូ ១ដុំ និងថ្នាំពេទ្យមួយចំនួន៕
